ناڤبڕا ئێكێ
ئهگهرێن گونههێ
هژمارهكا ئهگهر وپالدهران ههنه مرۆڤى بهر ب كرنا گونههێ ڤه دبهن، بهلێ ئهو ئهگهر ههمى بۆ سێ تشتان دزڤڕن، وئهو ههر سێ تشت وهكى (ئبن قهییم) -خودێ ژێ رازى بت- دبێژت ئهڤهنه:
یا ئێكێ: دهمێ دل ب ئێكێ دى ژبلى خودێ ڤه دئێته گرێدان، وئهڤه سهرى دكێشته شركێ.
یا دووێ: گوهدارییا هێزا غهزهبێ، وئهڤه سهرى دكێشته زۆرداریێ.
یا سیێ: گوهدارییا هێزا شههوهت ودلچوونان، وئهڤه سهرى دكێشته كرنا فاحیشه وكرێتییان.
وگرێدانا دلى ب ئێكێ دى ڤه ژبلى خودێ گونهها ژ ههمیێ مهزنتر یا پێڤه دئێته شكه وكو مرۆڤ خودایهكێ دى ژبلى خودێ بنیاست ودوعایان ژێ بكهت.
وگونهها مهزنتر یا گوهدانا هێزا غهزهبێ بهرێ خودانى ددهتێ كوشتنه. وگونهها مهزنتر یا ب گوهدانا هێزا شههوهت ودلچوونان ڤه دئێت كرنا زنایێیه.. و ژ بــهر ڤــێ چهندێ خودایێ مهزن ئهڤ ههر سێیه د ئێك ئایهتێ دا كۆمكرینه دهمێ دبێژت:
(وَالَّذِينَ لَا يَدْعُونَ مَعَ اللَّهِ إِلَٰهًا آخَرَ وَلَا يَقْتُلُونَ النَّفْسَ الَّتِي حَرَّمَ اللَّهُ إِلَّا بِالْحَقِّ وَلَا يَزْنُونَ ۚ وَمَنْ يَفْعَلْ ذَٰلِكَ يَلْقَ أَثَامًا)
(وئهوێن ژبلی خودێ دوعايان ژ كهسێ دى ناكهن، ووێ نهفسێ ناكوژن يا خودێ كوشتنا وێ حهرامكرى وهسا تێ نهبت ئهو وى تشتى بكهت كو خۆ پێ هێژاى كوشتنێ بكهت، وئهو زنايێ ناكهن، وههچییێ تشتهكى ژ ڤان گونههان بكهت دێ گههته جزايێ خۆ )(الفرقان:68).
وئهڤ ههر سێ گونههه (ئێك یا دى دكێشت، شركێ زۆردارى وفاحیشه پـێـڤـه دئێن، كانێ چاوا تهوحید وان ژ خــودانـێ خۆ ددهته پاش).(الفوائد لابن القیم، 138-139، ب دهسكارییهكا كورت ڤه)
و ب ڕاستى ئهڤهیه یا كو د واقـعـێ مه دا چـێـبـووى، وهكى بێ باوهر ل سهر ستویێ موسلمانان زال بووین بێی ئهو رهحمێ پێ ببهن یان دلێ خۆ پێ بسۆژن، ونێزیكه ته گوهـ لێ نهبت كارهساتهك ل ههمى لایێن جیهانێ ڕوى بدهت ئهگهر پشكهكا مهزن ژ ڤان ههر سێ تشتێن بۆرین یا موسلمانان نهبت، ئهڤه ههمى ژ بهر بێ ئیفلهحیا گونههان. خودێ مه بپارێزت.
