چاككرنا جڤاكا مه
و ئهو خهلهكا بهرزه
ئهو كهسێن باوهری ب پهیاما چاككرنا بارێ مه یێ جڤاكی ههی گهلهك جاران گله و گازندهیان ژ وان كێم و كاسان دكهن یێن كو د جڤاكا مه دا ههین، و خهونان ب هندێ ڤه دبینن كو ڕۆژهك بێت جڤاكا مه بشێت خۆ ژ ڤان كێماسییان ڕزگار بكهت، و لایێن خراب د ژینا خۆ دا چاك بكهت.
گازنده ژ بهلاڤبوونا خرابكارییێ د جڤاكا مه دا -وهكی مه گۆتی- مشه دئێنهكرن، بهلێ دڤێت ئهم باش بزانین كو چو مفایێ مرۆڤێ نساخ د هندێ دا نابت ههما بهس ئهو گازندێن نهخۆشییا خۆ بگههینته دختۆری ئهگهر وی بهر ل هندێ نهبت داخوازا دهرمانهكی بۆ خۆ بكهت، و ئهو مرۆڤێ ئاڤ وی د گهل پێلێن خۆ یێن دژوار دبهت فایدێ وی ناكهت خهلك ل سهر لێڤا ڕویباری ڕوینن بۆ وی بكهنه گری، ئهگهر كهسهكێ مهلهڤان د ناڤ وان دا نهبت دهستێ وی بگرت و وی دهرباس كهته هشكاتییێ..
دهمێ ئێك ژ مه گازندهیان ژ حالێ جڤاكێ دكهت دڤێت بێ (موجامهله) دهردی دهسنیشان بكهت، و ب زیرهكی و بێ ترس دهرمانی ژی بهرچاڤ بكهت، و دڤێت ئهم باش بزانین كو دختۆر دلێ خۆ ب هندێ ناسوژت كو كولكێ ژ لهشی ڤهكهت ئهگهر هات و هیڤییا چارهسهرییا وێ كولكێ بریا، بێی ئهڤ كارێ وی -ل نك مرۆڤێن عهقلدار- ببته تهعدایی ل سهر لهشێ نساخی..
ئهم ههمی ل وێ باوهرێینه كو جڤاكا مه یا تژییه ژ كێم و كاسان، و گهلهك دهردێن بچویك ومهزن مهههنه، وگهلهك ژ مه ل سهر مینبهران، یان ل بهر مایكرفۆنان، یان ل كۆنگره و ڕوینشتنێن گشتی، و ل سهر بهرپهڕێن كتێب و ڕۆژنامهیان، بهحسێ ڤان كێماسییان دكهن، و ب گهرمی داخواز چارهسهرییێ دكهن، بهلێ تشتێ غهریب ئهوه ئـــــهم دبینین ئهڤ ههمی كاره وهكی (حهبكهیهكا موسهككن) بۆ دهمهكێ كــــورت كاری د لهشێ مه یێ ئێشهوی دكهن، پاشی دهرد ههر زوی جارهكا دی ههوه ددهتهڤه.
لهو مرۆڤ ب حێبهتی ڤه پسیار دكهت:
ئهرێ تو بێژی دهردێن مه یێن جڤاكی گههشتبنه حهددهكی ئێدی نهئێنه چارهسهركرن؟
یان پا بۆچی ئاخفتنێن زانا و بسپۆر و خێرخوازان چو كاری ل مه ناكهن؟
بۆچی ئهم ههمی ب ئێشا خۆ دحهسیێین، و ئهم دزانین دهرمانێ چیه، و د گهل هندێ ژی ئهم خۆ ژ دهرمانی ددهینه پاش؟
ب هزرا من ئهڤا هه ههمی نیشانا هندێیه كو جڤاكا مه ئێشهكا سهرهكی یا مهزن ههیه، ئهو ئێشه دبته ئهگهرا ئێكێ یا پهیدابوونا ڤی حالێ مه یێ نهدلخواز.. و ئهڤ ئێشا ژێگۆتی ب خۆ ژی یا دو سهره لهو چارهیا وێ ژی دو زهحمهت پێ دڤێن.
ئێشا مه ئهڤهیه: ئهم خهلهت د ئازادییا كهسایهتی دگههین، و ژ لایهكێ دی ڤه ئهم وه هزر دكهین كو (بهرپرسییا جڤاكی) تشتهكه دكهفته د ستویێ دهولهتێ و دهزگههێن وێ دا.. ئهڤ ههردو تێگههشتنێن مه یێن خهلهت دبنه ئهگهرا هندێ ئهم وه هزر بكهین كو چو گونههـ د ستویێ مه دا نینن كو جڤاك یا خراب بت، و مرۆڤی ههر گاڤهكا ههست ب گونههكارییا خۆ نهكر هزرا خۆچێكرنێ ژی ناكهت، دێ بێژت: مانێ چو كێماسی ل نك من نینن!
ئهم گازندهیان ژ بهلاڤبوونا تاوانێ و بێ ئهخلاقییێ ب ڕهنگهكێ بهرفرههـ د ناڤ جڤاكا خۆ دا دكهین، ئهم ههمی دبێژین: ئهڤه دهرده دڤێت بێته چارهسهركرن، بهلێ گاڤا دبته دۆرا حسێبێ ئهم بهرێ خۆ ددهینێ ئهگهر مه دهست د پهیدابوونا وێ تاوانێ یان وێ بێ ئهخلاقییێ دا ههبت، ئهم دبێژین: چێ نابت كهس پێ ل ئازادییا مرۆڤی یا كهسایهتی بدانت، ومرۆڤی مافێ ههی خۆشییێ ب ئازادییا خۆ ببهت.. و حهتا دویماهییێ ژ هێجهتێن پویچ و پهلاچه.
خرابییهك ئهگهر د جڤاكێ دا پهیدا بوو، و فایدێ مه تێدا نهبت، ئهم دێ بێژین: پا كارێ حوكمهتێ چیه؟ بۆچی ئهو ب دهورێ خۆ ڕانابت وڤێ خرابییێ (مهنعه) ناكهت؟
و ههر ئهو خرابی ئهگهر د فیدێ ئێك ژ مه دا بت و وی دیت حوكمهتێ مایێ خۆ تێكر دێ بێژت: حوكمهت ژی مایێ خۆ د هندهك تشتان دكهت نه شۆلێ وێنه؟!
بۆچی؟
چونكی مهصلحهتا وی هاته تێكدان.
ب ڕاستی ئهم دپێتڤی هشیاركرنهكا مهزنین، هشیاركرنا دل و وژدانێ كو ههر ئێك ژ مه بزانت پشكهكا بهرپسیارییێ دكهفته ستویێ وی، و چاككرنا جڤاكێ ئێمانهتهكه خودێ پسیارا وێ دێ ژ مه ههمییان كهت، ههر ئێك ژ مه ل دویڤ بهر و منێن وی.. و كهس بلا نهبێژت: ما من چ ژێیه چو ددهستێ من دا نینه!
