چاوا دێ بییه مرۆڤهكێ دلشاد؟
301- شرینییا سهركهفتنێ تهعلییا صهبرێ ژێ دبهت، وخۆشییا سهركهفتنێ وهستیانا نهخۆشییێ دبهت، وكرنا كارى ب تمامى زهحمهتا وى ڕادكهت.
302- خۆشتـرین تشت د دنیایێ دا ڤیانا خودێ یه، وباشتـرین تشت د بهحهشتێ دا دیتنا خودێ یه، و ب مفاترین كتێب كتێبا خودێ یه، وقهنجتـرین مرۆڤ پێغهمبهرێ خودێ یه ـ سلاڤ لـێ بن ـ.
303- یێ دلشاد ئهوه یێ وهجهك بۆ خۆ ژ دوهییا خۆ وهرگرتى، وبهرێ خۆ دایه كارێ خۆ، وكارێ مرنا خۆ كرى، ودهمێ ل بهرچاڤ ونه ل بهرچاڤ ئاگهه ژ خودایێ خۆ ماى.
304- حرص شهرمزارییه، وتهمهعى ڕوى سارییه، وبهخیلى كێم بهایییه، وترس ڕوى ڕهشییه، وغهفلهت پهردهیه.
305- (احفظ الله يحفظك، احفظ الله تجده أمامك، تعرف إلى الله في الرخاء يعرفك في الشدة، إذا سألت فاسأل الله، وإذا استعنت فاستعن بالله ـ تـو خـودێ بپارێزه ئهو ژى دێ ته پارێزت، خودێ بپارێـزه دێ وى ل بهراهییا خـۆ بـیـنـى، ل بهرفرههییێ خودێ بنیاسه ل تـهنـگـاڤییێ ئهو دێ ته نیاست، ئهگهر پسیارهك كـر ژ خـودێ بـكـه، وئهگهر تـه داخوازا هاریكارییێ بۆ خۆ كر ژ خودێ بكه).
306- تو دهمێ بهرفرههییا خۆ بۆ خۆ بكه زهخیره بۆ دهمـێ تـهنـگـاڤـییا خۆ، وتو مالـێ خۆ بۆ حالـێ خۆ بكه پاراستن، وتو عهمرێ خۆ بكه طاعهت بۆ خودایێ خۆ.
307-بهلكى خـۆشـییـهك كهسهرهكێ بگههینت، وتهحسینهك رهزیلییهكێ ل پاش خۆ بهێلت، وگونهههك نعمهتهكێ ببهت، وكهنییهك گرییهكێ بكێشت.
308- شوكرا نعمهتان وان دهێلت، وكوفرا وان وان دبهت، ودونیایێ ئهگهر كهیفا مرۆڤى ئینا دێ بۆرت وچت، وئهگهر جوان بوو دێ مرۆڤى خاپینت.
309- سلامهتى ئێك ژ دو دهسكهفتییانه، وساخلهمییا لهشى كێم خوارنه، وساخلهمییا رحێ كـێـم گـونـههـكـارییـه، وساخلهمییا دهمـى خـۆ دویركرنا ژ نهڤیانێ یه.
310- دهقیقهیهكا ئێشانێ ڕۆژهكه، وڕۆژهكا خۆشییێ دهقیقهیهكه، وشهڤا دلخۆشییێ یا كورته، وڕۆژا خهمێ یا درێژ وگرانه.
311- بهخت ڕهشى بیـرا ته ل نعمهتێ دئینته ڤه، وبرس زادى ل بهر ته شرین دكهت، وگرتیخانه بهایێ ئازادییێ نیشا ته ددهت، ونساخى دلـێ ته دبته سلامهتییێ.
312- ڤان ههر سێ دختۆران ژ دهست خۆ نهكه: كهیفخۆشى، ورحهتى، وپارێز، وهشیارى ڤان ههر سێ نهیاران به: ڕهشبینى، ووههم، وبێ هیڤیاتى.
313- سهعادهت ئهوه نهفس بگههته دهرهجا كهمالـێ، وسهركهفتن ئهوه نهفس بهرههمێ كریارێن خۆ ببینت، وبهختیارى ئهوه دنیا لـێ ببته یار وبۆ بگڕنژت.
314- ل سهرێ سحاران ڕوینه ودهستێن خۆ درێژ بكه، وچاڤێن خۆ بهرده، وبێژه: ئهى خودایێ مهزن! پهرتالهكێ بێ خێر مه یێ ئیناى بهایهكێ مهزن پێ بده.
315- سلامهتییا ژ نهخۆشى ونساخى وپیراتییێ ژ نعمهتێ یه، وحهتا تێهنى نهبى ئاڤێ ڤهنهخۆ، وحهتا برسى نهبى خوارنێ نهخۆ، وحهتا نه وهستـیـێـى نهنڤه.
316- ههچییێ لهزێ نهكهت دێ گههته هیڤییا خۆ، وههچییێ خۆ د ڕێكا خێرخوازییێ دا خۆ بوهستینت دێ خۆشییێ ب سهركهفتنێ بهت، ولهز یا خرشه، ودلخۆشكرنا ب هیڤییان موفلسییه.
317- یێ رازى به ژ خودێ سهرا وى تشتێ ئهو دئنته ڕێكا ته، وهیڤییا نهمانا وى حالى نهكه وى وى تو كرییه تێدا، چونكى ئهو ژ ته ب خۆ چێتـر ته دنیاست، وئهو ژ دهیكا ته ب ڕهحمتـره بۆ ته.
318- تشتێ خودێ داى ههمى خێره، خۆ كرنا گونههێ ژى ب شهرتهكى ئهگهر تـۆبه وپهشێمانى، وخۆ شكاندن وئستغفار د گـهل دا بـت، چونكى ئهو خۆمهزنكرنێ دبهت.
319- بهردهوام داخوازا گونهه ژێبرنێ بۆ خۆ بكه، چونكى خودێ ب شهڤ وڕۆژ لێبۆرین ههنه، وبهلكى لێبۆرینهكا وى ژ ته بگرت تو پێ دلشاد ببى حهتا ڕۆژا قیامهتێ.
320- خوزییا وى كهسى یێ ئهگهر خودێ قهنجى د گهل كر ئهو یى شوكردار بت، وئهگهر بهلایهك هاته سهرى یێ صهبركێش بت، وئهگهر گونهههك كر داخوازا گونهه ژێبرنێ بكهت، وئهگهر كهربێن وى ڤهبوون یێ بێنفرهه بت، وئهگهر حوكمهك كر یێ ب عهدالهت بت.
321- ژ مفایێن خواندنێ ئهزمان رههوان دبت، وعهقل زێده دبت، ودل صافى دبـت، وخهم ڕادبـت، ومـفـا ژ سـهربـۆڕان دئێته وهرگـرتن، وقهنجى ب دهست ڤه دئێن.
322- خوارنا دلى د ئیخلاص وتۆبهكرنێ دایه، ههر وهسا خۆ هێلانا ب هیڤییا خودێ ڤه، وحهزكرنا تشتێ ل نك وى ههى، وترسا ژ عهزابا وى، وڤیانا خودێ.
323- (يا ذا الجلال والإكرام) ههر بێژه، ویێ بهردهوام به ل سهر (يا حي يا قيوم برحمتك أستغيث) دا كهیفێ وخۆشییێ ورحهتییێ ببینى.
324- ئهگهر ئـێـكـى نـهخـۆشى گههانده ته بیرا خۆ ل قهدهرێ بینهڤه، وقهنجییا لێبۆرینێ، وخێرا نهرم وحهلیمییێ، وقهدرێ صهبركێشانێ، وههر وهسا بیـرا خۆ ل هندێ بینه كو ئهو یێ زالمه وتو یێ مهزلوومى، لهو تو ژ وى بهختهوهرترى.
325- قهدهر دێ جهێ خۆ گرت، وئهجهل نائێته زڤڕاندن، ورزق یێ دهسنیشان كرییه، ڤێجا خهمگینى بۆچییه؟ ونساخى وفهقیرى وموصیبهتێ خێرا خۆ ههیه ڤێجا كهسهر بۆچییه؟
326- د دنیایێ دا بهحهشتهك هـهیـه ههچییێ نهچتێ ئهو ناچته بهحهشتا ئاخـرهتـێ، ئـهو ژى زكـرێ خـودێ وطـاعـهت وڤیان وصهبـر وههدارهاتنا ب وى یه.
327-[ رضي الله عنهم ـ خودێ ژ وان رازى بوو ] چونكى وان ئهمرێ وى ب جه ئینا، وخۆ ژ نههیا وى دا پاش، [[ ورضوا عنه ـ وئهو ژ وى رازى بوون] چونكى یا وان هیڤى دكر وى دایێ، وتشتێ ئهو ژێ دترسان وى ئهو ژێ ئێمن كرن.
328-چاوا دێ ب خهم كهڤت ئهوێ خودایهكێ وهسا ههبت تهقدیرێ بكهت وگونههێ ژێ ببهت، وخودانى ستاره بكهت، ورزقى بدهت، وببینت وگوه لـێ ببت، وههمى كار د دهستێ وى دابن؟
329-رهحم یا بهرفرههه، ودهرگهه یێ ڤهكرییه، وعهفیكرن یا دایى یه، ودانا وى دئێت ودچت، وتۆبه دئێته وهرگرتن، ولێبۆرینا وى یا مهزنه.
330-ب خهم نهكهڤه چونكى تشتێ خودێ نڤیسى یێ پێكهاتى، وقهدهر ههر دێ ئێت، وقهلهم یێن هشك بووین، وبهرپهڕ یێن هاتینه پێچان، وخێر دێ گههت، وگونهه دێ ئێنه ژێبرن.
331-كـارى بـاش بـكـه، وهـیـڤـییـێ كورت بكه، و ل هیڤییا ئهجهلى به، وڕۆژا خـۆ ببۆرینه، وكارێ خۆ بكه، وزهمانێ خۆ بنیاسه، وئهزمانێ خۆ بپارێزه.
332-چـو تـشـت ژ كـتـێـبێ ب مفاتر نینه، وچو وهعز ژ قهبرى دمهزنتـر نینن، وچو تشت وهكى گونههێ مرۆڤى بێهن تهنگ ناكهت، وچو تشت ژ زوهدێ شهریفتـر نینه، وچو زهنگینى وهكى قهناعهتێ نینه.
333-هندى مجدى وزیرهكى وهممهتا ته ههى دیرۆكا ته دێ ئێته نڤیسین، ومهجد ب ههروه نائێته دان، بهلكى ئهو ب كارى وقوربانیدانێ دئێته ستاندن.
334-مهسهلـێ سڤك كه دێ سڤك بت، وخهما خۆ بكه خهما ئاخرهتێ ب تنێ، وخۆ بۆ ژڤانا خودێ بهرههڤ بكه، وتشتێ زێده ژ ههمى تشتان بهێله.
335-كارێ زیده ژ تشتێن دورست ئیزعاجه، وهكى ئاخفتنا زێده وخوارن ونڤستن وتێكهلى وكهنییا زێده، ئهون ئهگهرێن خهمان.
336-[ لكَيْلا تَأْسَوْا عَلَى مَا فَاتَكُم ] ڤێجا دا دلێن ههوه ژ خهم وكهسهران نهحهلیێن، ودا هوین ب گرى وكـۆڤـانـان خـۆ نهكوژن، ودا قههر ونالین ههوه تێ نهبهن.
337-[ حَسْبُكَ اللّهُ وَمَنِ اتَّبَعَكَ مِنَ الْمُؤْمِنِينَ ] خودێ تێرا ههوه ههیه ئهو دێ ههوه سهرڕاست كهت وچاڤدێرییێ ل ههوه كهت، وههوه پارێزت، ڤێجا هوین ناترسن.
338-[ إِنَّ اللّهَ مَعَ الّذِينَ اتَّقَوْا ] خودێ د گهل تهقوادارانه وان ژ دوژمنان دپارێـزت، و ژ بـهلایان رزگـار دكهت، و ژ ئـێـشان ساخلهم دكـهت، ووان ژ نهخۆشى وتهنگاڤییان دپارێزت.
339-[ لا تَحْزَنْ إِنَّ اللّهَ مَعَنَا ] ب خهم نهكهڤه هندى خودێ یه د گهل مهیه ئهو مه دبینت، گوه ل ئاخفتنا مه دبت، و مه ب سهر دوژمنێ مه دئێخت، ئهو وى تشتێ مه ب خهم دئێخت بۆ مه ب ساناهى دكهت، وتشتێ مه كۆڤاندار دكهت ئهو وى لاددهت.
340-[ أَلَمْ نَشْرَحْ لَكَ صَدْرَكَ ] ئهرێ ما مه سنگێ ته بهرفرهه وتهنا و رحهت و كهیفخۆش ودلشاد وئاڤا نهكرییه؟!
341-[ وَلا تَكُ فِي ضَيْقٍ مِمَّا يَمْكُرُونَ ] تـو ژ پـیـلانێن وان یێ بێهن تهنگ نهبه، ئهم تێرا ته ههینه پلانێن وان پویچ بكهین، وخرابییا وان ژ ته دویر بكهین، ونهخۆشییا وان ژ ته لادهین.
342-[ وَلا تَهِنُوا وَلا تَحْزَنُوا ] هویـن لاواز نهبن و ب خهم نهكهڤن ویێن بلندتر هوینن، باوهرى وشریعهتێ ههوه بلندتره، ڕێباز ومهنههجێ ههوه بلندتره، وڕهوشت وڕهفتارێ ههوه بلندتره.
343-[ إِنَّ رَبَّكَ وَاسِعُ الْمَغْفِرَة ] هندى خودایێ ههوهیه گونهه ژێرنا وى یا بهرفرههه، ل گونههكارى دبۆرت، وتۆبێ وهردگرت، شكهستنێ ڤهدگرت، وتهحسینێ ژێ دبهت، خهلهتییێ ستاره دكهت، وتۆبا تۆبهدارى وهردگرت.
344-[ وَلا تَيْأَسُوا مِنْ رَوْحِ اللّه ] ژ رهحـمـا خودێ بێ هیڤى نهبن، بـهرفـرههییا وى یا نێزیكه، ورهحـمـا وى یا ب لـهزه، و ب ساناهیكرنا وى ب جـه دئێت، وكهرهما وى یا بهرفرههه، وقهنجییا وى یا گشتییه.
345-[وَهُوَ أَرْحَمُ الرَّاحِمِينَ ] ئهو ژ ههمى دلۆڤانان دلۆڤانتـره، سلامهتى وشفایێ ددهت، وهلبژارتنێ دكهت، ومرۆڤى دپارێزت، وستاره دكهت، وگونههێ ژێ دبهت، و ئارامییێ ددهت، وكهرهمێ دكهت.
346-[ فَاللّهُ خَيْرٌ حَافِظاً ] خودێ باشتـرین پارێزڤانه، یێ نهئاماده دپارێزت، ویێ غهریب دزڤڕینت، یێ ڕێ بهرزه دئینته سهر ڕێ، ویێ موبتهلا ساخلهم دكهت، ویێ نساخ ساخ دكهت، وتهنگاڤییێ لاددهت.
347-[ وَعَلَى اللّهِ فَتَوَكّلُوا ] خۆ بهێلنه ب هیڤییا خودێ ڤه، وكارێ هلپـسـێرنه وى، وگازندهیا حالـێ خۆ بـۆ وى بكهن، ب دانا وى رازى ببن، و ب چاڤدێرییا وى پشت ڕاست ببن.
348-[ فَعَسَى اللّهُ أَنْ يَأْتِيَ بِالْفَتْحِ ] بهلكى خودێ ڤهكرنێ بدهت وكلیلان ڤهكهت، وتهنگاڤییێن گران لادهت، وشهڤێن درێژ ببهت، ودلـى فرهه بكهت وحالـى خۆش بكهت.
349-[ لا تَدْڕي لَعَلّ اللّهَ يُحْدِثُ بَعْدَ ذَلِكَ أَمْراً ] تو نزانى بهلكى خودێ پشتى هنگى كارهكى ب جـه بینت، ڤێجا خهم بچت، وكۆڤان نهمینت، وقههر ببریێت، وكار ب ساناهى لـێ بێت، ودویرى نێزیك بكهت.
350-[ كُلّ يَوْمٍ هُوَ فِي شَأْنٍ ] ههر ڕۆژهكێ ئهو د كارهكى دایه: تهنگاڤییهكێ لاددهت، وگونهههكێ ژێ دبـهت، ورزقهكى ددهت، ونهخۆشهكى ساخ دكهت، وسلامهتییێ ددهته موبتهلایهكى، وئێخسیرهكى بهرددهت، وشكهستییهكى ڤهدگرت.
351-[ فَإِنَّ مَعَ الْعُسْڕ يُسْراً ] د گهل تهنگاڤییێ بهرفرههى ههیه، د گهل فهقیرییێ دهولهمهندى، وپشتى نساخییێ سلامهتى، وپشتى خهمێ دلخۆشى، وپشتى تهنگاڤییێ بهرفرههى، وپشتى گرتنێ بهردان، وپشتى برسێ تێرى.
352-[ سَيَجْعَلُ اللّهُ بَعْدَ عُسْرٍ يُسْراً ] پشتى تهنگاڤییێ خودێ بهرفرههییێ دێ دهت، قـهیـدێ دێ ڤـهكـهت، ووهریسى دێ بڕت، ودهرگههى دێ ڤهكهت، وبارانێ دێ دهت، ومرۆڤێ نهحازر دێ گههینت، وحالـێ دێ چێ كهت.
353-[ فَصَبْرٌ جَمِيلٌ ] صهبر یا جوانه، ڤێجا حال دێ ئێته گوهاڕتن، ونهفس دێ تهنا بت، وسنگ دێ فرهه بت، وكار دێ ب ساناهى كهڤت، وگرێ دێ ڤهبت، وگرفتارى نامینت.
354-[ وَتَوَكلْ عَلَى الْحَيِّ الّذِي لا يَمُوتُ ] تو خۆ بهێله ب هیڤییا وى خودایێ زێندى یێ نهمرت ڤه، دا ئهو حالـێ ته چاك بكهت، ودلـێ ته فرهه بكهت، ومالـێ ته بپارێزت، وچاڤدێرییێ ل عهیالـێ ته بكهت، وقهدرێ دویـمـاهـییا ته بگرت، وهیڤییێن ته ب جـه بینت.
355-[ حَسْبُنَا اللّهُ وَنِعْمَ الْوَكِيل ] خودێ تێرا مه ههیه ئهو تهنگاڤییێ ژ سهر مه ڕاكهت، وگونههێن مه ژێ ببهت، ودلێن مه چاك بكهت، وعهیبێن مه نههێلت.
356-[ إِنَّا فَتَحْنَا لَكَ فَتْحاً مُبِيناً ] مه تو هلبژارتى وهـیـدایـهت دا ته، وتـو پاراستى وشیان دا ته، وتو ب سهرئێخستى وقهدرێ ته گرت، و ژ ههر جهرباندنهكا جوان مه تو جهرباندى.
357-[ وَاللّهُ يَعْصِمُكَ مِنَ النَّاسِ ] خودێ یه تـه ژ مرۆڤان دپارێزت ڤێجا چو دوژمن ناگههنه ته، ودهستێ چـو زۆرداران ناگههته ته، وچو مرۆڤێن دلڕهش نهشێنه ته، وچو دل ب كین ب سهر ته ناكهڤن، وتو كوتهككار ب سهر ته دا ناگرن.
358-[ وَكَانَ فَضْلُ اللّهِ عَلَيْكَ عَظِيماً ] وقهنجییا خودێ ل سهر ته یا مهزن بوویه، وى تو ئافراندى ورزق دا ته، وى تو فێركرى وتو تێگههاندى، هیدایهت دا تـه وتـو سهرڕاست كرى، بهرێ ته دا ڕێكێ وتو تۆره داى، تو ب سهر ئێخستى وپاراستى، پشتهڤانییا ته كر وچاڤدێرى ل ته كر.
359-[ وَمَا بِكُمْ مِنْ نِعْمَةٍ فَمِنَ اللّهِ ] هـهر نـعـمـهتـهكا ل نك ههوه ههبت ئهو ژ خودێ یه، ئهوه ئافراندن كرى ورزق داى، گوه وچاڤ وهیدایهت وسلامهتى، وئاڤ وبا، خوارن ودهرمان، وئانههى وجلك.. ئهو ههمى وى یێن داین.
360-ئهگهر ته داخوازهك كر تو ژ خودێ بكه، ئهو تێرا ته ههیه تو هاریكارى وڕاستى ودورستى ورهحم وبهرفرههى وپشتهڤانى وسهركهفتنێ ببینى.
361-مه خـۆ یـێ هێلایه ب هیڤییا خودێ ڤه، ومه باوهرى ب دینێ وى ئینایه ودویكهفتنا پێغهمبهرێ وى كرییه، وگوه دایه گۆتنا وى، و ب گازییا وى ئهم كۆم بووینه، ڤێجا ب خهم نهكهڤه خودێ یێ د گهل مه.
362-وخودێ دێ وى ب سهر ئێخت یێ وى ب سهر بێخت، ڤێجا ئهو بهایێ وى دێ بلند كهت، وكارێ وى ب ڕێـڤـه بـهت، ودوژمنێ وى شـهرمـزار كهت، وهـهڤـڕكـێ وى شـكـێـنـت، ونهیارێ وى ڕوى ڕهش كهت.
363-(لا حول ولا قوة إلا بالله) چو ڤیان وشیان وپشتهڤانى وسهركهفتن وبهرفرههى وهاریكارى وهێز نینه ئهگهر ب خودایێ مهزن نهبت.
364-[ أَلَمْ نَجْعَلْ لَهُ عَيْنَيْن ] ما مه دو چاڤ نهداینه وى ئهو پێ بهرێ خۆ بـدهتـه كتێبا گهردوونێ، ودهفتهرا جوانییێ پێ بـخـویـنـت، وخۆشییێ پێ ب دیـمـهنێن خوشكۆكییێ ببهت، وپێ ل مهرهجانا ژینێ بنێڕت؟
365-[ وَلِسَاناً وَشَفَتَيْنِ ] وما مه ئهزمانهك ودو لێڤ نهداینێ ئهو رههوان پێ باخڤت، گۆتنهكا جوان بێژت، و ب پـهیـڤێن كارتێكهر دهربڕینێ ژ وى تشتێ د دلـێ وى دا بكهت.
366-[ لَئِنْ شَكَرْتُمْ لأَزِيدَنَّكُمْ ] ئهگهر هوین شوكرێ بكهن ئهز دێ قهنجییێ ل ههوه زێده كهم، ڤێجا علمێ ههوه دێ مهزن بت، وتێگههشتنا ههوه دێ زێده بت، وبهرهكهتێ دێ ئـێـخـتـه رزقێ ههوه، ودێ ههوه ب سهرئێخت، وخێرا ههوه زێده كهت.
367-[ وَأَسْبَغَ عَلَيْكُمْ نِعَمَهُ ظَاهِرَةً وَبَاطِنَة ] وئاشكهرا وڤهشارتى گشتى وتایبهت د دین ودنیایێ دا د مال وعهیال وشیان وبهرهره وئهندامێن لهشى ورحێ دا وى قهنجییێن خۆ ب سهر ههوه دا گرتینه.
368-[ وَأُفَوِّضُ أَمْڕي إِلَى اللّهِ ] ئهز دێ خۆ هێلمه ب هیڤییا خودێ ڤه، گازندهیا خۆ دێ بۆ وى بلند كهم، حالـێ خۆ دێ ل بهر وى دانم، هزرهكا باش ئهز دێ ژ وى كهم، ودێ خۆ هێلمه ب هیڤییا وى ڤه، ب حوكمێ وى دێ رازى بـم، و ب دانا وى دێ خۆ پشت ڕاست كهم.
369-[ اللّهُ لَطِيفٌ بِعِبَادِهِ ] خودێ دلۆڤانییـێ ب بهنییێن خۆ دبهت، رزقى ددهته وان ئـهگـهر ئـهو ههژار بـوون، بارانێ ددهته وان دێ ل وان دبته هشكاتى، وگوهێن وان ژێ ددبهت ئهگهر ئهو داخوازا گونهه ژێبرنێ بكهن، شفایێ ددهته وان دهمێ ئهو نهخۆش دبن، وسلامهتییێ ددهته وان ئهگهر بهلایهك ب سهر وان دا هات.
370-[ لا تَقْنَطُوا مِنْ رَحْمَةِ اللّهِ ] ژ رهحما خودێ بێ هیڤى نهبن، ئهو دهرگههێ خۆ ناگرت، وپهردهى بهرنـادهت، خزینهیێن وى خلاس نابن، وقهنجییا وى ب دویماهى نائێت، ووهریسێ وى ناقهتیێت.
371-[ أَلَيْسَ اللّهُ بِكَافٍ عَبْدَهُ ] ما خودێ تێرا بهنییێ خۆ نینه خهما وى ڤهڕهڤینت، ووى ژ دوژمنى بپارێزت، ونههێلت كهس نهخۆشییێ بگههینتێ؟
372-[فَابْتَغُوا عِنْدَ اللّهِ الرِّزْق ] هوین رزقى ژ وى بخوازن چونكى خزینه یێن وینه، وخێر د دهستێ وى دایه، یێ مهرد ئهوه دهرگههێ خێرێ ڤهدكهت ویێ زانایه.
373-[ وَمَنْ يُؤْمِنْ بِاللّهِ يَهْدِ قَلْبَهُ ] ههچییێ باوهرییێ ب خودێ بینت ئهو دێ تهنگاڤییێ ژ سهر ڕاكهت، وگونهها وى ژێ بهت وكهربا وى ناهێلت، وڕێكا وى روهن كهت، وگاڤێن وى موكم كهت.
374-[ اذكُرُوا نِعْمَتَ اللّهِ عَلَيْكمْ ] هوین قهنجییا خودێ بیننه بیرا خۆ، هوین دمرى بوون وى هوین زێندى كـرن، وهـویـن د ڕێ بهرزهبوون وى هوین ئینانه سهر ڕێ، وهوین د فهقیر بوون وى هوین زهنگین كرن، وهوین دنهزان بوون وى هویت فێركرن، وهوین دبن دهست بوون وى هوین ب سهرئێخستن.
375-چهند جاران ته خوازا ژێ كرییه ووى دایه ته؟ چهند جاران ته پسیار ژێ كرییه وئهو د بهرسڤا ته هاتییه؟ وچهند جاران تو هلنگفتى ووى تو ڤهگرتى؟ چهند جـاران ل بهر ته ئاسێ بوویه ووى ل سهر ته ب ساناهى ئێخستییه؟ چهند جاران ته دوعا ژێ كرییه ووى دوعایا ته قهبویل كرییه؟
376-صـهلات وسـهلام ل سهر پێغهمبهرێ مهعصووم خهمان ڤهدڕهڤینت، وكهسهران لاددهت، ودلـێ ب كول دهرمان دكـهت، وزانـیـنـان ل بهر مرۆڤى ڤهدكهت، ووێ بارا بۆ هاتییه لێكڤهكرن دگههینتێ.
377-[ ادْعُونِي أَسْتَجِبْ لَكُمْ ] دوعایێ ژ من بكهن ئهز دێ د بهرسڤا ههوه ئێم، دهستێن خۆ ب نك خودێ ڤه بلند بكهن، ههوجهیێن خۆ بگههیننه وى، مرادا خۆ ژ وى بخوازن، داخوازا رزقێ خۆ ژ وى بكهن، گازندهیا حالـێ خۆ بۆ وى بكهن.
378-[ أَمَّنْ يُجِيبُ الْمُضْطَرَّ إِذا دَعَاهُ ] یان ئهو كیه یێ د بـهرسـڤـا مرۆڤێ تهنگاڤ دچت دهمێ دوعایێ ژێ دكهت، تهنگاڤییا وى ڕادكهت، ووى تشتى دبهت یێ ئـهو وهستاندى، وهیڤییا وى ددهتـێ، وئارمانـجـا وى ب جـه دئینت؟
379-ئهوێن ژ ئهخلاقى ڤه دفهقیر لـێ نهگره دهمێ ئهزمانێ خۆ د دهر حهقا ته دا بهرددهت، وئهگهر وان گۆتنهكا سـهقـهت گۆته ته یان تو ئێشاندى تو وێ ب چو ڤه نهگره، وبهدهلڤهكرن ل نك خودێ یه.
380-ئهگهر كاپتنێ گهمییێ ترسیا دێ گازى كهت: یا خودێ! ئهگهر ڕێـبـهر بـهرزه بوو ههوار كهت: یا خودێ! ئهگهر گرتى ب خهم كهفت دێ بێژت: یا خودێ! نساخ ئهگهر بێن تهنگ بوو دێ بێژت: یا خودێ!
381-[ اللّهُ الصمَدُ ] خودێ یه یێ ههمى چێكرى ههوجهیى وى دبن وئهو ههوجهى كهسێ نابت، ههمى چێكرییان پێتڤى ب وى ههیه، ومرۆڤ ههمى ب گهلهك زمانان دوعایا گهلهك ههوجهیییان ژ وى دكهن.
382-[ذلِكَ بِأَنَّ اللّهَ مَوْلَى الّذِينَ آمَنُوا ] خودێ سهركارێ خودان باوهرانه، ڕێكێ ل بهر وان روهن دكهت، وهێجهتێ بۆ وان ئاشكهرا دكهت، ڕێكا هیدایهتێ بۆ وان دیار دكهت، وان ژ سهرداچوونێ ونهزانینێ دپارێزت.
383-د گـهل ژنـكان دنهرم بن، و د گهل دلان د نازك بن، و د گهل مرۆڤان ددلۆڤان بن، وهێدى هێدى د گهل هـهسـت وشعووران، وقهنجییێ د گهل خهلكى بكهت، و د گهل وان دباش بن.. گهلى مرۆڤان.
384-كـهربـێ داكـه، وچاڤێ خۆ ژ تهحسینێ بگره، و ل خهلهتییێ ببۆره، وگههاندنا نهخۆشییێ ب چو ڤه نهگره، وعهیبان ڤهشێره، دێ ژ ههمى مرۆڤان خۆشتڤیتـر بى ل نك مرۆڤان.
385-دهرگهههكێ ڤـهكـرى، ومهزهلهكا با بچته تێڤه، ودلهكێ رحهت، د گهل تهقوایێ وچاكییێ ته ههبت، ئهو تو ب سهركهفتى.
386-ژیارا زێده بت موژیلاهییه، وتشتێ ژ ههوجهیى زێده بارێ گرانه، ودلپاكییا د گهل كێمییێ ژ ئیسرافێ چێتـره.
387-گرێكا پـیـلانێ د گهل خۆ هل نهگره، وهزر نهكه خهلكى ل بهر ته ڤهنایه، و ب تهڤه د موژیلن، ههر ئێك ب خۆ ڤه یێ موژیله.
388-[ فَسَيَكْفِيكَهُمُ اللّه ] خودێ تێرا ته ههیه پیلانا وان ژ ته دویر بكهت، وفێلا وان پویچ بكهت، ولهشكهرێ وان شهرمزار بكهت، ودژوارییا وان نههێلت، وهێزا وان ببهت، وكۆما وان بژاله بكهت.
389-[ فَأَنْزَلَ السَّكِينَةَ عَلَيْهِمْ ] خودێ رحهتى ب سهر وان دا ئینا خوارێ، دهردێ وان دهرمان كر، وگهرمییا سنگێ وان سار كر، ووژدانا وان تهنا كر ودلـێ وان پاقژ كر.
390-(الكلمة الطيبة صدقة ـ پهیڤا باش خێره) چونكى ئهو نهفسێ ڤهدكهت، ودلى خۆش دكهت، وبرینێ ددهته ئێك، وكهربێ دبهت، وئاشتییێ ڕادگههینت.
391-(تبسمك في وجه أخيك صدقة ـ گـڕنـژیـنـا ته د ڕوییێ برایێ ته دا خێره) چونكى ڕوى ناڤ ونیشانێن كتێبێنه، وئهو قۆدیكا دلـییه، وقاصدێ وژدانێ یه، ودهسپێكا فالا باشه.
392-[ ادْفَعْ بِالّتِي هِيَ أَحْسَنُ ] تو ب یا باشتـر خرابییێ پاده، ب هێلانا تۆلڤهكرنێ، و ب گۆتنا نازك، وسهرهدهرییا نهرم، وژبیركرنا خرابییێ.
393-[ مَا أَنْزَلْنَا عَلَيْكَ الْقُرْآنَ لِتَشْقَى ] مه قورئان بۆ ته نههنارتییه دا تو پێ بهخت ڕهش ببى، بهلكى دا رحا ته پێ خۆش ببت، ودلـێ ته پێ ب كهیف بكهڤت، ونهفسا ته پێ رحهت ببت، وتو پێ بچیه بهحهشتا ئیفلهحێ وفردهوسا دلشادییێ.
394-[ وَمَا جَعَلَ عَلَيْكُمْ فِي الدِّينِ مِنْ حَرَج ] وى چو تهنگاڤى د دیـنـى دا نهدانایه سهر ههوه، بهلكى ئهو یێ ب ساناهییه، ویێ دویره ژ زهحمهتێ ونهخۆشییێ، ویێ ساخلهمه ژ وهستیانێ.
395-[ وَيَضَعُ عَنْهُمْ إِصْـرَهُـمْ وَالأَغْلالَ الّتِي كَانَتْ عَلَيْهِمْ ] وئهو وى بارێ گرانێ ل سهر ملێن وان دێ دانت، ڤێجا ئهو دێ دلخۆش بن پشتى بهخت ڕهشییێ، ودێ رحهت بن پشتى وهستیانێ، ودێ تهنا بن پشتى ترسێ، ودێ كهیفخۆش بن پشتى خهمگینییێ.
396-[ رَبِّ اشْرَحْ لِي صَدْڕي. وَيَسِّرْ لِي أَمْڕي ] گۆت: یا رهبى سنگێ من بـهرفـرهه بـكـه، وكارێ مـن بۆ من ب ساناهى بـێـخه، دا ئهز ڕۆناهییێ ل بـهراهـییا خـۆ ببینم، و ب دلـێ خۆ ب هیدایهتێ بـحـهسـیـێم، ووهریـسـى ب دهستێ خۆ بـگـرم، و ژ ینا خۆ دا ب سهركهڤم، وپشتى ئهز دمرم ژى.
397-[ وَنُيَسِّرُكَ لِلْيُسْرَى ] د ههمى كارێن ته دا ئهم دێ بهرێ ته دهینه تشتێ ب ساناهى، ڤێجا تو ب ڤیان دێ پهرستنا خودێ كهى، و ب حهژێكرن دێ گوهدارییا وى كهى، و ب ڕاستگۆیى دێ خۆ د ڕێكا وى دا وهستینى، لهو نهخۆشى د ڕێكا وى دا دێ بته خۆشى، وتهعلیشك دێ بته هنگڤین.
398-[ لا يُكَلِّفُ اللّهُ نَفْساً إِلا وُسْعَهَا ] خودێ بارهكى زێـدهى شـیـانـا نـهفسێ لـێ ناكهت، بهلكى ههر ئێكى ل دویڤ شیان وبههره وهێزا وى تهكلیفێ لـێ دكهت.
399-[ رَبَّنَا لا تُؤَاخِذْنَا إِنْ نَسِينَا ] یا رهبـى ئهگهر جارهكێ مه ژبـیـركـر تو ل مه نهگره، چونكى هندهك جاران ئهم خۆ ژبیـرڤه دكهین، وهزرا مه بژاله دبت، وئهم حێبهتى دبین، ڤێجا تو ل مه ببۆره.
400-[أَوْ أَخْطَأْنَا ] وئهگهر جارهكێ ئهم خهلهت بـووین ژى تو ل مه نـهگره، چونكى ئهم ژ گونههێ د مهعصووم نینین، بهلـێ ئهم دلـێ خۆ دبهینه قهنجییا ته وچاڤێ مه یێ ل رهحما ته.
