بانگهلدێرێ ئێكێ..
وپشتى مزگهفت دورست بووى، وبڕیار هاتیهدان گازیكرنا موسلمانان بۆ نڤێژێ ب ڕێكا دانا بانگى بت، پێغهمبهر -سلاڤ لێ بن- ل دۆر خۆ زڤڕى، وپسیارا بیلالى كر:
- كانێ بیلال..
- ئهڤه ئهزم، ئهى پێغهمبهرێ خودێ..
- وهره.. دهنگێ ته ژ یێ عهبدللاهێ كوڕێ زهیدى خۆشتره، ب سهر ڤى جهێ بلند بكهڤه، وبانگى بده بۆ نڤێژێ.
وبیلال ب سهركهڤت، ب دهنگێ خۆ یێ خۆش شیعارێ ئیسلامێ یێ ههر وههر بلند كر:
((الله أكبر، الله أكبر))
خودێ مهزنتره ژ ههر تشتهكێ ههى.. مهزنتره ژ ئومهییهى وئهبوو جههلى وههر گاغیهكێ هاتى ودێ ئێت حهتا ڕۆژا قیامهتێ، مهزنتره ژ ههر ئێكێ دڤێت ئاستهنگان بێخته د ڕێكا ڤى دینى دا..
و ب ڤێ چهندێ بیلال بوو موئهژنێ پێغهمبهرى -سلاڤ لێ بن- یێ ئێكێ، وڕۆژێ پێنج جاران دهنگێ وى ب بانگى ل عهسمانێ مهدینێ بلندبوو، بیلال ئـهوێ بـهرى ســێــزده ســالان دهنـگـێ وى بــوویــه ئهو تیرێ دژوارێ جهرگێ كوفرێ ل مهكههێ صمتى، دهمێ د ڕویێ ئومهییهى وزڕتهكێن قورهیشیان دا خۆڕاگرتى ماى، و(أحد أحد) ڤهگێڕاى، ئهڤرۆ ل پایتهختا دهولهتا قورئانێ بوو ئهو دهنگ یێ ڕۆژێ پێنج جاران سرۆدا ئهزهلیا ئیسلامێ بلند دكر، بوو ئهو دهنگێ شرینێ خودان باوهر ب نڤێژ ومزگهفتێ وپێغهمبهرى ڤه -سلاڤ لێ بن- گرێداى.. لهو ژ وێ ڕۆژێ وهره بانگ وبیلال د هزرا موسلمانان دا بوونه جێمك!
نه بهس هنده.. بهلكى ههر جارهكا پێغهمبهر -سلاڤ لێ بن- ب بێنتهنگیهكێ حهسیابا، ل دۆر خۆ دزڤڕى و ل بیلالى دگهڕیا، بیلال ئهوێ چو جاران خۆ ژێ دویر نهدكر، دا بێژتێ:
- بیلال! مه ب نڤێژێ رحهت بكه..
یهعنى: بانگ بده، دا ئهم ڕابینه نڤێژێ، چونكى دلرحهتیا مه د نڤێژێ دایه.
وهۆسا دهنگێ بیلالى بۆ پێغهمبهرى -سلاڤ لێ بن- وصهحابیان بوو ئهو دهرگههـ یێ رحهتى تێڕا دگههشته وان، لهو بیرهاتنێن وان یێن خۆش ب ڤى دهنگى ڤه هاتنه گرێدان!
