پێشگۆتن
إن الحمد لله نحمده ونستعينه ونستغفره ، ونعوذ بالله من شرور أنفسنا ومن سيئات أعمالنا ، مـن يـهـده الله فلا مضل له ، ومن يضلل فلا هادي له . وأشهد أن لا إله إلا الله وحده لا شريك له . وأشهد أن محمداً عبده ورسوله .
خواندهڤانێن هێژا : ئهڤا ل بهر دهت نامیلكهیا كورته كو چل حهدیسێن پێغهمبهرى ـ سلاڤـ لێ بن ـ ب خۆڤه دگرت ، ههر حهدیسهك بناخهیهكێ گرنگ ژ بناخهیێن گازیكرنا ژ بۆ دینێ خۆ بنهجـه دكهت ، وڕێكا ڕاست ودورست بۆ گازیكهرێن ئیسلامێ بهرچاڤـ دكهت ، وئهو حهدیس یێن هاتینه هلبژارتن ژ لایێ سهیدایێ هێژا ( علی حسن علی عبد الحمید الأثری الحلبـی ) ڤه ، وئارمانج ژێ وهكى ئهو ب خۆ ل دهسپێكا نامیلكێ ئاشكهرا دكهت ئهم ب سهر وى مهنههجێ روهن وئاشكهرا هلببین یێ پێغهمبهرى ـ سلاڤـ لـێ بن ـ دهسنیشان كرى بۆ ههر كهسهكێ ب كارێ دهعوێ وگازیكرنا ژ بۆ ئیسلامێ ڕاببت ، دا ئهو ل سهر مهنههجێ پێغهمبهراتییێ بچت نه كو دویكهفتنا وان مهنههجێن خهلهت بكهت یێن هندهك كهسان ل دویڤـ زانین وئجتهادا خۆ دهرێخستین وبهرێ خـهلكى دایـێ ، ئهو مهنههجێن موخالفهكا ئاشكهرا بۆ ڕێكا پێغهمبهرى ـ سلاڤـ لێ بن ـ تێدا ههى .
ونڤیسهرێ ڤێ نامیلكێ بهرگهڕیان كرییه كو ڤان حهدیسان ب ڕهنگهكێ زانستى (تهخریج) بكهت ل دویڤ بناخهیێن علمێ حهدیسێ ، ووى كاركرییه ب تنێ حهدیسێن دورست ڤهگوهێزت ، وهندهك ڕوهنكرنێن كورت بدهته ههر حهدیسهكێ ، وپشتى مه كرییه دلێ خۆ كو ڤێ نامیلكێ ڤهگوهێزینه سهر زمانێ كوردى ، مه نهڤیا تهخریجا حهدیسێ بدهینه د گهل دهقا كوردى ، ب تنێ مه دهقا حهدیسێ ب عهرهبى وڕامانا وان ب كوردى دانا ، د گهل وێ ڕوهنكرنا كورت یا سهیداى ل دویماهییا ههر حهدیسهكێ ئیناى ، ومه دهسكارییهكا گهلهكا كێم ل سهر ڤێ شرۆڤهكرنێ كرییه ، دا مهسهله پتـر ل بهر خواندهڤانى یا ئاشكهرا بت .
هیڤییا مه ژ خودایێ مهزن ئهوه ئهو ڤى كارێ مه بۆ خۆ حسێب بكهت ومفایهكا باش بۆ خواندهڤانان بكهته تێدا .
والحمد لله رب العالمین .
تهحسین ئیبراهیم دۆسكى
دهۆك 20 / صفر / 1428 مشهختى
9 / ئادار / 2007 زایینى
