حهدیسا دووێ
شهرمزارییا موسلمانان
2 ـ عَنْ ابْنِ عُمَرَ ـ رَضِيَ اللَّهُ عَـنْـهُ ـ قَـالَ : سَـمِـعْتُ رَسُولَ اللَّهِ ـ صَلَّى اللَّهُ عَلَيْهِ وَسَلَّمَ ـ يَقُولُ : [ إِذَا تَبَايَعْتُمْ بِالْعِينَةِ ، وَأَخَذْتُمْ أَذْنَابَ الْبَقَرِ ، وَرَضِيتُمْ بِالزَّرْعِ ، وَتَرَكْتُمْ الْجِهَادَ ، سَلَّطَ اللَّهُ عَلَيْكُمْ ذُلاً لا يَنْزِعُهُ حَتَّى تَرْجِعُوا إِلَى دِينِكُمْ ] رواه أبو داود والبيهقي .
عهبدللاهێ كوڕێ عومهرى ـ خودێ ژێ رازى بت ـ دبێژت : من گوهــ ل پێغهمبهى بوو ـ سلاڤـ لـێ بن ـ دگۆت : [ ئهگهر ههوه كڕین وفرۆتن ب سهلهفێ كر ، وهـهوه كـورییا چـێـلان گـرت ، وهـویـن ب چاندنێ رازى بوون ، وههوه جیهاد هێلا ، خودێ شهرمزارییهكا وهسا دێ ل سهر ههوه زال كهت تشتهك وێ شهرمزارییێ ژ سهر ههوه ڕاناكهت حهتا هوین ل دینێ خۆ نهزڤڕن ] ئهبوو داوود وبهیههقى ڤهدگوهێزن .
پێغهمبهر ـ سلاڤـ لێ بن ـ د ڤێ گۆتنا خۆ دا ئاشكهرا دكهت كو ههر جارهكا ئوممهتا ئیسلامێ چار تشت ل نك پهیدا بوون دێ كهفته شهرمزارییهكا مهزن ، ئهو ههر چار تشت ژى ئهڤهنه :
1 ـ ئهگهر وان ئهو ڕهنگێ كڕین وفرۆتنێ كر یێ كو دبێژنێ : عینه ، وعینه ئهوه مرۆڤهك تشتهكى ب دهین بفروشته ئێكى پاشى ههر وى تشتى ب بهایهكێ كێمتـر ژێ بكڕت وپارێ وى بدهتێ ، وئـهڤـ ڕهنـگـێ كڕین وفرۆتنێ یێ حهرامه چونكى دبته ڕێك بۆ ریبایێ ، وئهو تشتێ ببته ڕێك بۆ حهرامى حهرامه .
2 ـ ئهگهر ئهو ب خودانكرنا تهرش وحهیوانهتى رازى بوون .
3 ـ وئهگهر وان كار وكهسپێ خۆ كره چاندن ، و ب عهردى ڤه هاتنه گرێدان .. وئهڤه ل وى دهمى یێ كو جیهاد تێدا فهر دبت .
4 ـ لهو د یا چارێ دا گۆت : وئهگهر ههوه جیهاد هێلا ، یهعنى : ئهگهر ل وى دهمێ جیهاد ل سهر ئوممهتێ دبته كارهكێ پێتڤى ، ئهو جیهادێ بهێلن و ب بازرگانى وچاندن و ب خودانكرنا حهیوانهتى ڤه موژیل ببن ، هنگى دوژمن دێ ل سهر وان زال بت ، ودێ وان ئێخته دهراڤـهكێ تـهنگ ، وهنگى ئهو دێ ژ ڤێ شهمزارییێ دهركهڤن دهمێ ئهو ل دینێ خۆ دزڤڕنهڤه ، وجارهكا دى دهست ددهنه جیهادا د ڕێكا خودێ دا .
وجیهاد ، ئهو فهرزا دوژمنێن ئیسلامێ ل ههمى جهـ و ل ههمى دهمان خۆ ژێ بێنتهنگ دبینن ، ولـێ دگهڕیێن ب ههمى ڕێكان ( تهشویـه ) بكهن ، ئهو دهرمانه یێ شهرمزارییێ ژ سهر ئوممهتێ ڕادكهت .
