حهدیسا بیست وسییێ
ئهخلاقێ گازیكهرى
23 ـ عَنْ أنَسٍ ـ رَضِيَ اللَّهُ عَنْهُ ـ عَنْ النَّبِيِّ ـ صَلَّى اللَّهُ عَلَيْهِ وَسَلَّمَ ـ قَـالَ : [ ثَلاثٌ مُهْلِكَاتٌ وَثَلاثٌ مُنْجِيَاتٌ ، ثَلاثٌ مُهْلِكَاتٌ : شِحٌ مُطَاعٌ ، وَهَوىً مُتَّبَعٌ ، وَإعْجَابُ المَرْءِ بِنَفْسِهِ . وَثَلاثٌ مُنْجِيَاتٌ : خَشْيَةُ اللهِ فِي السِّرِّ وَالعَلانِيَةِ ، وَالقَصْدِ فِي الفَقْرِ وَالغِنَى ، وَالعَدْلِ فِي الغَضَبِ وَالرِّضَا ] أخرجه البزار .
ئـهنـهس ـ خـودێ ژێ رازى بـت ـ دبێژت : پێغهمبهرى ـ سلاڤـ لـێ بن ـ گـۆت : [ سێ تشت خودانى دبهنه هیلاكێ وسێ تشت وى ڕزگار دكهن ، ههر سێكێن وى دبهنه هیلاكێ ئهڤهنه : بهخیلییا گوهدارى بۆ بێتهكرن ، وههوایێ نهفسێ یێ دویكهفتن بۆ بێتهكرن ، وكـو مـرۆڤـ زێده د خۆ بگههت و ب خۆ موعجب ببت . وههر سێكێن وى ڕزگار دكهن ئهڤهنه : ترسیانا ژ خودێ ڤهشارتى وئاشكهرا ، وئابۆرى د فهقیرى وزهنگینییێ دا، ودادى د كهرب ڤهبوون نهرازیبوونێ دا ] بهززار ڤهدگوهێزت .
وئهو ئهخلاقێن ئهڤـ حهدیسه ژ مه دخوازت ئهم ل نك خۆ پهیدا بكهین باشییێ ههمییێ د ناڤـ خۆ دا هل دگرن ، كا چاوا ئهو ئهخلاقێن حهدیس مـه ژێ ددهتـه پاش خرابییێ هـهمـییـێ د ناڤـ خۆ دا هل دگرن ، وئێك ژ خرابتـرین وان ئهخلاقان یێن كو دڤێت ل نك داعیهى نهبن ئهوه ئهو زێده د خۆ بگههت ، و ب گۆتن وبۆچوونێن خۆ یێ موعجب بت ، وهزر بكهت ڕاستى ودورستى ههر ئهوه یا ل نك وى ههى ، لهو دڤێت خهلك ههمى ب دویڤ وى بكهڤن ، وگوهدارییا كهسێ دى ژبلى وى نهكهن .
وههر كهسهكێ ئهڤـ ئهخلاقێ خراب ل نك پهیدا بوو ژى عهجێبگرتى نهبه ئهگهر ته دیت چو دادى وعهدالهت د دهر حهقا هلسهنگاندنا خهلكى دا ل نك نهبت ، چونكى ههردهم ئهو دێ لـێ گهڕیێت خهلكى بشكێنت ، وبهایێ وان د چاڤێن خهلكى دا كێم بكهت ، دا خۆ بینته پێش وخهلكى ل دۆر خۆ كۆم بكهت .
مرۆڤێ داعیه ئهگهر ب ڤى ڕهنگى لـێ هات وى هند هاى ژ دهعوه وگازییا خۆ نامینت هندى دێ هاى ژ خۆ مینت ، وهند كارى بۆ گازییا خۆ ناكهت هندى دێ كارى بۆ شهخصێ خۆ كهت .
وئهخلاقێ داعیهى یێ باش ههردهم وى پالددهت كو ئهو سیاج وشویرها گازییا خۆ بپارێزت .
