دوعایێن قورئانێ
ئهڤه وهرگێڕینا هندهك ژ وان دوعایانه یێن كو د ئایهتێن قورئانا پیرۆز دا هاتین، وبێ گومان دوعایێن قورئانێ باشترین دوعانه.
1- خـودایـێ مه، مه زۆرداری ل خۆ كرییه، وئهگهر تو ل مه نهبـۆری ودلـۆڤانییێ ب مـه نهبـهی مسوگـهر ئهم دێ ژ وان بین یێن بار وپشكێن خۆ ل دنیایێ وئاخرهتێ بهرزهكرین.
2- خودایێ من، ئــهز خــــۆ ب تــه دپارێزم كو ئهز پسیارا وی تشتی ژ ته بكهم یێ من چو زانـیـن پـێ نـههـهی، وئهگهر تو گونهها من ژێ نهبهی، ودلـۆڤانییێ ب من نهبهی، ئهز دێ ژ وان بم یێن زیان گههاندییه خـۆ.
3- خودایێ من، تو گونههێن من ویێن دایبابێن من وههچی خودان باوهرێ بێته د مالا من ڤه، وبۆ مێرێن خودان باوهر وژنێن خودان باوهر ژێ ببه، وتو ژ تێبـرن وزیانا ل دنیایێ وئاخرهتێ پێڤهتر چویێ ل كافران زێده نهكه.
4- خودایێ مه، تو كریارێن مه یێن چاك ودوعایێن مه ژ مه قهبویل بـكـه، هـنــدی تـویی تو گوهدێرێ گـۆتنێن بهنییێن خـۆیی، یێ پڕزانـایی ب حالێ وان. خودایێ مه، وتو مه ل سهر ئیسلامێ موكم بكه، وبكه پێگیـرێن ب فــهرمـانـێــن خــۆ، وتو ژ دووندهها مه مللهتهكێ باوهرییێ ب تـه بـیـنـت بـۆ خـۆ چـێـكـه، ومـه ب سهروبهرێن پهڕستنا خـۆ زانا بكه، و ل گوننههێن مه ببـۆره، هندی تــویــی تـــو پـــڕتـۆبهوهرگر ودلـۆڤانكاری ب بـهنییێن خـۆ.
5- خودایێ من، تو من بهردهوام بكه ل سهر كرنا نڤێژان ب ڕهنگهكێ دورست، وتو بكه ژ دووندهها من ژی ههبت یێ بهردهوامییێ ل سهر نڤێژێ بكهت، خودایێ مه، وتو دوعا وعیبادهتێ من قهبوویل بكه. خودایێ مه، تو وان گونههێن من یێن كو چو مرۆڤ ژ كرنا وان خلاس نابن بۆ من وبۆ دایبابێن من وبۆ ههمی خودان باوهران ژێ ببه ل وێ ڕۆژا مرۆڤ بۆ حسێبێ وجزادانێ ڕادبن.
6- خودایێ من، تو زانینێ وتێگههشتنێ بده من، ومن ب چاكان ڕا بگههینه، وتو من ووان د بهحهشتێ دا پێكڤه كـۆم بكه. وتو ناڤ ودهنگهكێ باش وجوان بۆ من د ناڤ وان دا بهێله یێن پشتی من دئێن حهتا ڕۆژا قیامهتێ. وتو من بكه ژ وان بهنییێن خۆ یێن ب میراتگری تو ل بهحشتا خـۆش ددانی. وتو وێ ڕۆژێ من شهرمزار نهكه ڕۆژا مرۆڤ بۆ حسێب وجزادانێ ژ گـۆڕێن خۆ ڕادبنهڤه، ڕۆژا مال وكوڕ چو مفای نهگههیننه كهسێ، ئهو تێ نهبت یێ ب دلهكێ ساخلهم ژ كوفر ونفاقێ ڤه بێته نك ته.
7- خـودایێ مه، ئهم خۆ ب هیڤییا ته ڤه دهێلین، وئهم ب تۆبهكرن ڤه ل ته دزڤڕین، و ڕۆژا قیامهتێ زڤڕین بۆ نك تهیه. خودایێ مه، تو مه نهكهیه فتنه بۆ ئهوێن كافر بووین كو تو عهزابا خۆ ب سهر مه دا بینی یان وان ل سهر مه زال كهی، ڤێجا كافر بێژن: ئهگهر ئهڤه ل سـهر حـهقـییێ بـان ئـهڤ عهزابه ب سهر وان دا نهدهات، ڤێجا ئهو پتـر كافر ببن، وتو ب عـهفـووا خـۆ گونههێن مه ڤهشێره، هندی تویی تویی زالـێ كهس نهشێتێ، یێ كاربنهجه د گۆتن وكریارێن خۆ دا.
8- خودایێ من تو هاریكارییا من بكه وتهوفیقا من بده كو ئهز شوكرا وێ قهنجییێ بكهم یا ته د گهل من ودایبابێن من كری، وكو ئهز كارهكێ چاك بكهم یێ تو ژێ ڕازی، وتو ژ دلـۆڤانییا خـۆ من بكه د ناڤ خۆشییێن بهحهشتا خۆ دا د گهل بهنییێن خـۆ یێن چاك یێن تو ژ كارێ وان ڕازی.
9- خودایێ من، یێ پاك وپیـرۆز بی، ژ ته پێڤهتر چو خودایێن حهق نینن ، هندی ئهز بووم ئهز ژ زۆرداران بووم.
10- خودایێ من، تو سنگێ من بۆ من فرهه بكه، وكارێ من ل بهر من ب ساناهی بێخه، وتو ب ڕهحما خۆ ئهزمانێ من ب گۆتنا رههوان بهرده ؛ دا خهلك د گـۆتنا من بگههن.
11- خودایێ من، من زۆرداری ل نهفسا خـۆ كرییه، ڤێجا تو ڤێ گونههێ بۆ من ژێ ببه.
12- خـودایـێ مـه، مه باوهری ب وێ كیتابێ ئینا یا ته هنارتی، ومه دویكهفتنا پێغهمبهرێ تـــه ســـلاڤ لـێ بن كرییه، ڤێجا تو مه بكه ژ وان یێن شاهـدهیی ب تـهوحـیـدێ بـۆ تـه و ب پێغهمبهرینییێ بـۆ پێغهمبهرێن ته داین.
13- خودایێ مه، مه خـۆ هێلا ب هیڤییا ته ب تنێ ڤه، ومه كارێ خـۆ هلپسارته ته، خـودایـێ مـه، تـو كـافـران ب سهر مه نهئێخه ڤێجا ئهو چهنده بۆ مه ببته فتنه د دینی دا. و ب دلـۆڤانییا خـۆ تو مه ژ مللهتێ كافر ڕزگار بكه.
14- خودایێ مه، تو گونههێن مه، وئهو زێدهگاڤییا ژ مه دهركهفتی د كارێ دیــنــێ مــــه دا بـــۆ مه ژێ ببه، وپییێن مه موكم بكه ؛ دا ئهم ژ شـــهڕێ دوژمــنـێ خـۆ نهڕهڤین، ومه ب سهر وان بێخه یێن باوهرییێ ب تهوحیدا ته وپێغهمبهرینییا پێغهمبهرێن ته نهئینای.
15- خـودایـێ مـه، تـو دلـۆڤـانـییـهكـێ ژ نـك خـۆ بـده مـه، كو مه پێ ڕابگری، و ژ خرابییێ بپارێزی، وتو ڕێكا دورست یا كو مه دگههینته وی كارێ تـــو حـــهز ژێ دكهی ل بهر مه ب ساناهی بێخه ؛ دا ئهم ببینه ژ وان سهرڕاستێن ڕێ ل بهر خۆ بهرزه نهكری.
16- خودایێ من، ئهز خـۆ ب ته دپارێزم ژ سهردابرن ووهسواسا شهیتانان، یا كو بهرێ مرۆڤی ددهته نهحهقییێ وخرابكارییێ وپاشڤهلێدانا ژ حــهقــیــیـێ، وئـهز خـۆ ب تـه دپـارێـزم ـ خودایێ من ـ كو ئهو د كارهكی ژ كارێن من دا ئاماده ببن.
17- خودایێ من، گونههان بۆ من ژێ ببه ودلـۆڤانییێ ب من ببه؛ وتو چێتـرین دلـۆڤانكاری بۆ وی یێ گونهه كرین، تو تـۆبا وی قهبویل دكهی وئهوی سهرا گونههان عهزاب نادهی.
18- خـــودایـــێ مه، تو د دنـیـایێ دا سلامهتییێ وڕزقی وزانینهكا ب مفا، وكارهكێ قهنج بده مه، و ل ئاخرهتێ بهحهشتێ بده مه، وعهزابا ئاگری ژ مه دویـر بكه.
19- خودایێ مه، مه گوه ل وێ بوو یا ته ب وهحی هنارتی، ومه گوهدارییا وێ هـهمـییـێ كـر، مـه هـیـڤـییه تو -ژ قهنجییا خـۆ- ل مه ببـۆری، چونكی تویی یێ ته ئهم ب قهنجییێن خـۆ ب خودان كرین، وزڤڕینا مه بـۆ نك ته ب تنێیه.
20- خودایێ مه، ئهگهر تشتهكێ ته ل سهر مه فهركری مه ژ بیـركر، یان ئهگهر ئهم خهلهت بووین ومه تشتهك كر یێ ته ئهم ژێ داینه پاش تو ل مه نهگره، خودایێ مه، وتو بارهكێ ب زهحمهت یێ ئهم نهشێینێ ژ وی یێ ته ل گونههكارێن بهری مه كری ل مه نهكه، خودایێ مه، وتو بارهكێ گران ژ داخوازی وگرفتارییان یێ ئهم نهشێینێ ل مه نهكه، وتو گونههێن مه ژێ ببه، وعهیبێن مه ڤهشێره، وقهنجییێ د گهل مه بكه، تو خودان وسهركارێ مهیی، ڤێجا تو مه ب سهر وان بێخه یێن باوهری ب دینێ ته نهئینای وكافری ب ئێكینییا ته كری، وپێغهمبهرێ ته موحهممهد سلاڤ لـێ بن درهوین دهرێخستی، وتو ل دنیایێ وئاخرهتێ مه ب سهر وان بێخه.
21- خودایێ مه یێ ته منهت ل مه كری وبهرێ مه دایه دینێ خـۆ، تو دلێن مه دسهردا نهبه، و ژ قهنجییا خـۆ تو دلـۆڤانییهكا بـهرفـرهه بـدهمـه، هـنـدی تـویـی تو پڕ قهنجییێ ددهی: دان وقهنجییا ته گهلهكه، ههچییێ ته بڤێت بێ هژمار تو ددهیێ.
22- خودایێ مه ته ئهڤ عـــهرد وعهسمانه ژ قهستا نهئافراندینه، تو ژ وێ چهندێ یێ پاك وپـیـرۆزی، ڤێجا تو عهزابا ئاگری ژ مه دویـر بێخه. خودایێ مه، تو مه ژ ئاگری ڕزگار بكه، چونكی هندی تویی -ئهی خودا- ههچییێ تو ژ بهر گونههێن وی وی ببهیه ئاگری ئهو ته ئهو ڕوی ڕهش وشهرمزاركر، وگونههكارێن زۆردار چو پشتهڤان بـۆ خـۆ نینن كو عهزابا خـودێ ل ڕۆژا قـیـامهتێ ژ وان پاشڤه لـێ بدهن. خودایێ مه، هندی ئهمین مه گوهـ ل گازیكهرهكی بوو -كو پێغهمبهرێ ته موحهممهده سلاڤ لـێ بن- وی مرۆڤ گازی دكرن دا باوهرییێ ب ته وتهوحیدا ته بینن، وكاری ب شریعهتێ ته بكهن، ئینا ئهم د بهرسڤا گازییا وی هاتین، ومه باوهری ب پهیاما وی ئینا، ڤێجا تو گونههێن مه ژێ ببه، وعهیبێن مه ڤهشێره، ومه ب باشان ڕا بگههینه.
23- خودایێ مه، تو وێ بده مه یا ته ل سهر ئهزمانێن پێغهمبهرێن خـۆ پهیمان پێ دایه مه ژ سهركهفتن وتهوفیق وڕێنیشادانێ، و ل ڕۆژا ڕابوونێ تو مه شهرمزار نهكه، هندی تویی تو یێ مهردی وتو ل پهیمانا خـۆ یا ته دایه بهنییێن خـۆ لێڤه نابی.
24- خودایێ مه، مه باوهری ب ته ئینایه ڤێجا تو گونههێن مه بۆ مه ڤهشێره، ودلـۆڤانییێ ب مه ببه، و تو چێتـرینێ دلـۆڤانكارانی.
25- خودایێ مه، تو مه ژ عهزابا جههنهمێ ڕزگار بكه، هندی عهزابا وێ یه ب خودانی ڤه دنویسیێت ووی بهرنادهت. هندی جههنهمه پیسه جهێ لـێ ئاكنجیبوون وڤهمانێیه.
26- خـودایـێ من، تو بهرێ من بده هندێ كو ئهز سوپاسییا قهنجییا ته بكهم یا كو ته د گهل من ودایبابێن من كری، وتو بهرێ من بده كرنا وی كارێ چاك یێ تو ژێ ڕازی ببی، وتو دووندهها من بۆ من چاك بكه، هندی ئهزم من ژ ههمی گونههێن خۆ تۆبهیه، وئهز ژ وانم یێن خۆ ب دهست ئهمر وفهرمانا ته ڤه بهرداین.
27- خودایێ مه، تو گونههێن مه بۆ مه ژێ ببه، وگونههان بۆ وان برایێن مه ژی ژێ ببه یێن بهری مه باوهری ئینای وچووین، وتو كهرب ونهڤیانهكێ بۆ یهكی ژ خودان باوهران نهكه د دلێن مه دا، خودایێ مه هندی تویی تو ب بهنییێن خۆ یێ مهرهبانی، وتو ب وان یێ دلۆڤانكاری.
28- خـودایـێ مه، تو ڕۆناهییا مه بۆ مه پێك بینه حهتا ئهم ژ پرا صراگـێ دهرباز دبین، ودچینه بهحهشتێ، وتو گونههان بۆ مه ڤهشێره، هندی تویی تو ل سهر ههر تشتهكی یێ خودان شیانی.
29- خودایێ مه، هندی ئهمین مه باوهری ب ته ئینایه، ومه دویچوونا پێغهمبهرێ ته موحهمـمـهدی -سلاڤ لـێ بن- كرییه، ڤێجا تو وان گونههێن مه كرین بـۆ مه ژێ بـبـه، ومـه ژ عهزابا ئاگری بپارێزه.
