دهسپێك
حهمد وسوپاسى بۆ وى خودایى بن یێ ب شهڤ دهستێ خۆ ڤهدكهت دا ههر كهسهكێ ب ڕۆژێ گونهه كربن ل وى بزڤڕت، و ب ڕۆژ دهستێ خۆ ڤهدكهت دا ههر كهسهكێ ب شهڤێ گونهه كربن ل وى بزڤڕت.. ئهو مهلكێ چو دهمان دهرگههێ خۆ ل بهر داخوازكهران ناگرت، وئهو خودایێ چو گونههكاران ژ رهحما خۆ بێ هیڤى ناكهت، گهزهكێ بهر ب وى ڤهدئێت یێ بهۆستهكێ ب نك وى ڤه بچت، و ب غار قهستا وى دكهت یێ هێدى بهرێ خۆ بدهته كنارێ وى.
وصهلات وسهلام ل پێغهمبهرێ وى بن، پێشهوایێ كاروانێ تۆبهكهران، ڕێ ئاشكهرا كر، ولـێ چوو، وئهم بۆ خواندین وداخوازكرین، ونیشا مه دا كو هیڤى باشتـرین زاده ئهم د گهل خۆ ببهین دهمێ قهستا ڕێكا خودێ دكهین، وترس وهشیارى چێتـرین پارێزهره مه ژ لادان وبهرزهبوونا ژ ڤێ ڕێ ڕزگار دكهت.
خواندهڤانێن هێژا: مهزنتـرین شعوور وخۆشتـرین نعمهت مرۆڤێ خودان باوهر د ڤێ دنیایێ دا ههست پێ دكهت ئهوه ئهو ئهو پێ بحهسیێت كو خودایێ وى یێ ژ وى رازییه وحهز ژ وى دكهت، قانوونا ئهڤیندارییێ ل سهر هندێ پێكهاتییه كو ئهڤینا ته ئهگهر چهند یا پاك وبلند بت، وچهند یا گهرم ودژوار بت، تاما وێ پێك نائێت وخۆشییا وێ تـمـام نابت حهتا تو ههست ب هندێ نهكهى كو لایێ دى یێ تو ڤێ ئهڤینێ بۆ پێشكێش دكهى وهكى ته یان پتـر ژ ته تو دڤـێـى، وههر ئهڤ قانوونهیه دبێژت: گونههكارییا د دهر حهقا ئهڤیندارى دا مهزنتـرین ئهگهره دبته ئاستهنگ د ڕێكا مرۆڤى وههستكرنا ب ڤێ شعوور ونعمهتێ دا.
مرۆڤێ خودان باوهر د ڤێ چوونا خۆ دا بهر ب خودێ ڤه، گهلهك جـاران هـهسـت ب هـنـدێ دكهت كو ئهڤ نعمهتا مهزن، نعمهتا ههستكرنا ب رازیبوونا خـودێ، یـا ژێ هاتیه ستاندن، لهو دێ بینى ئهو د ناڤ ههڤالان دا ههست ب غهریبیێ دكهت، د ناڤ كۆمهكا خۆشییان دا دژیت بهلـێ چو تامێ ژێ نابینت، وهكى مرۆڤێ تێنى دهمێ دهستان د بن ئاڤا دهریایێ دهلینت چهند پتـر ژێ ڤهخوت پـتـر شعوورێ ب تێنكاتیێ دكهت، چونكى ئاڤ یا سویره!
ڤێجا ئهگهر ته ژى جارهكێ ههست ب ڤێ چهندێ كربت، مسۆگهر ته ژى وهكـى هــهر ئـێـك ژ مه دێ پسیار ژ خۆ كربت: ئهرێ ئهو چ ئهگهره د پـشـت هـنـدێ ڕا هـهى تـامـا ئـاڤـێ د دهڤێ مه دا سویر بووى؟ وئهو چ ئاستهنگن كهفتینه د ناڤبهرا مه وههستكرنا ب تاما ڤێ نعمهتا مهزن دا؟
ب ڕاستى مه گهلهك پێتڤى ب هندێ ههیه ئهم هندهك دهلیڤهیان ژ ژینا خۆ ئستغلال بكهین، وچهندهكێ د گهل خۆ ڕاوهستین وبكهڤینه دان وستاندنێ:
ـ ئهرێ ژ كیڤه دهست پێ بكهین؟
ـ وچاوا بهردهوامییێ بدهینه چوونا خۆ یا بهر ب خودێ ڤه؟
ـ بۆچى هندهك جاران ئهم چو تامێ ژ چوونا خۆ یا ل سهر ڤێ ڕێكێ نابینین لهو ڕهنگهكێ سستییێ بۆ هندهك ژ مه چێ دبت؟
ـ ئهرێ دهرد ژ كیڤهیه ودهرمان ل كیڤهیه؟
د ڤان بهرپهڕێن بێت دا مه ل بهره ب ئانههییا خودێ بهرسڤێ ل سهر ڤان پسیاران بدهین..
