پێشگۆتن
حەمد وسوپاسی بۆ خودایێ هەمی چێكرییان بن، وسلاڤ ل پێغەمبەرێ وی یێ ڕاستگۆ ودەسپاك بن پێغەمبەرێ مە موحەممەدی وهەڤال ودویكەڤتییێن وی هەمییان.
ئەڤە پەرتۆكەكە د علمێ تەوحیدێ دا من دانایە، وبەرێ من تێدا ل هندێ بوویە یا كورت و ب ساناهی بت، ومن ئەو ژ گەلەك ژێدەران وەرگرتییە ژ پەرتۆكێن زانایێن مە یێن مەزن، و ب تایبەتی پەرتۆكێن (شیخ الإسلام ابن تیمیە) ی، وپەرتۆكێن (ابن القیم) ی، وپـەرتـۆكێن (شیخ الإسلام محمد بن عبد الوهاب) ی، وفەقییێن وی ژ ئیمامێن گازییا پیرۆز، وتشتێ گومان تێدا نە ئەوە كو علمێ عەقیدەیا ئیسلامی ئەو علمێ سەرەكییە یێ پێتڤییە بۆ فێربوون ونیشادان وكارپێكرنێ پویتە پێ بێتەكرن، چونكی ب ڕێكا وی كار وكریار ڕاست دبن و ل نك خودێ دئێنە قەبویلكرن ومفا ژێ دگەهتە خودانان، و ب تایبەتی چونكی ئەم ل دەمەكی دژین پێلێن سەرداچوونێ تێدا دمشەنە: پێلا بێ دینییێ، وپێلا صووفیاتی ورەبەناتییێ، وپێلا گۆڕپەێسییێ، وپێلا وان بیدعەیێن دژی ڕێبازا پێغەمبەری -سلاڤ لێ بن-، وئەو هەمی پێل جهێ ترسێنە ئەگەر هات وموسلمان بەرانبەر وان ب چەكێ عەقیدەیا دورست یێ چەكدار نەبت، ئەو عەقیدەیا وەرگرتی ژ كیتاب وسوننەتێ وڕێبازا پێشییێن ئوممەتێ، هنگی جهێ هندێیە ئەو پێل وی د گەل خۆ ببەن ووی بەرزەكەن، وئەڤە هندێ دخوازت پویتەیەكێ تمام ب نیشادانا عەقیدەیا دورست بۆ كوڕێن موسلمانان ژ ژێدەرێن دورست بێتەكرن..
وسلاڤێن خودێ ل پێغەمبەرێ مە موحەممەدی وهەڤال ودویكەفتییێن وی بن.
