هندەك کرێتە سالوخەتێن دی یێن جەهنەمییان
ژبلی ڤێ چەندێ قورئان هندەك سالوخەتێن دی یێن کرێت بو جەهنەمێ دەستنیشان دکەت ، و دقورئانێ دا بو مە ڤەدگوهێزت دا ئەم ژێ بترسین و وان کاران نەکەین یێن کو بەرێ مە ددەنە ڤێ جەهنەمێ ، ژوان سالوخەتان:
دەنگەکێ کرێت و ب ترس ژ ئاگرێ جەهنەمێ دچت، وەکی وی دەنگێ ژ مەنجەلێ دچت گاڤا ئاگر ل بن دئێتە خوشکرن ، قورئان دبێژت: (وَلِلّذِينَ كَفَرُوا بِرَبِّهِمْ عَذَابُ جَهَنَّمَ وَبِئْسَ الْمَصِيرُ . إِذَا أُلْقُوا فِيهَا سَمِعُوا لَهَا شَهِيقًا وَهِيَ تَفُورُ . تَكَادُ تَمَيَّزُ مِنْ الْغَيْظِ ) وبۆ وان يێن كوفر ب خودايێ خۆ كرى عهزابا جههنهمێ ههيه، وئهو پيسه جهێ لێ زڤرينییه بۆ وان, ئهگهر ئهڤ كافره د جههنهمێ دا هاتنه هاڤێتن دێ وان گوهـ ل دهنگهكێ دژوار وكرێت بت ژ جههنهمێ دئێت، وئهو ب دژوارى دكهلت ودفويريێت , نێزيكه جههنهم ژ دژوارییا كهربا خۆ دا ل سهر كافران پرت پرت ببت(الملك6-8)
و ئەڤ دەنگە وەکی وی دەنگی ژی یێ ژ سنگێ وی مروڤی دەردکەڤت ئەوێ ژ کەربان دا تژی بەوی ڤێجا لەرزك بێتێ ، و ژ بەر بلندیا ڤی دەنگی هێشتا ژ دویرڤە ئەو دگەهتە گوهێن خەلکی ، یەعنی هێشتا جەهنەم ب خو نەهاتی یان مروڤی نەدیتی دەنگێ وێ دئێت ، وەکی قورئان دبێژت : (بَلْ كَذَّبُوا بِالسَّاعَةِ وَأَعْتَدْنَا لِمنْ كَذَّبَ بِالسَّاعَةِ سَعِيرًا . إِذا رَأَتْهُم مِـــنْ مَكَانٍ بَعِيدٍ سَمِعُوا لَهَا تَغَيُّظاً وَزَفِـيــرا) وان درهو ب ڕۆژا قيامهتێ ووى جزايێ تێدا ههى كر، ومه ئاگرهكێ شارياى و ب وان هل ببت بۆ وان ئامادهكرییه يێن درهوێ ب قيامهتێ بكهت ، ئهگهر جههنهمێ ئهو درهوپێكهر ل ڕۆژا قيامهتێ ژ جههكێ دوير ڤه ديتـن، وان دێ گوهـ ل دهنگێ كهلين وپرچكێن وى بت، ژ بهر كهرب ژێ ڤهبوونا وى ژ وان.( الفرقان : 11-12 )
و دریوایەتەکێ دا ژ (ئبن عەبباسی) دئێتە ڤەگوهاستن کو جهێ دویر یێ ئەڤ ئایەتە بەحس ژێ دکەت رێکا سەد سالانە، یەعنی: دەمێ جەهنەم رێکا سەد سالان یا ژ مروڤی دویر بت دەنگێ وێ دئێتە مروڤی.
و تشتێ دی یێ ژ ڤێ ئایەتێ دئێتە زانین ئەوە جەهنەم مروڤان دبینت ، و دهندەك ئایەت و حەدیسێن دی دا هاتیە کو جەهنەمێ گوهــ ل دەنگان ژی دبت و دئاخڤت ژی.
(ئیمام ئەحمەد و ترمذی)ژ پێغەمبەری سلاڤ لێ بن ڤەدگوهێزن، دبێژت: روژا قیامەتێ ستویەك ژ ئاگری دەردکەڤت ، دوو چاڤ هەنە پێ دبینت ، و دوو گوهــ هەنە پێ گوهــ لێ دبت ، و ئەزمانەك هەیە پێ دئاخڤت ، دبێژت: ئەز بو سێ کەسانم: هەر زڕتەکەکێ کوتەککار ، و هەر کەسەکێ دگەل خودێ دوعا ژ خودایەکێ دی کربت ، و ئەوێن تەصویر چێکرین.
