پێشگۆتن
إنَّ الحمد لله، نحمده ونستعينه ونستغفره، ونعوذ بالله من شرور أنفسنا، وسيئات أعمالنا، مـن يهده الله فلا مضل له، ومن يضلل فلا هادي له، وأشهد أن لا إله إلا الله وحده لا شريك له، وأشهد أنَّ محمداً عبده ورسوله.
(يَا أَيُّهَا الَّذِينَ آمَنُوا اتَّقُوا اللَّهَ حَقَّ تُقَاتِهِ وَلَا تَمُوتُنَّ إِلَّا وَأَنْتُمْ مُسْلِمُونَ) (آل عمران 102)
ئانکو: ئهى ئهوێن باوهرى ئيناى، ب دورستى هوين ژ خودێ بترسن: وهسا كو هوين گوهدارییا وى بكهن وبێ ئهمرییا وى نهكهن، وشوكرا وى بكهن وكافرییێ پێ نهكهن، و ل بيرا خۆ بينن و ژ بير نهكهن، وبهردهوام خۆ ب ئيسلاما خۆ ڤه بگرن حهتا هوين دمرن؛ دا هوين بگههنه خودێ وهوين دموسلمان.
(ِ يَا أَيُّهَا النَّاسُ اتَّقُوا رَبَّكُمُ الَّذِي خَلَقَكُمْ مِنْ نَفْسٍ وَاحِدَةٍ وَخَلَقَ مِنْهَا زَوْجَهَا وَبَثَّ مِنْهُمَا رِجَالًا كَثِيرًا وَنِسَاءً ۚ وَاتَّقُوا اللَّهَ الَّذِي تَسَاءَلُونَ بِهِ وَالْأَرْحَامَ ۚ إِنَّ اللَّهَ كَانَ عَلَيْكُمْ رَقِيبًا)
النساء ایة (1)
ئانکو: گهلى مرۆڤان ژ وى خودایی بترسن يێ هوين ژ نهفسهكا ب تنێ كو ئادهمه -سلاڤ لێ بن- ئافراندين، وجۆتێ وێ كو حهووايه ژێ ئافراندى، ووى ژ وان ههر دووان گهلهك زهلام وگهلهك ژن ل عهردى بهلاڤ كرن، وتهقوا وى خودايى بكهن يێ هندهك ژ ههوه ب وى خواستنێ ژ هندهكان دكهن، وهشيار بن مرۆڤاينیێ د ناڤبهرا خۆ دا نهبڕن. هندى خودێیه ل سهر ههمى كارێن ههوه يێ زێرهڤانه.
(يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلًا سَدِيدًا (70) يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ ۗ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزًا عَظِيمًا) (71). سورة الأحزاب ایة 70-71
ئانکو: ئهى گهلی ئهوێن باوهرى ب خودێ ئيناى ودويكهفتنا پێغهمبهرى كرى، هوين تهقوا خودێ بكهن و ژ وى بترسن وبێ ئهمرییا وى نهكهن، دا هێژاى عهزابا وى نهبن، وهوين د ههمى حالان دا گۆتنهكا ڕاست ودورست يا دوير ژ درهوێ بێژن(70) ئهگهر هوين تهقوا خودێ بكهن وگۆتنهكا ڕاست ودورست بێژن خودێ كارێن ههوه دێ بۆ ههوه چاك كهت، وگونههێن ههوه بۆ ههوه ژێ بهت. وههچییێ گوهدارییا خودێ وپێغهمبهرێ وى د فهرمانێن وان دا بكهت ب ڕاستى ئـهو ب سهركهفتنهكا مهزن د دنيايێ وئاخرهتێ دا ب سهركهفت (71).
أما بعد: فإنَّ أصدق الحديث كتاب الله، وأحسن الهدي هدي محمد صلى الله عليه وسلم، وشر الأمور محدثاتها، وكل محدثة بدعة، وكل بدعة ضلالة، وكل ضلالة في النار.
د نـاڤ مـرۆڤـان دا هـنـدهك كهس ههنه پێغهمبهرى -سلاڤ لێ بن- ناڤێ وان يێ كرییه (مرۆڤێن خودێ)؛ چونكى ئهو بۆ خودێ دژين وبۆ خودێ دمرن.. ئهڤ مرۆڤێن ژێگۆتى وهكى مه مرۆڤن، ب وى تشتى كهيفخۆش دبن يێ مرۆڤێن دى پێ كهيفخۆش دبن، و ب وى تشتى دئێشن يێ مرۆڤێن دى پێ دئێشن، بهلێ تشتێ وان ژ ههمى مرۆڤێن دى جودا دكهت ئهوه ئهو دژين نه بۆ ژيانێ؛ چونكى ژيانێ پێتڤى ب وان ههيه، وگاڤا ئهو دمرن ژى عهرد وعهسمان، گياندار وشينكاتى، بۆ دگرين وژێ خهريب دبن!
توخمهكێ غهريبن، د ناڤ مرۆڤان دا گهلهك دكێمن، بهلێ چو گاڤ وچو دهم ژ وان ڤـالا نـابـن، پترين جـاران ئهو د ناڤ خهلكى دا دڤهشارتينه؛ چونكى ئارمانجا وان ئهو نينه ئهو ل پێشییێ بن.. دبهرزهنه؛ چونكى ئهو ل دويڤ دنيايێ نابهزن ودهستێن زهلامێن دنيايێ ماچى ناكهن.. بهلێ يا غهريب ئهوه د گهل ڤێ بهرزهيیا خۆ ژى ههمى دهمان وهكى ستێرێن عهسمانى -ئهوێن گهلهك ژ مه دبلندتر- ئهو گهش دكهن، و ل شهڤێن ڕهش وتارى ڕێڤنگ وڕێبار ل بهر ڕۆناهییا وان ددهنه ڕێ.. گهلهك جاران مرۆڤ ژ نهزانينا خۆ هزر دكهت كو ههيڤ وستێر دزێدهنه وچو مفا تێدا نينه، بهلێ دهمێ عهورێن ڕهش خۆ ددهنه ئێك وعهسمان دئازريت ودنيا دبته تبلچاڤ، هنگى ئهو بهايێ ههيڤ وستێران دزانت.
مرۆڤێن خودێ خودان دلهكێ پاقژ وبژوينن، دلهكێ وهسايه قڕێژا دنيايێ ههمى نهشێت خۆ هندى جهێ دهقهكێ ژى ژێ ڕهش بكهت، يان خۆ بهقهم ژى بكهت.. مرۆڤێن خودێ خودان باوهرییهكا ڕوهن وگهشن، ڕۆناهییا قورئانێ ل سهر دێمێ وان ديار دكهت، بێى خۆ وهستاندن ئاخفتنا وان يا چێكرییه، ووهسا خۆش ورحهت د دلێ خهلكى دا دچت، دێ بێژى ئاڤهكا ساره ل بنێ بهڕییهكا ئارياى، ول هاڤينهكا شارياى، بۆ مرۆڤهكێ تێهنى دئێته پێشكێشكرن!
چيا.. ئهگهر ئهو ستوين بن يێن عهرد پێ دئێته ڕاگرتن دا نههژيێت، مرۆڤێن خودێ ئهو ستوينن يێن مرۆڤ پێ دئێنه ڕاگرتن دا ئهو ڕێبهرزه نهبن.
ل دهمهكى خودێ كهرهم د گهل من كر، ئهز د گهل ڤى توخمێ مرۆڤان ژيام.. خودێ گهلهك يێ ب ڕهحـمـه!! ڕۆژ وهسا يا چێكرى ئهگهر مرۆڤ نهشێت بگههتێ ژى يێ ژێ بێ بــار نـابـت، ههما ژ دوير ڤه تێهنا وێ، گهرما وێ، ڕۆناهییا وێ دگههتێ.. من گۆت: ئــهز د گهل ڤى توخمێ مرۆڤان ژيام، نهكو د ناڤ وان دا؛ چونكى ئهم -ئهوێن حهژێكرنا دنيايێ جهێ خۆ د دلێن مه دا كرى- يا ژ مه زێدهيه ئهم بشێـيـن بگههينه ڕێزا مرۆڤێن خودێ..
و ل وى دهمێ ئهز د گهل مرۆڤێن خودێ ژيايم، ومن چيرۆك وسهرهاتییێن وان د گهل خۆ ڤهگێڕاين، ئهز ب خۆشییهكا گهلهكا مهزن حهسيام، تامهكا تايبهت من سهحكر، گهلهك ههلويستێن وان، پهيڤێن وان، ئهز هژاندم.. گهلهك جاران من وه هزر دكر ئهز يێ ژ دنيايێ دهركهفتيم، ئهڤ كهسێن ئهز نوكه د گهل دژيم نفشهكێ جودانه ژ نفشێ مه، بهلێ ههر جارهكا من بيـرا خۆ ل هندێ دئيناڤه كو ئهڤه (مرۆڤێن خودێنه) عهجێبییا من ڤهدڕهڤى.. بهلێ، ئاخرى مرۆڤێن خودێ دڤێت وهكى مه مرۆڤێن دنيايێ نهبن. وپـشـتـى ئهڤ قويناغا شرين، يا كو وهكى ههر تشتهكێ خۆش زوى دبۆرت، ب دويماهى هاتى، پشتى ئهز ژ ڤێ جيهانێ ڤهگهڕيايم، ئهو جيهانا مرۆڤى تێدا هاى ژ جهى ودهمى نامينت، من ڤيا ئهز يێ دهست ڤالا نهبم.. من ڤيا خويشك وبرايێن خۆ ژ خودان باوهران بێ بار نهكهم ژ وێ خۆشییا ئهز دهمهكى پێ حهسيايم، ووان ژى تێدا پشكدار بكهم.. ڤێجا كهرهم بكهن دا دهمهكى د گهل مرۆڤێن خودێ بژين؛ دا بزانين كانێ ئهو كينه؟ وچاوا دئاخڤن؟ وچاوا هزر دكهن؟ وهرن دا پێكڤه گوهـ بدهينه مرۆڤێن خودێ، دا سهحكهينێ كانێ چ بوو ئهو گههاندينه وێ پێكا بلند كو ب ناڤێ مرۆڤاينییا خودێ بێنه ناسيـن؟
د ڤان بهرپهڕان دا مه ل بهره -ب ئانههییا خودێ- ئهم چهندهكێ خۆ نێزيكى كاروانێ پيـرۆزێ ڤان توخمه مرۆڤان بكهين؛ دا دهمهكى د گهل وان دا بژين.. ڕاسته هندهك جاران ئهم د ڤێ گهشتا خۆ دا دێ بهحسێ جهى ودهمى كهين، بهلێ هزر نهكهن گۆتنێن مه دێ ڤهگێڕانا ديرۆكێ بت، مه نه ل بهره د ڤێ كتێبا خۆ دا ديرۆكا ڤان مرۆڤان يێن مه هلبژارتين بۆ ههوه ڤهگێڕين؛ چونكى ئهو كارهكێ مهزنتره ژ شيانێن مه، ب تنێ مه دڤێت خواندهڤانێن قهدرگران ل مهزنییا ڤان مرۆڤان ئاگههدار بكهين، هندهك بهرپهڕان ژ ديرۆكا وان يا گهش هلبژێرين وبهرچاڤ بكهين؛ دا بيـرا مه پێ ل وان بێتهڤه، ودا بهلكى ههر ئێك ژ مه ل دويڤ شيانێن خۆ چاڤ ل وان بكهت.
و ل دويماهییا ڤێ پێشگۆتنێ يا د جهێ خۆ دايه خواندهڤان ل هندێ هشيار بكهم كو ئهڤ بابهته د بنيات دا بهرنامهيهكێ سيهـ خهلهكى بوو، بۆ ڕاديۆيا دهۆكێ (دهنگێ كوردستان) هاتبوو ئامادهكرن، و ل ڕهمهزانا سالا (1418) مشهختى بهرانبهر (1997) زايينى هاتبوو بهلاڤكرن، وئهڤ بابهته ژ هژمارهكا نه يا كێم ژ كتێبێن كهڤن ونوى يێ هاتییه وهرگرتن، وڕهنگه هندهك جاران نيڤ وهرگێڕان ژى بت ژ هندهك ژێدهران، بهلێ چونكى بابهتهكێ ئێزگهيى بوو د دههمهنان دا ئيشارهت بۆ ژێدهران نههاتییه دان، و ب ڕاستى من هزرا هندێ ژى نهكربوو كو بابهت ڕۆژهكێ وهك كتێب دێ ئێته بهلاڤكرن، ئهگهر نه ل سهرى دا ژێدهران دهسنيشان كهم.. هيڤییا مـن ئهوه خودێ ڤى كارێ مه بۆ مه ب خێر بنڤيست ومه ب بهر مههدهرا پێغهمبهر وچاكێن خۆ بێخت.
❖دهۆك
سهرێ رهبيعولئهووهلا سالا 1422 ك
24 گولانا 2001 ز
