مرۆڤێن خودێ
و جيهادا د ڕێكا خودێ دا
بهرى ئهم قهستا ديوانا شێرێ جيهادێ (صهلاحهددينێ ئهييووبى) بكهين يا د جهێ خۆ دايه ئهم ل فهرههنگا مرۆڤێن خودێ بزڤڕين دا بزانين كانێ تێگههشتنا وان بۆ جيهادێ يا چاوا بوو..
ب ڕاستى ڤيانا مرۆڤێن خودێ بۆ جيهادا د ڕێكا خودێ دا گهلهك ژ هندێ مهزنتره كو كهسهك بشێت ب گۆتنهكا كورت دهسنيشان بكهت، و ب تنێ شيرێ خودێ خالدێ كوڕێ وهليدى شيايه نێزيك ببت دهمێ د كاغهزهكا خۆ دا بۆ مهزنێ لهشكهرهكێ كافران نڤيسى: ((ئـــهزێ هــاتــيــم هــنـدهك زهلام من يێن ئيناينه ته هند حهز ژ مرنێ دكهن هندى هوين حهز ژ ژينێ دكهن)).
بهلێ.. مرۆڤێن خودێ هند حهز ژ جيهادێ ومرنا د ڕێكا خودێ دا دكهن، هندى مرۆڤێن دنيايێ حهز ژ ژينێ ومانا د دنيايێ دا دكهن.. مرۆڤێن خودێ كانێ چاوا د مهيدانا حهژێكرنا خودێ وڕهڤينا ژ مهزنێن دنيايێ دا ههردهم ل پێشییێ بوون، وهسا د مهيدانا خۆگۆريكرنا د ڕێكا خودێ ژى دا سهركێش بوون، ئهو ڕۆندكێن وان ل شهڤێن درێژ ژ ترسێن خودێ دا دباراندن ژ وان چپكێن خوينێ دكێمتر نهبوون يێن وان ل مهيدانا جيهادێ بۆ خودێ دڕێتن.
(يهحيايێ كوڕێ ئهبوو كهثيـرى) د گۆتنهكا خۆ دا دبێژت: ((ل دو دهمان بهحهشت دئێته خهملاندن: ل دهمێ نڤێژێ، و ل دهمێ شهڕى)). ژ بهر ڤێ چهندێ تو دا بينى ئێك ژ وان گاڤا دچوو د نڤێژێ دا تو دا بێژى ئهو يێ ژ دنيايێ دهركهفتى و ل بهحهشتێ يێ ئاماده بووى، وئێك ژ وان گاڤا ل مهيدانا جيهادێ ژى حازر دبوو دا بێژته ههڤالێن خۆ: خۆ ژ ڕێكا من ڤهدهن بێهنا بهحهشتێ ژ نهالا هه يا دئێته من!
و د گۆتنهكا دى دا (يهحيايێ كوڕێ ئهبوو كهثيـرى) دبێژت: ((شهش سالۆخهت ههنه ههچییێ ئهو سالۆخهت ل نك ههبن ئهوى باوهرییا وى يا تمامه: كرنا شهڕێ دوژمنێن خودێ ب شيرى، وڕۆژيگرتنا ل هاڤينێ، وشويشتنا دهسنڤێژێ ب تمامى ل زڤستانێ، وچوونا نڤێژێ زوى ل ڕۆژا بارانێ، وهێلانا ههڤڕكییێ ئهگهر خۆ خودان يێ حهق ژى بت، وصهبرا ل سهر موصيبهتێ)).
مهعنا ب ديتنا مرۆڤێن خودێ جيهاد سهردهفتهرا ههمى خێرانه؛ چونكى جيهاد ژبلى كو ب جهئينانا فهرمانا خودێیه، ئهو سهركهفتنهكه مرۆڤ دژى دلچوونێن خۆ ب دهست خۆ ڤه دئينت، شاهدهدانهكه ل سهر هندێ كو مرۆڤى ڤيانا دنيايێ هاڤێتییه، ڤێجا يا عهجێب نينه جيهاد ب ديتنا وان ئهو گهمى بت يا كو مرۆڤى ژ ههمى پێلێن تێچوونێ ونهمانێ ڕزگار بكهت.
مرۆڤێ عهدهتى گهلهك جاران حێبهتى دمينت دهمێ پێشڤهچوونا ڤان مرۆڤان بۆ بهرۆكێن جيهادێ دبينت يان گوهـ لێ دبت: كوڕ دبێژنه بابێ خۆ يێ سهقهت: تو نهئێ جيهادێ خودێ ل ته ناگرت، باب ل وان دخۆڕت: ب خودێ ئهز هنگى ڕادوهستم حهتا ڤى پییێ خۆ يێ شل دكهمه د بهحهشتێ دا.. ودچت وشهڕى دكهت حهتا شههيد دبت.
سهرۆكێ لهشكهرى دبێژته زهلامهكى: ته چاڤ نينن خودێ ل ته ناگرت تو بزڤڕهڤه، ئهو لێ ڤــهدگــێــڕت: چــونـكـى من چاڤ نينن لهو ئهز دێ ئێم، كانێ تو ئالايێ لهشكهرى بـكــه د دهستێ من دا، ئهز وان نابينم كو ژ وان بڕهڤم.. ودچت ودچت حهتا دئێته سهرژێكرن!
ڤيانهكا مهزنه بۆ خۆگۆريكرنێ.
(عهمرێ كوڕێ عوتبهى) ئێك ژ عاشقێن جيهادێ بوو، ڕۆژهكێ د گازییا جيهادێ دهركهفت، بهرانبهر لهشكهرێ ڕۆمێ ڕاوهستا، كراسهكێ نوى يێ سپى كربوو بهر خۆ، گهلهك ژێ دهات، هندهك ههڤالێن وى گۆتێ: چهند جلكێن ته دخوشكۆكن. وى گۆت: دێ خوشكۆكتر لێ ئێن دهمێ خوين ب سهر ڤێرێ دا دئێته خوارێ!
چ عشقهكا غهريبه بهلێ ل بهر مه، نه ل بهر مرۆڤێن خودێ.
پاشــى عــهمـرى گۆت: سێ داخواز من ژ خـودێ كـربـوون، دو يێن دايـنـه مـن وئهز يێ ل هيڤییا يا سییێ، مــن داخـواز ژێ كربوو ئهو دنيايێ ل بهر دلێ من سار كهت، ڤێ گاڤێ ل نك من خهم نينه چ بێت چ بچت، ومن داخواز ژێ كربوو ئهو زيرهكییێ ل سهر كرنا نڤێژێ بدهته من، ئهو ژى دا من، ومن داخواز ژێ كربوو ئهو شههيدبوونێ ب ڕزقێ من بكهت، وئهزێ ل هيڤییێ.
پاشى وێ ڕۆژێ لێ نهبوو ئێڤار حهتا مرادا وى يا سییێ ژى بۆ ب جهـ هاتى!
ومرۆڤێن خودێ د ڤێ ڤيانا خۆ دا دقـهلس وچـڕيك نهبوون، وان دڤيا عهيالێ وان ژى ل سهر ڤێ ڕێكێ بن.. (شهقيقێ كوڕێ سهلهمهى) دبێژت: ((ئهگهر من كوڕهك ههبت شهڕى د ڕێكا خودێ دا بكهت ل بهر من خۆشتره ژ هندێ كو سهد هزار بگههنه من)).
مرۆڤێن خودێ ل چلخانهيان سهرى ناههژينن.. ووهكى دههبهيان ل شهكفتێن چۆل وچيايان ناكهڤنه چو (خولوهيان).. مرۆڤێن خودێ د ناڤ مرۆڤان دا دژين، وبهرێ وان ددهنه ڕێـكــا خــودێ وكــرنـــا جــيــهـــادا د ڕێــكـا خودێ دا. (صهلاحهددينێ ئهييووبى) ههر جارهكا ب لهشگرانییێ دحهسيا دا بێژت: كانێ ههسپێ من بينن، دا سويار بت ودهركهڤت قهستا مهيدانا شهڕى كهت، ههڤالێن وى دا بێژنێ: ئهى سولتان! تو يێ نساخى.. ئهو دا بێژته وان: دهمێ ئهز ل سهر پشتا ههسپى ئهز ههمى نساخییێن خۆ ژ بيـر دكهم.
ب ڤێ ڕووحييهتێ، و ب ڤێ حهژێكرنێ، مرۆڤێن خودێ قهستا بهرۆكێن شهڕى دكهن، لهو گاڤا ئێك ژ وان ل ڤێ مهيدانێ دكهڤت، دكهفته د بهحهشتێ دا، ودبێژت: ب خودایێ كهعبێ ئهز ب سهركهفتم ((فزت ورب الكعبة.. فزت ورب الكعبة)).
