خوارن و ڤەخوارنا جەهنەمییان

 خوارن و ڤەخوارنا جەهنەمییان

دگەلەك جهان دا ژ قورئانێ خودایێ مەزن بو مە بەحسێ خوارن و ڤەخوارنا جەهنەمییان دکەت ، و ئەڤە هندەك ژوان ئایەتانە:

1- أَذلِكَ خَيْرٌ نُزُلا أَمْ شَجَرَةُ الزَّقّومِ . إِنَّا جَعَلْنَاهَا فِتْنَةً لِلظّالِمِينَ . إِنَّهَا شَجَرَةٌ تَخْرُجُ فِي أَصْلِ الْجَحِيمِ . طَلْعُهَا كَأَنَّهُ رُءُوسُ الشَّيَاطِينِ . فَإِنَّهُمْ لآكِلُونَ مِنْهَا فَمَالِئُونَ مِنْهَا الْبُطُونَ . ثُمَّ إِنَّ لَهُمْ عَلَيْهَا لَشَوْبًا مِنْ حَمِيمٍ . ثُمَّ إِنَّ مَرْجِعَهُمْ لإِلَى الْجَحِيمِ .

ئەرێ ئەوا بوری ژ بەحسێ بەحەشتێ دان و مێڤاندارییەکا چێترە ، یان دارا زەققومێ یا پیس ، کو دێ بتە خوارنا جەهنەمییان؟ هندی ئەمین مە ئەو دار یا کرییە فتنە و جەرباندن بو وان کەسێن ب کوفرێ و گونەهان زورداری ل خو کری ، ووان ب خومەزنکرن ڤە گوت: هەڤالێ هەوە دبێژت دارەك دئاگری دا هەیە ، و ئەو ب خو ئاگر داری دخوت . هندی دارا زەققومێ یە دارەکە دبنێ جەهنەمێ دا شین دبت، فێقیێ وێ وەکی سەرێن شەیتانان یێ کرێتە ، ڤێجا مادەم رەنگێ وێ یێ وەسایە تو پرسیارا تاما وێ نەکە ، و هندی بوتپەرێسن ئەو دێ هند ژ وێ دارێ خون حەتا زکێن وان پێ تژی دبن . پاشی تشتێ ئەو ژێ دخون ئەو ڤەخوارنەکا تێکەل ژ ئاڤەکا زێدە کەلاندی و نەخوش دێ ب سەردا کەن ، پاشی پشتی ڤێ عەزابی زڤرینا وان بو عەزابا ئاگرییە ( الصافات : 62-68 ) .

2-  وقال : ثُمَّ إِنَّكُمْ أَيُّهَا الضَّالّونَ الْمُكَذِّبُونَ . لآكِلُونَ مِنْ شَجَرٍ مِنْ زَقّومٍ . فَمَالِئُونَ مِنْهَا الْبُطُونَ . فَشَارِبُونَ عَلَيْهِ مِنْ الْحَمِيمِ . فَشَارِبُونَ شُرْبَ الْهِيمِ . هَذَا نُزُلُهُمْ يَوْمَ الدِّينِ .

پاشی هوین ئەی بەرزەبویێن ژ رێکا هیدایەتێ یێن درەوپێکەر ب گەف و جزایێ خودێ ، دێ ژ دارەکا ژ زەققومێ خون، و ئەو خراپترین دارە ، ڤێجا هوین زکێن خو دێ پێ تژی کەن ، هندی هوین دێ برسی بن ، و دسەر هندێ ژی را هوین دێ ژ ئاڤەکا زێدە کەلاندی ڤەخون یا کو تێنکا هەوە نەشکێنت ، و هوین گەلەکێ دێ ڤەخون ، وەکی حێشترا تێهنی ئەوا ژ بەر ئێشێ تێنکا وێ نەشکێت . ئەڤ عەزابا ب سەر واندا دئێت ئەو زادە یێ ل روژا قیامەتێ بو وان هاتیە ئامادەکرن.( الواقعة 51-56)

3- وقال:  وُجُوهٌ يَوْمَئِذٍ خَاشِعَةٌ . عَامِلَةٌ نَاصِبَةٌ . تَصْلَى نَاراً حَامِيَةً . تُسْقَى مِنْ عَيْنٍ آنِيَةٍ . لَيْسَ لَهُمْ طَعَامٌ إِلا مِنْ ضَرِيعٍ . لا يُسْمِنُ وَلا يُغْنِي مِنْ جُوعٍ .

ژبەر ڤێ عەزابێ رویێن کافران وێ روژێ دشکەستی و رەزیلن ، ب کاری ڤە دوەستیاینە ، ئاگرەکێ دژوار و شاراندی دگرت، ژ کانییەکا زێدە کەلاندی دئێنە ئاڤدان، ژبلی وێ سترییا ب عەردی ڤە نویسیای ، کو نەخوشترین و پیسترین خوارنە، خوارنەك بو جەهنەمییان نینە ، و ئەو خوارنەکە نە خودانێ خو قەلەو دکەت ، و نە برسا وی دشکێنت. ( الغاشية : 2-7 ) .

4- وقال : فَلَيْسَ لَهُ الْيَوْمَ هَاهُنَا حَمِيمٌ . وَلا طَعَامٌ إِلا مِنْ غِسْلِينٍ . لا يَأْكُلُهُ إِلا الْخَاطِئُونَ.

ڤێجا ڤی کافری روژا قیامەتێ چو مروڤ نابن عەزابێ ژ وی پاشڤە لێ بدەن ، و چو خوارن ژی بو وی نینن ئەو کێم و عەداڤ نەبت یا ژبەر جەهنەمییان دچت ، ئەو گونەهکارێن رژدییێ ل سەر کوفرێ دکەن تێ نەبت کەس وێ خوارنێ ناخوت( الحاقة : 35-37 ) .

5- وقال : مِنْ وَرَائِهِ جَهَنَّمُ وَيُسْقَى مِنْ مَاءٍ صَدِيدٍ . يَتَجَرَّعُهُ وَلا يَكَادُ يُسِيغُهُ وَيَأْتِيهِ الْمَوْتُ مِنْ كُلِّ مَكَانٍ وَمَا هُوَ بِمَيِّتٍ وَمِنْ وَرَائِهِ عَذَابٌ غَلِيظٌ.

و ل بەرا ڤی کافری جەهنەم هەیە ئەو دێ عەزابا وێ بینت ، و ئەو دوێرێ دا ژ وێ کێم و خوینا ژ جەهنەمییان دئێت ڤەدخون. ئەو کافرێ خومەزنکەر بەرگەریانێ دکەت کو قورچان ل وێ کێم و خوینێ بدەت بەلێ ئەو نەشێت وێ داعویرت ، هندی هند یا پیس و کەل و تەعلە ، و عەزابا دژوار ژ هەر رەنگەکێ و ژ هەر ئەندامەکێ لەشێ وی دئێتێ ، و ئەو نامرت و تەنا نابت ، و پشتی ڤێ عەزابێ عەزابەکا دی یا ب ئێش بو وی هەیە.( إبراهيم : 16-17 ) .