كیتابا نهزران
إنما يصح إذا ابتغي به وجه الله تعالى فلا بد أن يكون قربة، ولا نذر في معصية الله، ومن النذر في المعصية ما فيه مخالفة للتسوية بين الأولاد، أو مفاضلة بين الورثة مخالفة لما شرعه الله تعالى، ومنه النذر على القبور، وعلى ما لم يأذن به الله، ومن أوجب على نفسه فعلا لم يشرعه الله تعالى لم يجب عليه، وكذلك إن كان مما شرعه الله تعالى وهو لا يطيقه فعليه كفارة يمين، ومن نذر نذرا لم يسمه، أو كان معصية، أو لا يطيقه فعليه كفارة يمين، ومن نذر بقربة وهو مشرك ثم أسلم لزمه الوفاء، ولا ينفذ النذر إلا من الثلث، وإذا مات الناذر بقربة ففعلها عنه ولده، أجزأه ذلك.
نهزر ئهوه مرۆڤێ موكهللهف تشتهكىێ نهلازم ل سهر خۆ لازم بكهت، چ د گاڤێ دا بكهت یان ب تشتهكى ڤه گرێدهت. و ههر چهنده ئهو كارهكێ دورسته، بهلێ یێ باش نینه.
(نهزر یا دورسته ئهگهر ئارمانج پێ كنارێ خودێ بت، و دڤێت ئهو تشتێ دئێته نهزركرن یێ وهسا بت مرۆڤ پێ نێزیكى خودێ ببت، و نهزر د وى كارى دا نینه یێ بێ ئهمرییا خودێ تێدا بت، و ژ وێ نهزرا بێ ئهمرییا خودێ تێدا ئهوه یا نهیهكسانى پێ د ناڤبهرا عهیالى دا پهیدا ببت) وهكى ل سهر خۆ بكهته نهزر دیارییهكا مهزن بدهته عهیالهكێ خۆ، و دیارییهكا بچویك بـدهتـه عـهیـالهكێ دى، (یان میراتگرهكێ خۆ پێ ب سهر ئێكى بێخت، بهروڤاژى شریعهتێ خودێ) وهكى بێژت: نهزر بت ل سهر من هنده مالێ من پشتى مرنا من بۆ فلان میراتگرێ من بت، (و نهزرا ل سهر قهبران ژى ژ وێیه، ههر وهسا نهزرا ل سهر وى تشتێ خودێ دهستویرى پێ نهداى) وهكى نهزرا بۆ وى جهى بت یێ حهرامى لێ دئێتهكرن.
(و ههچییێ تشتهكێ خودێ دورست نهكرى ل سهر خۆ واجب بكهت، ئهو تشت ل سهر وى واجب نابت، ههر وهسا ئهگهر نهزر ژ وى تشتى بت یێ خودێ دورستكرى بهلێ ئهو نهشێت بكهت) ئهو ژى ل سهر وى واجب نابت، و دێ كفارهتێ پێشڤه دهت، وهكى پاشى دێ بهحس ژێ كهت، (و ههچییێ تشتهكێ نه دهسنیشانكرى بكهته نهزر، یان تشتهكێ گونههـ بت، یان تشتهكێ كرنا وى پێڤه نهئێت، دێ كفارهتا سویندێ دهت) و كفارهت ئهوه یا بهرى نوكه د كیتابا سویندان دا بۆرى.
(و ئهگهر مرۆڤهكێ كافر تشتهكێ خێر تێدا بت بكهته نهزر، پاشى موسلمان ببت، دڤێت وێ نهزرێ ب جهـ بینت، و نهزر د سێئێكا مالى دا دئێتهدان) یهعنى: ئهگهر مرۆڤهك پتر ژ سێئێكا مالێ خۆ بكهته نهزر، یا ژ سێئێكێ زێدهتر ئهو نادهت، و هندهك فقهزان دبێژن: نهزرا ب ڤى ڕهنگى بت یا دورست نینه، و دڤێت ئهو كفارهتێ پێشڤه بدهت. (و ئهگهر ئهوێ تشتهكێ دورست ل سهر خۆ كرییه نهزر مر، و عهیالهكێ وى پێشڤه نهزرا وى دا ئهو نهزر ژ سهر وى ڕادبت).
