حهدیسا بیست وچارێ
شویرها گازییێ
24 ـ عَـنْ أَبِـي هُـرَيْـرَةَ ـ رَضِيَ اللَّهُ عَنْهُ ـ قَالَ : قَالَ رَسُولُ اللَّهِ ـ صَلَّى اللَّهُ عَلَيْهِ وَسَلَّمَ ـ : [ لا يَفْرَكْ مُؤْمِنٌ مُؤْمِنَةً ، إِنْ كَرِهَ مِنْهَا خُلُقًا رَضِيَ مِنْهَا آخَرَ ] رواه مسلم .
ئهبوو هورهیره ـ خـودێ ژێ رازى بت ـ دبێژت : پێغهمبهرى ـ سلاڤـ لـێ بن ـ گۆت : [ مێرهكێ موسلمان بلا كهربێن خۆ ژ ژنهكا موسلمان ڤهنهكهت ، ئهگهر وى ب ڕهوشتهكێ وێ نهخۆش بت ئهو ب ڕهوشتهكێ وێ یێ دى دێ یێ رازى بت ] موسلم ڤهدگوهێزت .
وئهڤ تۆره یێ پێغهمهر ـ سلاڤـ لـێ بن ـ د ڤێ گۆتنا خۆ دا بهرێ مه ددهتێ دڤێت ئهم د گهل وان ههمى كهسان ب كار بینین یێن ئهم تێكهلییێ د گهل دكهین ، چونكى مفایهكێ دینى ویێ دنیایێ یێ مهزن د ڤى تۆرهیى دا ههیه ، ورحهتى وتهنایى ژى بۆ نهفسا مرۆڤى تێدا ههیه ، چونكى د ڤێ دنیایێ دا ب دهست ناكهڤت مرۆڤـ مرۆڤهكێ كامل وتمام ببینت ، وههما بهسى مرۆڤهكییه یێ تمام بت كو تو بشێى خرابى وكێماسییێن وى بهژمێرى .
ومرڤێ شارهزا وتێگههشتى ئهوه یێ نهفسا خۆ ل سهر هندێ پهروهرده بكهت كو ههر دهم ئهو تهوهقوعا هندێ بكهت هندهك تشتێن وى پێ نهخۆش بت ژ ان كهسان ببینت یێن ئهو د گهل وان دژیت یان تێكهلـییێ د گهل دكهت ، چونكى یا بهر عهقل نینه خهلك ههمى د ههمى سالۆخهتێن خۆ دا وهكى مرۆڤى بن ، پشتى هنگى ئهگهر ته مرۆڤهك دیت تشتهكێ ته پێ نهخۆش بت ل نك ههبت ، هزرا خۆ د وان تشتان دا بكه یێن ته پێ خۆش كو ل نك وى ههین ، مسۆگهر گهلهك تشتێن ته پێ خۆش بت دێ ل نك بینى ، هنگى تو وان تشتێن كێم یێن ته پێ نهخۆش گۆرى وان گهلهك تشتان بكه یێن ته پێ خۆش ، دا زۆردارییێ ل وى كهسى نهكهى ، وژینا خۆ ژى تژى قههر ونهخۆشى نهكهى .
ومرۆڤێ داعیه ئهگهر شیا ڤێ شویرهێ بپارێزت ، دێ شێت ههمى كاروباران ب ڕهنگهكێ دورست كێشت وپیڤت ، وتهقدیرا وى بۆ ههمى مهسهلان دێ یا دورست بت .
