حهدیسا بیست و پێنجێ
پیڤانا كاروباران
25 ـ عَنْ عَائِشَةَ ـ رَضِيَ اللَّهُ عَنْهَا ـ أَنَّ النَّبِيَّ ـ صَلَّى اللَّهُ عَلَيْهِ وَسَلَّمَ ـ قَالَ لَـهَـا : [ يَا عَائِشَةُ ! لَوْلا أَنَّ قَوْمَكِ حَدِيثُ عَهْدٍ بِجَاهِلِيَّةٍ ، لأَمَرْتُ بِالْبَيْتِ فَهُدِمَ ، فَأَدْخَلْتُ فِيهِ مَا أُخْرِجَ مِنْهُ ، وَأَلْزَقْتُهُ بِالأَرْضِ ، وَجَعَلْتُ لَهُ بَابَيْنِ : بَابًا شَرْقِيًّا ، وَبَابًا غَرْبِيًّا ، فَبَلَغْتُ بِهِ أَسَاسَ إِبْرَاهِيمَ ] رواه البخاري ومسلم .
عائیشا ـ خودێ ژێ رازى بـت ـ دبێژت : پـێـغـهمبهرى ـ سلاڤـ لـێ بن ـ گۆت : [ ئهى عائیشا ! ئهگهر ژ بهر هندێ نهبا كو مللهتێ ته هێشتا ژ دهمێ جاهلیهتێ دویر نهكهفتینه ئهز دا فهرمانێ ب خرابكرنا بهیتێ دهم ، وئهز دا وێ دهمه د گهل یا كو ژێ هاتییه دهرێخستن ، ودا وى ب عهردى ڤه ڕاست كهم ، ودا دو دهرگههان ئێخمێ : دهرگهههكێ ڕۆژئاڤایى ودهرگهههكێ ڕۆژههلاتى ، ودا وێ گههینمه بناخهیێن ئیبراهیمى ] بوخارى وموسلم ڤهدگوهێزن .
ب پیڤانهكا دورست بۆ كاروباران ههر تشتهك ل جهێ وى یێ دورست دئێتهدانان ، وشارهزایى وكاربنهجهییا مرۆڤێ داعیه ب ڤێ چهندێ ئاشكهرا دبت ، چونكى ئـهو مـهسـهلـێ ب ڕهنگهكێ مـهزنـتـر ژ ڕهنگێ وێ یێ دورست لـێ ناكهت ، و د ههمى كارێن خۆ دا هزرا خۆ د سیاسهتا شهرعى دا دكهت .
و د ڤێ مهسهلـێ دا هندهك كهس زێده ب ناڤـ دا دچن ، حهتا تو دێ بینى ئهو چو بهایى نادهنه سوننهتێ ، وحهقییێ ب چو ڤه ناگرن ب وێ هێجهتێ دا ئێك ڕێزییا ئوممهتێ ـ وهكى ئهو هزر دكهن ـ بێته پاراستن ، ودا پێ ل سهر وشعوورا خهلكى نهئێته دانان !
و ب هزرا من ئهو كارێ وان كارڤهدانهكا نهدورسته ژ كارێ هندهك كهسێن دى یێن دنیایێ سهرك وبنك دكهن سهرا تشتهكێ ژ ههمییا بچویكتـر ، وحهقى د ناڤبهرا ڤان ههردو دهستهكان دایه :
ئهم خۆ ژ گۆتنا حهقییێ بێ دهنگ ناكهین ، ودهڤـ ژ گۆتنا سوننهتێ بهرنادهین ، و د گهل هندێ ژى ئهو وێ حكمهت وئسلووبهكێ جوان وتازه دگههینین وبهلاڤـ دكهین .. وئهگهر مه دیت هندهك تشت بهروڤاژى كارێ مه پهیدا بوون ، ئهم ب كارێ بیرئینانێ ب تنێ ڕادبین ، وهكى خودێ ئهمر دكهت : [ فإن الذكرى تنفع المؤمنین ] هندى بیرئینانه مفایى دگههینته خودان باوهران .
وئهڤهیه ئسلووبێ پێغهمبهرى ـ سلاڤـ لـێ بن ـ د پهروهردهكرنێ دا .
