شڕۆڤهكرنا عهقیدا طهحاوی
ژ51 ھەتا 75
51- وعلى العبد أن يعلم أن الله قد سبق علمه في كل كائن من خلقه، فقدر ذلك تقديراً محكماً مبرماً، ليس فيه ناقض، ولا معقب، ولا مزيل، ولا مغير، ولا ناقص ولا زائد من خلقه في سماواته وأرضه.
* ژ تشتێن باوهرى پێ كرییه د عهقیدا (أهل السنه) دا كو زانینا خودێ د ئهزهلێ دا ب ههمى كریارێن بهنییێن وى ههبوویه، وئهڤه رهدده ل سهر موعتهزلییان ئهوێن دبێژن: علمێ خودێ ب كریارێن مرۆڤان یێ ئهزهلى نینه بهلكى پشتى پهیدابوونا كریاران علم پێ پهیدا دبت.
* وئهو تشتێ خودێ د ئهزهلى دا زانى كو دێ چێ بت ههر دێ چێ بت وكهس نابت بشێت وێ چهندێ بگوهۆرت، یان هندهكێ ژێ كێم بكهت یان هندهكێ لێ زێده بكهت.
••━═══✿═══━••
52- وذلك من عقد الإيمان، وأصول المعرفة. والاعتراف بتوحيد الله تعالى وربوبيته، كما قال تعالى في كتابه: ((وخلق كل شيء فقدره تقديراً))، وقال تعالى: ((وكان أمر الله قدراً مقدوراً)).
* ئهوێن باوهرییێ ب قهدهرا خودێ نهئینن، ب ناڤێ (قهدهرى) دئێنه ناسین، و ژ صهحابییان دئێته ڤهگوهاستن كو وان خۆ ژ قهدهرییان بهرى دكر. و ژ بهر ڤێ چهندێ شێخێ طهحاوى -خودێ ژێ رازى بت- د دویڤ دا دبێژت:
...
...
...
••━═══✿═══━••
53- فويل لمن صار لله تعالى في القدر خصيماً، وأحضر للنظر فيه قلباً سقيماً، لقد التمس بوهمه في فحص الغيب سراً كتيماً، وعاد بما قال فيه أفاكاً أثيماً.
* یهعنى: تێچوون بارا وى دل نساخى بت ئهوێ د دهر حهقا باوهرى ئینانا ب قهدهرێ دا دودل دمینت، و ژ نهزانین ژ غهیبێ خهبهر ددهت وخۆ دكهته ژ درهوكهرێن گونههكار.
••━═══✿═══━••
54- والعرش والكرسي حق.
* عهرش: د زمانێ عهرهبى دا ب ڕامانا (تهخت) دئێت، و د گهلهك ئایهت وحهدیسان دا بهحسێ عهرشێ خودێ هاتییهكرن، وئاشكهرایه كو عهرش مهخلووقهكه ژ مهخلووقێن خودێ، مهلائیكهت ههل دگرن. وكورسى ژى یا ئاشكهرا وبهرنیاسه، وئهو مهخلووقهكێ سهربخۆ وجودایه ژ عهرشى.
••━═══✿═══━••
55- وهو مستغن عن العرش وما دونه، محيط بكل شيء وفوقه، وقد أعجز عن الإحاطة خلقه.
* د ئایهتهكا قورئانێ دا خودایێ مهزن دبێژت: ((فإن الله غني عن العالمین)) هندى خودێیه یێ زهنگینه، پێتڤى ب چو تشت وچو كهسان نینه، وئاشكهرایه كو پهیڤا (العالمین) بۆ ههر تشتهكێ ژبلى خودێ دئێته گۆتن، وعهرش تشتهكه ژ ڤان تشتان، خودێ یێ ژێ بێ منهته، وخودێیه عهرشى ڕادگرت نه كو عهرش –حاشا- وى ڕادگرت. ودهمێ ئهم دبێژین: خودێ ل سهر عهرشى ئستیوا كرییه، مهعنا وێ ئهو نینه خودێ پێتڤى ب عهرشى ههیه.
* وخودێ دۆرا ل ههر تشتهكى گرتى، وئهو د سهر ههر تشتهكى دایه، وئهوێن باوهرییێ ب بلندییا خودێ نهئینن ب هێجهتا هندێ كو ئهو (جههتى) بۆ وى دهستنیشان ناكهن ئهو ژ (أهل التعطیل)ێنه.
* د گهلهك ئایهت وحهدیسان دا هاتییه كو خودێ ل سهر عهرشییه، وئهو د سهر ههمى مهخلووقان ڕایه، وئهوێ بێژت: خودێ ب ذاتێ خۆ ڤه ل ههمى جهانه. ئهو دژاتییا وان ههمى ئایهت وحهدیسان دكهت یێن بهحسێ بلندییا خودێ دكهن، وهكى: ((یخافون ربهم من فوقهم)) و ((وهو القاهر فوق عباده)) و ((إلیه یصعد الكلم الطیب))، و ((وهو العلي العظيم)).. و گهلهكێن دى.
* وكــهســهك ژ چێكرییێن خــودێ نهشێن دۆرێ ل وى بگرن، یان ژى ب دیتن وزانینا خۆ بگههنێ.
••━═══✿═══━••
56- ونقول: إن الله اتخذ إبراهيم خليلاً، وكلم الله موسى تكليماً، إيماناً وتصديقاً وتسليماً.
* و ئهڤ گۆتنه رهدده ل سهر جههمییان ئهوێن دویكهفتنا (جعد بن درهم)ى دكهن د گۆتنا وى دا كو خودێ ئیبراهیم نهكربوو خۆشتڤییێ خۆ وئهو د گهل مووساى نهئاخفت بوو.. وسهرا ڤێ باوهرییێ بوو (جعد) هاتییه كوشتن، ئهڤ گۆتنه (جهم بن صفوان)ی ژ وى وهرگرت وبهلاڤكر حهتا ب ناڤى وى هاتییه ناسین.
••━═══✿═══━••
57- ونؤمن بالملائكة والنبيين، والكتب المنزلة على المرسلين، ونشهد أنهم كانوا على الحق المبين.
* ئهڤه ژ ستوینێن باوهرییا مرۆڤێ موسلمانن: باوهرییا ب فریشتهیان كــو ئــــهو چــێـكـــرییێن خــــودێـنه، و د فهرمانا وى دانه، و باوهرییا ب ههمى پێغهمبهرێن خودێ، و ب وان كیتابێن خودێ بۆ هنارتین.
* مه باوهرى ههیه كو ئهو ههمى ل سهر ڕاستییێ بوون، ودینێن ئهو پێ هاتینه هنارتن حهق بوون، وههچییێ باوهرییێ ب وان نهئینت یان ب هندهك ژ وان دێ كافر بت.
••━═══✿═══━••
58- ونسمي أهل قبلتنا: مسلمين مؤمنين، ما داموا بما جاء به النبي صلى الله عليه وسلم معترفين، وله بكل ما قاله وأخبر مصدقين .
* د حهدیسێن دورست دا ژ پێغهمبهرى -سلاڤ لێ بن- دئێته ڤهگوهاستن: ههچییێ نڤێژا مه بكهت، وبهرێ خۆ بدهته ڕووگهها مه، ئهو موسلمانه یێ ل سهر بهختێ خودێ وپێغهمبهرى.
* وههر كهسێ باوهرییێ ب ئیسلامێ بینت، وخۆ ژ خهلكێ قیبلێ بهژمێرت، ژ نڤێژكهران بت، وباوهرییێ ب وێ بینت یا پـێــغـهمبهر -سلاڤ لێ بن- پێ هاتى، ووى ڕاستگۆ دهربێخت د وێ گۆتنێ دا یا وى گۆتى، ههر كهسهكێ ب ڤى ڕهنگى بت ئهم دبێژینێ: (مسلم) و(مؤمن) ئانكۆ: موسلمان وخودان باوهر.
* كهسێ ب ڤى ڕهنگى بت ئهم ژ موسلمانان دهژمێرین ئهگهر خۆ یێ گونههكار ژى بت، وئهم وى كافر ناكهین، هندى درهوێ ب گۆتنا خودێ وپێغهمبهرى نهكهت.
••━═══✿═══━••
59- ولا نخوض في الله، ولا نماري في دين الله.
* ژ بناخهیێن باوهرییا مه سوننییان ئهوه: ئهم د دهرحهقا خودێ وزاتێ وى دا دپڕبێژ نهبین، و ژ نك خۆ ئاخفتنا د دهر حهقا خودێ دا نهبێژین، بهلكى ب تنێ وێ بێژین یا خودێ وپێغهمبهرێ وى گۆتى بێ زێده ب ناڤ دا بچین و ل دویڤ گێولێ خۆ شرۆڤه بكهین.
* ههر وهسا ئهم د دینێ خودێ دا جڕهى ناكهین ووهكى دهستهكێن سهرداچووى ئهم ئهزمانێ خۆ د دهر حهقا دینى درێژ ناكهین، وتشتى دین پێ هاتى ئهم باوهرییێ پێ دئینین.
••━═══✿═══━••
60- ولا نجادل في القرآن، ونشهد أنه كلام رب العالمين. نزل به الروح الأمين، فعلمه سيد المرسلين محمداً صلى الله عليه وعلى آله وسلم. وهو كلام الله تعالى لا يساويه شيء من كلام المخلوقين. ولا نقول بخلقه، ولا نخالف جماعة المسلمين.
* جــڕهكـێـشـانـا د دهر حهقا قورئانێ دا نه رهوشتێ مرۆڤێ موسلمانه، و د حــهدیسهكا دورسـت دا یا ئیمام موسلم ڤهدگوهێزت، پێغهمبهر -سلاڤ لێ بن- صهحابییێن خۆ پاشڤهدبهت كو ئهو د خواندنا قورئانێ دا ژێك جودا ببن وسهرا ب جڕه بچن.
* وئهم شاهدهیێ ددهین كو قورئان گۆتنا خودێیه، خودایێ ههمى چێكرییان، جانێ دهستپاك كو جبریله -سلاڤ لێ بن- ئهو یا ئینایه خوارێ ویا نیشا سهروهرێ پێغهمبهران، موحهممهدى -سلاڤ لێ بن- داى.
* قورئان گۆتنا خودێیه، وگۆتنا چو كهسهكێ دى ل رێزا گۆتنا خودێ نینه.
* ومه باوهرى ههیه كو قورئان نه یا مهخلووقه، وئهم خۆ ژ كۆما موسلمانان ڤهدهرناكهین وخۆ ژێ جودا ناكهین، نه د ڤێ مهسهلێ دا ونه د چو مهسهلێن دى دا، چونكى خۆڤهدهركرنا ژ كۆما موسلمانان ڕێكا سهرداچوون وبهرزهبوونێیه.
••━═══✿═══━••
61- ولا نكفر أحداً من أهل القبلة بذنب، ما لم يستحله.
* ئهڤ گۆتنه رهدده ل سهر خههوارجان، وئاشكهرایه كو خهوارج بۆ هندێ دچن كو ههر كهسهكێ ژ موسلمانان گونهههكێ بكهت دێ كافر بت!
* وبزانه هندى كافركرنا موسلمانانه دهرگهههكێ مهزنه بۆ فتنێ، خهوارجان ڤهكرییه وحهتا نوكه ژى ههر یێ مایه ڤهكرى، لهو مرۆڤێ موسلمان یێ بڤێت پاراستى بمینت دڤێت یێ ل خۆ هشیار بت دا تووشى ڤێ فتنێ نهبت.
* بــوخــارى ومــوســلـــم ژ (ابن عمر)ى ڤهدگوهێزن، دبێژت: پێغهمبهر -سلاڤ لێ بن- دبێژت: ((ئهگهر زهلامهكى گۆته برایێ خۆ: كافر، ئێك ژ وان دێ یێ وهسا بت)) یهعنى: ئهگهر ئهو یێ كافر نهبت یێ دى دێ كافر بت. ڤێجا مرۆڤ دڤێت یێ ل ئهزمانێ خۆ هشیار بت.
* زانایێن ســونــنــى هــهمـى ل وێ باوهرێنه كو مرۆڤ ب كرنا گونههێ -ئهگهر خۆ ژ گونههێن مهزن ژى بت- كافر نابت، بهلكى دێ گونههكار بت وهێژاى جزادانێ بت، ڤێجا چ جزادانا دنیایێ بت یان ژى یا ئاخرهتێ بت.
* ههر وهسا زانایێن مه ههمى ل وێ باوهرێنه كو كرنا گونههێن مهزن موسلمانى د ئاگرى دا ئهبهدى ناكهن.
* بهلێ ئهگهر هات وموسلمانى گونهههك كر، وئهو گونههـ بۆ خۆ حهلال كر هنگى دێ كافر بت، بۆ نموونه: مرۆڤهك ئهگهر درهوێ بكهت وباوهرییێ بینت كو درهو تشتهكێ حهلال ودورسته، هنگى ئهو دێ كافر بت چونكى ئهو هنگى یێ خودێ وپێغهمبهرى -حاشا- درهوین دهرئێخت.
••━═══✿═══━••
62- ولا نقول: لا يضر مع الإيمان ذنب لمن عمله.
* (أهل السنة) د ناڤبهرا ههردووان دانه، باوهرییێ دئینن كو موسلمان ب كرنا گونههێ كافر نابت، بهلێ باوهرییا وى ژى وهكى خۆ نامینت، چونكى باوهرى ب كرنا گونههێ كێم دبت و ب كرنا باشییێ زێده دبت.
* موعتهزلى دبێژن: ئهو موسلمانێ گونهههكا مهزن بكهت وى باوهرى نامینت بهلێ كافر ژى نابت.. و د گهل هندێ دبێژن: دێ د ئاگرى دا ئهبهدى بت. و ب ڤێ چهندێ موعتهزلى وخهوارج دگههنه ئێك.
* ونه ژ رهفتارێ مرۆڤێ زانایه خهلكى كافر بكهت، خهلهتییا وان دێ ئاشكهرا كهت بهلێ حوكمى ب كوفرێ ل سهر ناكهت.. نه وهكى بیدعهچییان ئهوێن خهلكى كافر دكهن ئهگهر هات وئهو وهكى وان نهبن.
••━═══✿═══━••
63- ونرجو للمحسنين من المؤمنين أن يعفو عنهم ويدخلهم الجنة برحمته، ولا نأمن عليهم، ولا نشهد لهم بالجنة. ونستغفر لمسيئهم، ونخاف عليهم، ولا نقنطهم.
* هیڤییا مه بۆ قهنجیكاران ژ خودان باوهران ئهوه خودێ ل وان ببۆرت وگونههێن وان ژێ ببهت و ب دلۆڤانییا خۆ د گهل وان بكهت ووان ببهته بهحهشتێ و د گهل هندێ ژى ئهم ژێ دپشت ڕاست نابین وشاهدهیی بۆ ب بهحهشتێ نادهین، وئهم داخوازا ژێبرنا گونههان بۆ خرابكارێن وان دكهین، وئهم ل سهر وان ب ترسین كو خودێ ل وان نهبۆرت، و د گهل هندێ ژى ئهم وان ژ ڕهحما خودێ بێ هیڤى ناكهین.
* مرۆڤێ موسلمان دڤێت د ناڤبهرا هیڤییێ وترسێ دا بژیت، ژ خودێ بترست و ژ رهحما وى بێ هیڤى نهبت وههردهم ل سهر كرنا قهنجییێ وباشییێ یێ مجد بت، و د گهل هندێ ژى ژ خودێ بترست وخۆ پشت ڕاست نهكهت كو دێ بهحهشتى بت.
* هیڤییا مرۆڤى ب خودێ ورهحما وى دڤێت بهرێ مرۆڤى بدهته سێ تشتان:
ئێك: كو مرۆڤ حهز ژ وى بكهت و ب ئهمرێ وى بكهت.
دو: كو مرۆڤ ژ وى بترست، وبترست ئهمرێ وى ب جهـ نهئێنت.
سێ: خۆ زهحمهت بدهت دا پتر ئهمرێ وى بجهـ بینت.
* گونههێن گونههكاران ژى ب یازده ئهگهران دئێنه ژێبرن:
1- تهوبهكرنێ.
2- ئستغفارێ، یهعنى: داخوازا ژێبرنا گونههان.
3- كرنا كارێن باش.
4- ب سهرداهاتنا ئاتاف وموصیبهتان.
5- عهزابا قهبرى.
6- دوعایین موسلمانان.
7- خێرێن بۆ مرۆڤى دئینهدان.
8- نهخۆشییێن ڕۆژا قیامهتێ.
9- تۆلهستاندنا ل حهشرێ پشتى دهربازبوونا ژ پرا صیراطێ.
10- مههدهرا مههدهرچییان.
11- لێبورینا خودێ.
••━═══✿═══━••
64- والأمن والإياس ينقلان عن ملة الإسلام، وسبيل الحق بينهما لأهل القبلة.
* ئهو كهسێ ژ عهزابا خودێ پشت ڕاست ببت، دێ ژ ڕێكا ئیسلامێ دهركهڤت، چونكى ڕێكا حهق یا (أهل السنة) ل سهر -وهكى مه بهرى نوكه ژى گۆتى- ئهوه مرۆڤ ترسێ وهیڤییێ پیكڤه كۆم بكهت.
••━═══✿═══━••
65- ولا يخرج العبد من الإيمان إلا بجحود ما أدخله فيه.
* مرۆڤ وهسا بێ باوهر دبت كو باوهرییێ ب وى تشتى نهئینت یێ ئهو كرییه خودان باوهر. یهعنى: نهباوهرى ئینانا ب وى تشتى یێ مرۆڤ پێ دبته موسلمان مرۆڤى ژ ئیسلامێ دهرئێخت.
* وئهڤ گۆتنه رهدده ل سهر خهوارج وموعتهزلییان، ئهوێن دبێژن: موسلمان ب كرنا گونههێن مهزن ژ ئیسلامێ دهردكهڤت، وهكى بهرى نوكه دگهل مه بۆرى.
••━═══✿═══━••
66- والإيمان: هو الإقرار باللسان، والتصديق بالجنان. وجميع ما صح عن رسول الله صلى الله عليه وعلى آله وسلم من الشرع والبيان كله حق. والإيمان واحد. وأهله في أصله سواء، والتفاضل بينهم بالخشية والتقى، ومخالفة الهوى، وملازمة الأولى.
* ئیمان -ب ب دیتنا پترین زانایان وهكى ئیمام مالكى وشافعى وئهحمهدى- ئهوه: مرۆڤ ب دلى باوهر بكهت، و ب ئهزمانى بێژت، و ب لهشى كارى پێ بكهت. وهندهك زانایێن دى -وهكى ئیمام ئهبوو حهنیفهى- دبێژن: كرنا لهشى ناكهفته د بن ڕامانا پهیڤا باوهرییێ دا، بهلێ كرن ئێك ژ پێتڤییێن باوهرییا ب دلییه.. وئهو ههمى پێكڤه ل وێ باوهرێنه كو مرۆڤێ خودان باوهر ب كرنا گونههێن مهزن بێ باوهر نابت.
* و ب كرنا كریارێن چاك وباش باوهرییا خودانى زێده دبت، و ب كرنا خرابییێ باوهرى كیم دبت.
* وهــهر تـشـتـهكێ ژ شریعهتى یێ كو ب ڕێكێن دورست ژ پێغهمبهرى -سلاڤ لێ بن- هاتییه ڤهگوهاستن حهقییه و ڕاستییه، ودڤێت كار پێ بێتهكرن وبێته زانین، وئهڤه رهدده ل سهر (جههمى) و (موعهططله) و (موعتهزلى) و (رافضى)یان دهمێ دبێژن: خهبهر یان (موتهواتره) یان (ئاحاده) یێ موتهواتر ئهگهر ب ڕێكهكا دورست گههشت بته مه ژى یێ (قطعي الدلالة) نابت، ویێ ئاحاد ل نك وان ئحتجاج نه ب (سهنهدا) وى نه ب (مهتنا) وى نائێته كرن، و ب ڤێ چهندێ ئهو نوصووصێن شهرعى لاددهن و ل دویڤ عهقلێ خۆ دچن.
* وعهدهتێ بیدعهچییان ئهوه ههر جارهكا نهصصهكا شهرعى دیت ونه وهكى بیدعهیا وان بت، ئهو نهصصێ لاددهن ب هێجهتا هندێ كو ئهو نه ل دویڤ عهقلێ وانه.
••━═══✿═══━••
67- والمؤمنون كلهم أولياء الرحمن.
* خودان باوهر ههمى خۆشتڤییێن خودێنه، وخودێ خۆشتڤییێ وانه، وهكى خودێ گۆتى: ((ألا أن أولیاء الله لا خوف علیهم ولا هم یحزنون)) و ((الله ولي الذین آمنوا یخرجهم من الظلمات الى النور)) و د گهلهك ئایهت وحهدیسان دا هاتییه كو خودێ وهلییێ خودان باوهرانه، یهعنى: سهركار وخوشتڤییێ وانه. وخودان باوهر ژى خۆشتڤییێن خودێنه ووى چو مننهت ب وان نینه ((لیس له ولي من الذل)).
* وخودان باوهر ژى د ناڤبهرا خۆ دا وهلییێن یهك ودونه ((والمؤمنون والمؤمنات بعضهم أولیاء بعض)) ئهو حهز ژ ئێك ودو دكهن وبهڕهڤانییێ ژ ئێك ودو دكهن.
••━═══✿═══━••
68- وأكرمهم عند الله أطوعهم وأتبعهم للقرآن.
* خودان باوهرێ ژ ههمییان ب بهاتر ل نك خودێ ئهوه یێ پتر گوهدارییا خودێ بكهت ودویچوونا قورئانێ بكهت، یهعنى: یێ پتر ب تهقوا بت، وهكى: د ئایهتهكێ دا هاتى: ((إن أكرمكم عند الله أتقاكم)).
* پێغهمبهرى ژى -سلاڤ لێ بن- د خوتبهكا خۆ دا -وهكى ئیمام ئهحمهد ژێ ڤهدگوهێزت- دبێژت: ((یا أیها الناس ألا إن ربكم واحد، وإن أباكم واحد، ألا لا فضل لعربي على أعجمي ولا لعجمي على عربي، ولا أحمر على أسود، ولا أسود على أحمر إلا بالتقوى)).
••━═══✿═══━••
69- والإيمان: هو الإيمان بالله، وملائكته، ورسله، واليوم الآخر، والقدر: خيره وشره، وحلوه ومره، من الله تعالى.
* ئهڤ ههر شهشه ستوینێن باوهرییێنه، وئهون یێن پێغهمبهرى -سلاڤ لێ بن- د گۆتنهكا خۆ دا هژمارتین دهمێ جبریلى پسیار ژێ كرى: باوهرى چییه؟
* ب ڤان شهشان باوهرییا مرۆڤى پێك دئێت: باوهرییا ب خودێ، ومهلائیكهتێن وى، وكیتابێن وى، وپێغهمبهرێن وى، وڕۆژا دویماهییێ، وقهدهرا خودێ بۆ نڤیسى چ یا خۆش بت چ یا نهخۆش بت.
* وئاشكهرایه كو باوهرییێ كرن ژێ پێ دڤێت حهتا یا تمام بت، وهكى د گهل مه بۆرى.
••━═══✿═══━••
70- ونحن مؤمنون بذلك كله، لا نفرق بين أحد من رسله، ونصدقهم كلهم على ما جاءوا به.
* مه باوهرى ب ڤێ ههمــیــیـێ هــهیه، وئــهم چــو جوداهییێ نائێخینه د ناڤبهرا پێغهمبهرێن خودێ دا، ومه باوهرى ب وێ ههمییێ ههیه یا ئهو پێ هاتین كو حهقییه و ژ نك خودێیه.
••━═══✿═══━••
71- وأهل الكبائر من أمة محمد صلى الله عليه وعلى آله وسلم في النار لا يخلدون، إذا ماتوا وهم موحدون، وإن لم يكونوا تائبين، بعد أن لقوا الله عارفين مؤمنين.
* ئهو مرۆڤێن خودان باوهر و ژ ئوممهتا موحهممهدى -سلاڤ لێ بن-ئهگهر ل سهر تهوحیدێ مربن، وگونههێن مهزن كربن وژێ تۆبه نهكربن ژى، ههر وههر د ئاگرى دا نامینن، ودهمهك دێ ئێت ئهو دێ ژێ دهركهڤن.
* وئهڤهیه باوهرى یا مه (أهل السنة والجماعة) و د ڤێ گۆتنێ دا رهددهك ل سهر خهوارج وموعتهزلییان ههیه، خهوارج دبێژن: ئهو موسلمانێ گونههێن مهزن بكهت كافر دبت و د ئاگرى دا ههر وههر دێ مینت. وموعتهزلى دبێژن: ئهو نه كافر دبت نهدمینت موسلمان، و د ئاگرى دا ههر وههر دێ مینت.
* ئهنهس ژ پێغهمبهرى -سلاڤ لێ بن- ڤهدگوهێزت، دبێژت: ((ههچییێ هندى ذهررهتهكێ باوهرى د دلى دا ههبت دێ ژ ئاگرى دهركهڤت)).
••━═══✿═══━••
72- وهم في مشيئته وحكمه، إن شاء غفر لهم عفا عنهم بفضله، كما ذكر عز وجل في كتابه: ((ويغفر ما دون ذلك لمن يشاء)) وإن شاء عذبهم في النار بعدله. ثم يخرجهم منها برحمته وشفاعة الشافعين من أهل طاعته. ثم يبعثهم إلى جنته. وذلك بأن الله تعالى تولى أهل معرفته، ولم يجعلهم في الدارين كأهل نكرته، الذين خابوا من هدايته، ولم ينالوا من ولايته. اللهم يا وليّ الإسلام وأهله، ثبتنا على الإسلام حتى نلقاك به.
* خودانێن گونههێن مهزن ئهگهر ل سهر تهوحیدێ مربن دێ ل بهر حوكم وحهزكرنا خودێ بن، ئهگهر وى بڤێت ژ قهنجییا خۆ ئهو دێ وان عهفوو كهت وگونههێن وان ژێ بهت، وهكى خودێ د كیتابا خۆ دا گۆتى: ((ویغفر ما دون ذلك لمن یشاء)) ژ بلى شركى ههچى گونهها ههبت ئهو بۆ وى یێ وى بڤیت ژێ دبهت.
* وههچییێ وى بڤێت ژی ئهو ب دادییا خۆ وى د ئاگرێ جههنهمێ دا دسوژت، پاشى -پشتى ئهو هندى گونههێن خۆ دئێته سۆتن- ئهو دێ ژ جههنهمێ ئێته دهرێخستن وچته بهحهشتێ.
••━═══✿═══━••
73- ونرى الصلاة خلف كل برٍّ وفاجر من أهل القبلة وعلى من مات منهم.
* كرنا نڤێژا ب جماعهت ل پشت مرۆڤێ باش وخراب دورسته هندى ئهو ژ ئههلێ قبلێ بت، ویا هاتییه ڤهگوهاستن ژ صهحابییێن پێغهمبهرى -سلاڤ لێ بن- كو وان ل دهمێ فتنێ نڤێژ یا ل دویڤ مهزنێن زالم وفاجر كرى، وهكى ژ عهبدللایێ كوڕێ عومهرى وئهنهسی هاتییه ڤهگوهاستن كو وان نڤێژ ل دویڤ حهججاجى دكر.
* وهێلانا نڤێژا ب جماعهت ب هێجهتا هندێ كو ئیمام یێ باش نینه دهرگههێ فتنێ د ناڤ ئوممهتێ دا ڤهدكهت وخهلكى ژ جماعهتێ وكۆمبوونێ ددهته پاش.
* ههر وهسا كرنا نڤێژا مرى ل سهر مرۆڤێ باش ویێ خراب دورسته.
••━═══✿═══━••
74- ولا ننزل أحداً منهم جنة ولا ناراً، ولا نشهد عليهم بكفر ولا بشرك ولا بنفاق، ما لم يظهر منهم شيء من ذلك. ونذر سرائرهم إلى الله تعالى .
* چێ نابت بۆ مرۆڤێ موسلمان شاهدهیێ ل سهر كهسهكێ ژ ئههلێ قبلێ بدهت كو ئهو بهحهشتییه یان جههنهمییه، ئهو تێ نهبن یێن پێغهمبهرى -سلاڤ لێ بن- شاهدهیی ب بهحهشتێ بۆ داى، چونكى بهحهشت وجههنهم ددهستێ خودێ دایه وكهس یا دلێ كهسێ نزانت.
••━═══✿═══━••
75- ولا نرى السيف على أحد من أمة محمد صلى الله عليه وعلى آله وسلم، إلا من وجب عليه السيف.
* حهلالكرنا خوینا موسلمانان نه ژ عهقیدا مه سوننییانه، وههچییێ كوشتنا موسلمانان دورست بكهت ئهو ژ عهقیدا دورست یێ دهركهفتییه.
* د هندهك نوصووصێن شهرعى دا كوشتنا هندهك كهسان هاتییه واجب كرن، وهكى وى یێ مرۆڤهكى بكوژت، یان دینێ خۆ بهێلیت، یان یێ ب ژن بت ودههمهن پیسی یێ بكهت.. ژ بلى ڤان كوشتنا چو موسلمانان یا دورست نینه.
s
