(12)
رهمهزان و زهعێكرنا دهمى
مرۆڤێ موسلمان دهمێ دگههته ههیڤا رهمهزانێ كهیفهكا زێده بۆ وى چێ دبت، بۆ هندێ چونكى ئهو دزانت ئهڤ ههیڤه باشترین مهوسمه بۆ وى كو ئهو ههر گاڤهكا تێدا ههى ژ شهڤێ یان ڕۆژێ بۆ خۆ ئستغلال بكهت دا خێرێن خۆ زێده بكهت، وپتر خۆ نێزیكى خودێ بكهت، وئستغلالا دهمى ونهزهعێكرنا وى ل ههمى ههیڤێن سالێ، پێتڤیهكا شهرعیه، وپێغهمبهر -سلاڤ لێ بن- د گۆتنهكا خۆ دا بۆ مه ئاشكهرا دكهت كو ههر مرۆڤهكێ ههبت ڕۆژا قیامهتێ پیێن وى ژ مهحشهرێ نالڤن، وئهو نائێته برن نه بۆ بهحهشتێ ونه بۆ جههنهمێ حهتا چهند پسیارهك ژێ بێنه كرن، وئێك ژ وان پسیاران پسیارا عهمرێ وىیه، كانێ وى ئهو ب چ ڤه بۆراندیه، یهعنى: پسیارا وى دهمى دێ ژێ ئێتهكرن یێ بۆ وى د ژینا وى دا هاتیه دان، كانێ وى ئهو ب چ ڤه بۆراندیه.. وئهگهر بهرسڤا وى ئهو نهبت یا سهرفهرازى پێ دئێته ڕێكا وى، ئهو دێ شهرمزار بت.
وئهگهر ل ههمى ههیڤێن سالێ دهم یێ هندێ نهبت بێته زهعێكرن، دڤێت ئهو ل ههیڤا رهمهزانێ ئێكجار نهئێته زهعێكرن، وفهره مرۆڤێ ڕۆژیگر ل شهڤ وڕۆژ وهختى ئستغلال بكهت، بهلێ تشتێ ئهم دبینین بهروڤاژى گۆتنا مهیه، بارا پــتــر ژ ڕۆژیـگــران لێ دگــهڕیـێـن دهمێ خۆ ب تشتێن بێ مفا ڤه ببۆرینن، نه بهس یێن بێ مفا بهلكى ئهو گهلهك جاران دهمێ خۆ ب وان تشتان ڤه دبۆرینن یێن خرابى تێدا، وكێماسى پێ دگههته ڕۆژیا وى، و ل ئاخرهتێ بۆ دبته حــهســرهت، وخـهطـهرتــریــن و ب زیانترین تشتێ دهمێ ڕۆژیگرى دكوژت ڕوینشتنا ل بهرانبهر شاشا بچویكه، ئهوا وهكى طاعوونێ مالێن مه ههمى ڤهگرتین ب تایبهتى پشتى تلستار وكهنالێن عهسمانى پهیدا بووین، یێن كو ل بیست وچار سهعهتان دكهڤنه كارى.. ئهڤ كهنالێن ڕۆژ بۆ رۆژێ هژمارا وان بلند دبت، ومستهوایێ وان یێ ئهخلاقى نزم دبت، وتشتێ غهریب ئهوه گهلهك ژ ڤان كهنالان سالێ ههمیێ كارێ خۆ دكهن وپلانان ددانن كانێ دێ چاوا شێن یاریان بۆ خۆ ب عهقلێ ڕۆژیگرى كهن، وئێكا هند ژێ چێ كهن ئهو پتریا وهختێ خۆ دویر ژ طاعهت ورازیبوونا خودێ بهنه سهرى، ئهڤ كهناله دكهڤنه سیباقهكا دژوار ههر ئێكى دڤێت هــژمـــارهكــا مـــهزنـــتــرن ژ صووفیێن رهمهزانێ ب لایێ خـۆ ڤـه بكێشت، دا كو ههر ئێك ژ وان ب سهعهتان ل بهر زنجیره درامایێن بێ ئهخلاق، یان موسابهقه وفهوازیرێن بێ ههتك ڕوینته خوارێ، حهتا دبته دهمێ فتارێ یان پاشیڤێ!
ههر دهقیقهك ژ دهمێ ل ئاخرهتێ شاهدهیێ دێ بۆ ته یان ل سهر ته دهت، كانێ ته ئهو د رازیبوونا خودێ دا بۆراندیه یان د بێ ئهمریا وى دا؟ دهم نعمهتهكه خودێ دایهته ته، وشوكرا نعمهتێ ب هندێ یه مرۆڤ وێ نعمهتا خودێ د گهل مرۆڤى كرى د بێ ئهمریا وى دا ب كار نهئینت، ب حسێبهكا بچویك د گهل من ڤێ قیاسێ بكهن:
ئهو مرۆڤێ بیست وچار سهعهتان چارێكهكێ ب تـنـێ بۆ پێنج نڤێژان -ئهگهر پێنجان بكهت!- تهرخان بكهت، وپێنج سهعهتان یان پتر بۆ بهرێخۆدانا (تهمسلیان) بدانت، خۆ وهختێ یێ ب ڕۆژى ژى، سوباهى دهمێ پسیارا وهختێ وى ژێ دئێتهكرن كانێ وى چاوا بۆراندبوو ئهو دێ چ بهرسڤێ دهت؟
شهرم وشهرمزاریا وى دێ چهند بت دهمێ ئهو دبینت تهرازیا وى دهمێ وى بۆ عیبادهتى تهرخان كرى ڕۆژێ بهس چارێك سهعهت یا تێدا، ودهمێ وى بۆ طاعهتێ شهیطانى بۆراندى ژ پێنج سهعهتان پتره؟
یا فهره ڕۆژیگر تایبهت ل ڤێ ههیڤێ پهیوهندیا خۆ ژ وان كهنالان ببڕت یێن خۆ كرینه داڤ بۆ شهیطانى دا ئهو دهمێ مرۆڤى پێ بدزت، وئهخلاقێ وى بێخته د (ئهزمهیهكا) مهزن دا، بلا ئهو ل بیرا خۆ بینته ڤه كو ئهڤ ههمى دهمێ ئهو د بهرێخۆدانا وان تشتان دا یێن نهرازیبوونا خودێ تێدا ههى دبۆرینت، دێ ل سهر ئێته نڤیسین، وڕۆژهك دێ ئێت حسێبا وى دێ د گهل ئێتهكرن.
خودێ مه بپارێزت ژ ههمى ڕهنگێن شهرمزاریێ.
