حهدیسا سیهــ ودووێ
ئاشكهرارنا گازیكهرى بۆ حهقییێ
32 ـ عَنْ عَلِي ـ رَضِيَ اللَّهُ عَنْهُ ـ قَالَ : لَمَّا ضَمَمْتُ إليَّ سِلاحَ رِسُولِ اللهِ ـ صَلَّى اللَّهُ عَلَيْهِ وَسَلَّمَ ـ وَجَدُّتُ فِي قَائِم سَيْفِ رِسُولِ اللهِ ـ صَلَّى اللَّهُ عَلَيْهِ وَسَلَّمَ ـ رقْعَةً فِيْهَا : [ صِلْ مَنْ قَطَعَكْ ، وَأحْسِنْ إلى مَنْ أسَاءَ إليكَ ، وَقُلِ الحَقَّ وَلَوْ عَلَى نَفْسِكَ ] رواه ابن السماك وابن النجار .
عهلى ـ خودێ ژێ رازى بت ـ دبێژت : دهمێ مـن چـهكێ پێغهمبهرى ـ سلاڤـ لـێ بن ـ دایه د گهل یێ خۆ من ل سهر دهستكێ شیرێ پـێـغـهمـبـهرى ـ سـلاڤـ لـێ بـن ـ پارچهیهك دیت ل سهر نڤیسى بوو : [ مرۆڤاینییا وى بكه یێ پشت دایه ته ، وقهجییێ د گهل وى بكه یێ خـرابـى د گهل ته كرى ، وحهقییێ بێژه ئهگهر خۆ ل سهر نهفسا ته ژى بت ] ئبن سهمماك وئبن نهججار ڤهدگوهێزن .
گۆتنا حهقییێ بێ موجامهله ودیاركرنا ڕاستییێ ژ وان مهسهلانه یێن فهر كو مرۆڤـ بیـرا خۆ لـێ بینتهڤه وكارى پێ بكهت ل ڤى زهمانێ مهسهله تێدا ب ناڤـ ئێك هلبووین ، وحولیسكاتى وموجامهلـێ جهێ شیرهتێ وگۆتنا حهقییێ گرتى .
مرۆڤێ داعیه ئهوێ بهرێ خهلكى ددهته ڕێكا خودێ دڤێت مرۆڤهكێ خێرخواز ودلفرهه بت ، قهنجییێ د گهل وى كهسى بكهت یێ خرابى گههاندییێ ، دا ئهو ب ڤێ چهندێ ژ خهلكێ دى جودا ببت ، ههر وهسا دڤێت ئهو گۆتنا حهقییێ ـ ب شێوهیهكێ جوان وتازه ـ بۆ خۆ بكهته دوریشمه وڕێباز بێى جودایییێ بێخته ناڤبهرا مهزن وبچویكى ، شێخى وموریدى ، یان حهتا خۆ ب خۆ وخهلكێ دى .
وگۆتنا وى بۆ حهقییێ هندێ دخوازت ئهو پشتهڤانییا خودان باوهران بكهت ، ووان ب سهربێخت .
