حهدیسا شهشێ
ئاشكهراكرنا ڕێكێ
6 ـ عَن الْعِرْبَاضَ بْنَ سَارِيَةَ ـ رَضِيَ اللَّهُ عَنْهُ ـ قَالَ : وَعَظَنَا رَسُولُ اللَّهِ ـ صَلَّى اللَّهُ عَلَيْهِ وَسَلَّمَ ـ مَوْعِظَةً ذَرَفَتْ مِنْهَا الْعُيُونُ ، وَوَجِلَتْ مِنْهَا الْقُلُوبُ ، قُلْنَا : يَا رَسُولَ اللَّهِ ، إِنَّ هَذِهِ لَمَوْعِظَةُ مُوَدِّعٍ فَمَاذَا تَعْهَدُ إِلَيْنَا ؟ قَالَ : [ قَدْ تَرَكْتُكُمْ عَلَى الْبَيْضَاءِ ، لَيْلُهَا كَنَهَارِهَا ، لا يَزِيغُ عَنْهَا بَعْدِي إِلا هَالِكٌ ، وَمَنْ يَعِشْ مِنْكُمْ فَسَيَرَى اخْتِلافًا كَثِيرًا ، فَعَلَيْكُمْ بِمَا عَرَفْتُمْ مِنْ سُنَّتِي ، وَسُنَّةِ الْخُلَفَاءِ الرَّاشِدِينَ الْمَهْدِيِّينَ ، عَضُّوا عَلَيْهَا بِالنَّوَاجِذِ ، وَعَلَيْكُمْ بِالطَّاعَةِ ، وَإِنْ عَبْدًا حَبَشِيًّا ، فَإِنَّمَا الْمُؤْمِنُ كَالْجَمَلِ الأَنِفِ حَيْثُمَا قِيدَ انْقَادَ ] رواه أحمد وابن ماجه والحاكم والبيهقي .
عرباضـێ كوڕێ ساریهى ـ خـودێ ژێ رازى بت ـ دبـێـژت : پێغهمبهرێ خودێ ـ سلاڤـ لـێ بن ـ وهعـزهكـێ ل مـه كر چاڤان ڕۆندك ژ بـهر بارانـدن ودل ژ بهر رهجفـیـن ، ئینا مه گۆت : ئهى پێغهمبهرێ خودێ ! ئهڤه وهعزێ خاترخواستنێ یه ، ڤێجا تو چ شیرهتێ ل مه دكهى ؟ وى گۆت : [ من هوین یێن هێلاینه ل سهر ڕێكهكا سپى وئاشكهرا ، شهڤا وێ وهكى ڕۆژا وێ یه ، پشتى من ئێكێ تێچوویى نهبت كهس ژێ لا نادهت ، وههچییێ ژ هـهوه بمینته ساخ ژێك جودابوونهكا زۆر دێ بینت ، ڤێجا وه ئێمانهت ئهوا ههوه زانى ژ سوننهتا من ، وسوننهتا خهلیفێن مـن یێن سهرڕاست و ب هیدایهت هاتین ، ب پدیین هوین بگـرن ، وههوه ئێمانهت گوهدارییا مهزنان ، ئهگهر خۆ عهبدهكێ حهبهشى ژى بت ، چونكى هندى مهتهلا خودان باوهرییه وهكى مهتهلا حێشتـرا سهرنهرمه ، بهرێ وى كیڤه بێتهدان دێ چت ] ئهحمهد وئبن ماجه وحاكم وبهیههقى ڤهدگوهێزن .
ڕێكا ئیسلامێ ڕێكهكا روهن وئاشكهرایه ، شهڤا وێ دێ بێژى ڕۆژه ، نه كهس لـێ بهرزه دبت ، ونه كهس ژێ بهرزه دبت ، ئهو تێ نهبت یێ تێچوون بۆ خۆ هلبژارتى ، وچاڤێن خۆ ژ حهقییێ گرتین ، ڕێك سوننهتا پێغهمبهرى یه ـ سلاڤـ لـێ بن ـ وئـهو مـهنـهـهجه یێ صهحابـییـێـن وى و ب تایبهتى خهلیفێن راشدى ل سهر چووین ، وگوهدارییا وان مهزنانه یێن ڤى مهنههجى ب كار دئینن ، بهلـێ ئهگهر هندهك كهس ههبن حهقییێ نه نیاسن ، وخۆ ژ نهحهقییێ نهدهنه پاش ، ئهگهر چیه ؟
تو بێژى ڕێك یا ئاشكهرا نینه لهوا ؟
نهخێر .. ڕێك یا ئاشكهرایه ، بهلـێ مرۆڤـ گهلهك جاران ڕێـنـیشانان ل بهر خۆ بهرزه دكهن ، لهو دڤێت ڕێنیشان بێنه دهسنیشانكرن .
