٩٩ ناڤێت خۆدێ ﷻ
أَسْمَاءُ اللهِ الحُسْنَى:
رۆنكرنهكا كورته بۆ كۆمهك ژ ناڤێت خودێ تهعالا
ئهوێت د قوڕئانێ و حهديسێت دورست دا هاتين..
[محمدسعيد بن عصمت الناڤشكي]
[مهلا موحهممهد سهعید ناڤشكی]
اللهُ:
ئهوه يێ ب حهقی عيبادهت بۆ تێته كرن، ئهوێ ههمی مهعنێت خودێينیيێ بۆ ههين، و ئهڤه ئهو ناڤه ئهوێ كومكهر بۆ ههمی ناڤ و صيفهتێت خودێ (جل جلاله).
الرَّحْمن:
ئهوه يێ گهلهك گهلهك يێ ب رهحم.
الرَّحِيم:
ئهوه يێ گهلهك يێ ب رهحم.
المَلِك:
ئهوه يێ ملك ههمی يێ وی.
القُدُّوس:
ئهوه يێ پاقژ ژ ههمی كێماسیيا.
السَّلامُ:
ئهوه يێ ب صلامهت ژ ههمی كێم و كاسیيا.
المـُؤمِنُ:
ئهوه يێ پێغهمبهرێت خۆ راستگۆ دهرئێخستين.
المُهَيْمِن:
ئهوه يێ هاژ تشتێت بهرزه ههی، و زێرهڤان ل سهر كريارێت بهنیيێت خۆ، و ههمی د چهميای بۆ حوكمێ وی.
العَزِيزُ:
ئهوه يێ سهردهست و خودان هێز، و چ تشت ل بهر ئاسێ نهبن، و كهسهك نهشێتێ.
الجَبَّار:
ئهوه يێ ههمی تشت چهماندين بۆ مهزناهیيا خۆ، و ئهوه يێ حالێ دل شكهستییا ب سهروبهر دكهت.
المـُتَكَبِّر:
ئهوه يێ خودان مهزناهی.
الخالِقُ:
ئهوه يێ ههمی تشت چێكرين.
البَارِىءُ:
ئهوه يێ چێكری ژ چونههیيێ پهيدا كرين.
المـُصَوِّرُ:
ئهوه يێ ب وی رهنگێ وی حهز كری چێكریيێت خۆ شكل كرين.
الغَفَّارُ:
ئهوه يێ مشه گوننهها د غهفرينيت.
القَهَّارُ:
ئهوه يێ ب دورستاهی ههمی تشت چهماندين بۆ وی تشتێ وی د ڤێت.
الوَهَّابُ:
ئهوه يێ مشه قهنجیيا ل گهل بهنیيا د كهت.
الرَّزَّاقُ:
ئهوه يێ مشه رزقی د دهته بهنیيا.
الفَتَّاحُ:
ئهوه يێ حوكمی د ناڤبهرا بهنیيێت خۆ دا د كهت، و ئهوه يێ دهرگههێت رهحمێ و رزقی بۆ وان ڤهكرين، و ئهوه يێ دلێت راستگۆ وا بۆ نياسين و ڤياناخۆ ڤهكرين
العَلِيم:
ئهوه يێ گهلهكێ زانا، ئهوێ زانيناوی ههمی تشت ڤهگرتين.
القَابِض الْبَاسِط:
ئهوه يێ رزقی بهرتهنگ د كهت و بهرفرههـ دكهت (ئهڤ ههردوو ناڤه پێكڤه تێنه گۆتن).
السَّمِيع:
ئهوه يێ هاژ ههمی دهنگا ههی.
البَصِيرُ:
ئهوه يێ ههمی تشتا د بينيت.
الْـحَكَمُ:
ئهوه يێ حوكمی د ناڤبهرا بهنیيێت خۆ دا د كهت.
اللَّطِيفُ:
ئهوه يێ تشتێت هوير و يێت بهرزه د زانيت، و ئهوه يێ ل گهل بهنیيێت خۆ يێ باش.
الـْخَبِيرُ:
ئهوه يێ ژناڤدايا شۆلا و راستیياوان د زانيت.
الـحَلِيمُ:
ئهوه يێ بێنفرههـ، و مۆلهتێ د دهته گوننههكارا، و زوی عهزاب نهدهت.
الْعظِيمُ:
ئهوه يێ مهزن، يێ ههمی سهخلهتێت مهزناهیيێ ل دهف ههين.
الـغَفُورُ:
ئهوه يێ مشه گوننهها د نخێڤيت و ل سهر عهبدێخۆ ستاره د كهت.
الشَّكُورُ:
ئهوه يێ گهلهك شوكرا بهنیيێت خۆ د كهت ل سهر كرنا كارێت باش.
الـعَلِيُّ:
ئهوه يێ گهلهكێ بلند.
الكَبِيرُ:
ئهوه يێ مهزن د زات و ناڤ و صيفهتێت خۆ دا، يێ ههمی تشت د چهميای بۆ وی.
الحَفِيظُ:
ئهوه يێ چێكریيێت خۆ د پارێزيت، و عهمهلێ وان ژی د پارێزيت و بهرزهنهكهت.
المـُقِيتُ:
ئهوه يێ قويتی و ئهڕزاقی د دهت.
الـْحَسِيبُ:
ئهوه يێ تێرا بهنیيێخۆ ههی، و ئهوه يێ حسێبێ ل گهل خهلكی د كهت ل سهر وی عهمهلێ وان كری.
الكَريمُ:
ئهوه يێ گهلهكێ مهرد، و گهلهك يێ ب لێبوورين.
الرَّقيبُ:
ئهوه يێ چاڤێ وی ل تشتا، و چ تشت ل بهر بهرزهنهبن.
الْمُجِيبُ:
ئهوه يێ جوابا دوعا د دهت.
الْوَاسِع:
ئهوه يێ وهصف و سهخلهتێت وی و ئهو تشتێت ب وان ڤه گرێدای د بهرفهرهـ، ئهوێ مهزناهی و ملك و قهنجی و رهحم و مهردينیياوی د بهرفرههـ.
الْحَكِيمُ:
ئهوه يێ خودان حيكمهت د چێكرن و ئهمرێت خۆ دا، ئهوێ ههر تشتهكی د دانيته جهێ وی.
الْوَدُودُ:
ئهوه يێ حهژ عهبدێت خۆ يێت صالح و جوامێر د كهت، و ئهو ژی حهژ وی د كهن.
الْمَجِيدُ:
ئهوه يێ خودان قهدر و مهزناهی د سهخلهت و كريارێت خۆ دا.
الشَّهِيدُ:
ئهوه يێ ئاگههدار ب ههمی تشتا.
الْحَقُّ:
ئهوه يێ راست و دوروست و ههمی شۆلێت وی د بنهجهـ.
الوَكِيلُ:
ئهوه يێ ب شۆلێت بهنیيێت خۆ رادبيت، و پشتهڤانیيا خۆشتڤیيێت خۆ د كهت.
القَوِيُّ:
ئهوه يێ ب هێز و قووهت، ئهوێ چ سستاهی و لاوازی بۆ چێنهبن.
الـْمَتِينُ:
ئهوه يێ توند و خودان هێزا تمام و دورست.
الوَلِيُّ:
ئهوه يێ ب كارێت عهبدێت خۆ رادبت، و هاريكاریيا عهبدێت خۆ يێت خودان ئيمان دكهت، و ئهوه يێ ئيماندار وی بوخۆ د كهنه خۆشتڤی و هاريكار.
الـْحَمِيدُ:
ئهوه يێ ههژی بۆ مهدحا، ئهوێ ههمی چێكری ب مهدحێت وی د ئاخڤن.
الْحَيُّ:
ئهوه يێ ساخ، و ههروههر د مينيت.
القَيُّومُ:
ئهوه يێ ب دورستاهی ب رێڤهبرنا ههمی تشتا رادبيت.
الصَّمَدُ:
ئهو خودێ مهزنه ئهوێ خهلك قهستاوی د كهت، و خۆ ههوجهی وی د كهن بۆ قهتاندنا موحتاجیيا.
القَادِرُ:
ئهوه يێ پێچێبۆی.
المـُقْتَدِرُ:
ئهوه يێ پێچێبۆی و خودان شيان ل سهر كرنا ههمی تشتا.
الـمُقَدِّمُ المـُؤَخِّرُ:
ئهوه يێ تشتا ف پێش د ئێخيت و ف پاش د ئێخيت، و ههر تشتهكی د دانيته جهێ وی. (ئهڤ ههردوو ناڤه پێكڤه تێنه گۆتن)
الأوَّلُ:
ئهوه يێ ئێكێ، يێ چ تشت بهریوی نهههين.
الآخِرُ:
ئهوه يێ دويماهيكێ، ئهوێ چ تشت پشتیوی نهبن.
الظَّاهِرُ:
ئهوه يێ چ تشت ب سهر وی دا نه.
البَاطِنُ:
ئهوه يێ چ تشت د بن وی دا نه.
المُتَعَالِي:
ئهوه يێ ب سهر ههمی چێكریيێت خۆ دا ب زات و شيان و سهردهستیياخۆ.
الـْبَرُّ:
ئهوه يێ قهنجیيێ ل گهل عهبدێت خۆ د كهت.
التَّوَّابُ:
ئهوه يێ مشه تۆبێ د كهته د دلێت عهبدێت خۆ دا، و تۆباوان قهبويل د كهت.
الـعَفُوُّ:
ئهوه يێ مشه گوننهها ژێ د بهت، و ل خهلهتیيا د بوريت.
الرَّؤُوفُ:
ئهوه يێ گهلهك رهحمهكا زێده ب عهبدێت خۆ د بهت.
مَاِلكُ الْمُلْكِ:
ئهوه يێ خودانێ ملكی ههمیيێ.
ذُو الجَلالِ والإكْرَامِ:
ئهوه يێ خودانێ مهزناهیيێ و قهدرگرتنێ بۆ خۆشتڤیيێت خۆ.
جامِعُ النَّاسِ لِيَوْمٍ لا رَيْبَ فِيهِ:
ئهوه يێ خهلكی د رۆژهكا چ شك تێدا نهبن كۆم د كهت.
الغَنِيُّ:
ئهوه يێ يێ بێمنهت، ئهوێ ههوجهيی ب كهسهكێ نهههی.
نُورُ السَّمواتِ والأرْضِ:
ئهوه يێ عهرد و عهسمان رۆنكرين، و ههكهر ئهو نهبا چ رۆناهی ل عهسمانا و ل عهردی نه د بۆ، و رۆناهی ئێك ژ صيفهتێت خودێيه.
الهَادِي:
ئهوه يێ بهرێ بهنیيێت خۆ د دهته تشتێت ب فايده، و دلێت وان د بهته حهقیيێ.
بَدِيعُ السَّموَاتِ والأرْضِ:
ئهوه يێ عهسمان و عهرد مهزبيت و تازه چێكرين، بێی كۆ ل بهر تشتهكی چێكربن.
الوَارِثُ:
ئهوه يێ -پشتی نهمانا عهبدێت وی- د مينيت، و د بيته وێرسێ وان.
الإلهُ:
ئهوه يێ ههژی بۆ هندێ كو عيبادهت بۆ بێته كرن.
الـْوَاحِدُ:
ئهوه يێ ئێك، ئهوێ كهسهك وهكی وی نه.
الأحَدُ:
ئهوه يێ بتنێ.
الوِتْرُ:
ئهوه يێ كت، يێ كهسهك ل گهل نه.
السُّبُّوحُ:
ئهوه يێ دوير ژ ههمی كێم و كاسی و شريك و ههر تشتهكێ نهيێ ههژی بۆ مهزناهیياوی.
الطَّيِّبُ:
ئهوه يێ پاقژ، يێ بێ عێب و قوسويری.
السَّيِدُ:
ئهوه يێ مهزن، يێ بهنی ههمی د دهستێت وی دا و ل بن حوكمێ وی.
الجَمِيلُ:
ئهوه يێ جوان د زات و ناڤ و صيفهت و كريارێت خۆ دا.
الأَعْلَى:
ئهوه يێ ژ ههمی تشتا بلندترێ.
المـَلِيكُ:
ئهوه يێ ب دورستاهی خودانێ ههمی تشتا.
الْقَاهِرُ:
ئهوه يێ ههمی تشت چهماندين، و ههمی چێكری بۆ وی د شكهستی.
القَدِيرُ:
ئهوه يێ خودان شيان، ئهوێ ههر تشتێ وی د ڤێت د كهت، هندی حيكمهتاوی د خواستێ، نه ب زێدههی و نه ب كێماسی.
الدَّيَّانُ:
ئهوه يێ عهبدێت خۆ چهماندين، و تۆلێ ڤه د كهت، و ههر ئێكی د گههينيته جزايێ وی.
الخَلّاقُ:
ئهوه يێ ب دورستاهی ههمی تشت ژ چونههیيێ چێكرين.
الـمَنَّانُ:
ئهوه يێ گهلهك منهتا ل عهبدێت خۆ د كهت ب كرنا قهنجیيێت مهزن و گران ل گهل وان.
الأكْرَمُ:
ئهوه يێ ژ ههمیيا مهردتر، و ب قهدرتر، و ب لێبوورينتر.
الجَوَادُ:
ئهوه يێ گهلهكێ مهرد، ئهوێ مشه قهنجیيا ل گهل خهلكی د كهت.
المُحْسِنُ:
ئهوه يێ قهنجیيا ل گهل خهلكی د كهت، و لاو و تازه شۆل و كارێت خۆ د كهت.
الحَفِيُّ:
ئهوه يێ گهلهك قهنجی و باشیيا ل گهل عهبدێ خۆ د كهت.
العَالِمُ:
ئهوه يێ زانا، يێ زانيناوی د ههمی تشتا چۆی.
الحَافِظُ:
ئهوه يێ عهبدێت خۆ و عهمهلێ وان د پارێزيت.
الـمُحِيطُ:
ئهوه يێ ب شيان و رهحم و زانيناخۆ دۆر ل ههمی تشتا گرتی، ههمی تشت يێت د دهستێ وی دا، و كهسهك نينه ژ بن حوكمێ وی ب دهركهڤيت.
الرَّبُّ:
ئهوه يێ خودانێ عهبدا، ئهوێ وان خودان د كهت، و چێكرن و رزق وساخكرن و مراندن و رێڤهبرنا شۆلێت وان د دهستێت وی دا.
الرَّفِيقُ:
ئهوه يێ رهحهت د كريارێت خۆ دا.
الْكافِي:
ئهوه يێ تێرا عهبدێ خۆ يێ بصڕمان ئهوێ خۆ د هێليته ب هيڤیياويڤه ههی. كو رزقێ وی بدهت، و بهڵا و نهخۆشیيا ژێ بدهته پاش، و هاريكارييا وی بكهت ل سهر نهيارا.
الشَّافِي:
ئهوه يێ نساخا ساخ د كهت.
الطَّبِيبُ:
ئهوه يێ زانا ب دهرمانكرن و چارهسهركرنا نساخیيا.
الـحَيِيُّ:
ئهوه يێ گهلهك يێ شهرمين.
السِّـتِّـيرُ:
ئهوه يێ گهلهك عهبدێ خۆ ستاره د كهت و د نخێڤيت.
الشَّاكِرُ:
ئهوه يێ شوكردار، ئهوێ عهمهلێ عهبدێ خۆ بهرزه نهكهت، و خێراوی زێده د كهت.
الـمَولَى:
ئهوه يێ شۆلا ب رێڤه د بهت، و هاريكاریيا عهبدێت خۆ يێت خودان ئيمان و باوهر د كهت.
النَّصِيرُ:
ئهوه يێ ب دورستاهی عهبدێ خۆ ب سهر دئێخيت، و هاريكاریياوی د كهت ل سهر نهياری.
القَرِيبُ:
ئهوه يێ نێزيكی خهلكی ههمیيێ ب زانيناخۆ، و يێ نێزيكی عهبدێت خۆ يێت ژێگر ب حهژێكرن و هاريكاری و پشتهڤانیياخۆ.
الحَاسِبُ:
ئهوه يێ رۆژا قيامهتێ حسێبێ ل گهل عهبدێت خۆ د كهت.
المُبِينُ:
ئهوه يێ رێكا دورست بۆ عهبدێت خۆ ئاشكرا كری.
أرْحَمُ الرَّاحِمِينَ:
ئهوه يێ ژ ههمی خودان رهحما ب رهحمترێ.
خَيْرُ الغَافِرِينَ:
ئهوه چێترينێ وان كهسێت خهلهتیيا د ڤهشێرن.
رَبُّ العَالَمِينَ:
ئهوه يێ خودانێ ههمی عالهما، ئهوێ ب كارێت وان را دبيت، و وان ب نيعمهت و قهنجييێت خۆ خودان د كهت.
مَالِكُ يَوْمِ الدِّينِ:
ئهوه يێ خودانێ رۆژا قيامهتێ، كو رۆژا جزادانا ل سهر عهمهلييه.
أَحْسَنُ الخَالِقِينَ:
ئهوه يێ باشترين صنعهتكار.
عَلّامُ الغُيُوبِ:
ئهوه يێ ب دورستاهی تشتێت نهبهرچاڤ و د بهرزه د زانيت.
مُحْيِي الـْمَوْتَى:
ئهوه يێ مرييا ساخ د كهت.
مُقَلِّبُ القُلُوبِ:
ئهوه يێ دلا د قولوپينيت و وهردگێريت.