شڕۆڤهكرنا عهقیدا طهحاوی
ژ76 ھەتا 109
76- ولا نرى الخروج على أئمتنا وولاة أمورنا، وإن جاروا. ولا ندعو عليهم ، ولا ننزع يداً من طاعتهم، ونرى طاعتهم من طاعة الله عز وجل فريضة، ما لم يأمروا بمعصية. وندعو لهم بالصلاح والمعافاة.
* بوخارى وموسلم ژ پێغهمبهرى -سلاڤ لێ بن- ڤهدگوهێزن: دبێژت: ((ههچی یێ گوهدارییا من بكهت ئهوى گوهدارییا خودێ كر، وههچیێ گوهدارییا من نهكهت ئهوى گوهدارییا خودێ نهكر، وههچییێ گوهدارییا ئهمیرى بكهت ئهوى گوهدارییا من كر، وههچییێ گوهدارییا ئهمیرى نهكهت ئهوى گوهدارییا من نهكر)).
* ژ بهر ڤێ چهندێ گوهدارییا مهزن وكاربدهستى د عهقیدا سوننى دا كارهكێ فهره، و د گهلهك حهدیسان دا پێغهمبهرى -سلاڤ لێ بن-فهرمان ل مه كرییه كو گوهدارییا مهزنێ خۆ بكهین، ئهگهر خۆ ئهم زولمێ ژى ژێ ببینین چونكى ئهو فتنا ژ نهگوهدارییا مهزنی چێ دبـت گــهلــهك مهزنتره ژ هندێ كو مهزن خرابییهكێ ل مرۆڤى بكهت.
* دهركهفتنا ژ بن ئهمرێ ئهمیرێ موسلمان دبته ئهگهرا ژێكڤهكرنا موسلمانان وپهیداكرنا دوبهرهكییێ د ناڤ ئوممهتێ دا، بوخارى وموسلم ژ پێغهمبهرى -سلاڤ لێ بن- ڤهدگوهێزن، دبێژن: ((ههچییێ ژ ههوه تشتهكێ وى پێ نهخۆش بت ژ ئهمیرى دیت، بلا بیهنا خۆ فرههـ بكهت، چونكى ههچییێ بهوستهكێ ژ جماعهتێ دویر كهفت، دێ مرت مرنهكا جاهلى)).
* و د قورئانێ ژى دا هاتییه: ((أطیعوا الله وأطیعوا الرسول وأُلي الأمر منكم)) گوهدارییا خودێ بكهن، وگوهدارییا پێغهمبهرى وكاربدهستێن ژ خۆ بكهن.
* گوهدارییا مهزن وكاربدهستان ژ گوهدارییا خودێ وپێغهمبهرییه، وگوهدارییا وان د ههمى تشتان دا دڤێت بێتهكرن، ب تنێ ئهو تێ نهبت ئهگهر وان فهرمان ب تشتهكى كر بێ ئهمرییا خودێ تێدا بت، هنگى چێ نابت مرۆڤ گوهدارییا وان بكهت، چونكى د حهدیسهكێ دا هاتییه: ((دبێ ئهمرییا خالقى دا گوهدارییا مهخلووقهكى نائێتهكرن)).
••━═══✿═══━••
77- ونتبع السنة والجماعة، ونجتنب الشذوذ والخلاف والفرقة.
* وئهم دویكهفتنا سوننهتێ وجماعهتێ دكهین، وخۆ ژ ههڤڕكییێ وژێك جوداكرنێ ددهینه پاش. وسوننهت: ڕێ وڕیبازا پێغهمبهرییه -سلاڤ لێ بن-، وجماعهت: كۆما موسلمانانه، ومهبهست پێ صهحابى وتابعینه، وئهوێن ڕێكا وان ب ڕاستى ودورستى گرتى، وههر كهسهكێ ژ ڕێكا وان دهركهفتى ئهو یێ د سهردا چووى.
••━═══✿═══━••
78- ونحب أهل العدل والأمانة، ونبغض أهل الجور والخيانة.
* وئــهڤــه ژ تــمــامــیــیــا بـــاوهرییا مرۆڤێ موسلمانه، كو مرۆڤ حهز ژ موسلمانان بكهت وئهڤ حهژێكرنه بهرێ مرۆڤى بدهته هندێ كو ئــهو وهلائـــا خـــۆ بــدهتـێ وبهڕهڤانییێ ژێ بكهت، وكو مرۆڤ حهز ژ خراب وخیانهتكاران نهكهت وبهرائهتا خۆ ژێ بدهت.
••━═══✿═══━••
79- ونقول: الله أعلم، فيما اشتبه علينا علمه.
* ژ ئهخلاق ورهوشتێ مرۆڤێ خودان باوهره كو تشتێ ئهو چو ژێ نهزانت یان ل بهر بهرزهببت، مایێ خۆ تێ نهكهت وئهو وى بهێلته ب هیڤییا خودێ ڤه وبێژت: خودێ چێتر دزانت.
* ئهڤه حالێ موسلمانانه وئهو كهسێن دلنهساخ ودوڕوى كارێ وان ئهوه ئهو ل دویڤ كۆره ڕێكان دچن ومایێ خۆ د وى تشتى دكهن یێ وان چو زانین پێ نهههى.
••━═══✿═══━••
80- ونرى المسح على الخفين، في السفر والحضر، كما جاء في الأثر.
* شوشتنا ههردو پێیان ل دهمێ دهستنڤێژێ، وڤهمالینا ل سهر خوفكان (وگۆڕهیان)، ههردو ژ پێغهمبهرى -سلاڤ لێ بن- هاتینه ڤهگوهاستن، لهو د مهزههبێ مه سوننییان دا ئهڤ چهنده یا دورسته.
* وئــهڤــه رهدده ل سهر رافضییان ئهوێن باوهرییێ ب سوننهتا مهسحا ل سهر گۆره وخوفكان نائینن و باوهربیێ ب شویشتنا پێیان نائێنن وب تنێ مهسحێ دكهن.
••━═══✿═══━••
81- والحج والجهاد ماضيان مع أولي الأمر من المسلمين: برهم وفاجرهم، إلى قيام الساعة، لا يبطلهما شيء ولا ينقضهما.
* چوونا حهجێ ههر وهسا كرنا جیهادێ د گهل كاربدهستێن باش وخراب دئێتهكرن حهتا ڕۆژا قیامهتێ، ههردو نه دئێنه بهطال كرن ونه دئێنه پویچكرن ژ بهر چو تشتهكى.
* و ئهڤه ژى رهدده ل سهر رافضییان ئهوێن دبێژن: جیهاد نائێتهكرن حهتا مههدى ڕادبت.
••━═══✿═══━••
82- ونؤمن بالكرام الكاتبين، فإن الله قد جعلهم علينا حافظين.
* (الكرام الكاتبین) ئهو فریشتهنه یێن خودان بها ئهوێن خودێ داینه د گهل مرۆڤى دا گۆتن وكریار وئنیهتێن مرۆڤى بنڤیسن یان پێ بزانن.
* ومه گۆت: ئنیهتێن وان ژى؛ چونكى ئهو پێ دزانن، وهكى د وێ حهدیسێ دا هاتى ئهوا بوخارى وموسلمى ژ پێغهمبهرى -سلاڤ لێ بن- ڤهگوهاستى، دبێژت: ((خودێ گۆت (یهعنى گۆته مهلائیكهتان) ئهگهر بهنییێ من دلێ خۆ بره گونههێ، ل سهر نهنڤیسن، ڤێجا ئهگهر وى ئهو كر گونهههكێ بۆ نڤیسن..)) مهعنا گاڤا وى دلێ خۆ بره گونههێ ئهو فریشتهیێن زێرهڤانییێ لێ دكهن پێ دزانن.
* مه باوهرى ب ڤى ڕهنگێ مهلائیكهتان ههیه كو ئهو ههنه وزێرهڤانییێ ل مرۆڤى دكهن.
••━═══✿═══━••
83- ونؤمن بملك الموت، الموكل بقبض أرواح العالمين.
* ههر وهسا مه باوهرى ب وى فریشتهى ژى ههیه ئهوێ خودێ كارێ وى كرییه وهرگرتنا ڕحا ههر كهسهكێ خودان رح.
••━═══✿═══━••
84- وبعذاب القبر لمن كان له أهلاً.
* عهزابدانا مرۆڤێ مرى د قهبرى دا ڕاستییهكه د قورئانێ وحهدیسێن دورست دا هاتییه، لهو مه باوهرى ههیه كو ههر كهسهكێ هێژاى عهزابێ بت د قهبرى دا دێ ئێته عهزابدان.
* چاوانییا عهزابدانا د قهبرى دا تشتهكه ئهم نزانین، وئاشكهرایه كو ژینا د قهبرى دا ژینهكا جودایه ژ ژینا مه.
* دوعــا مــه ژ خودێ ئهوه جهێ مه د قهبرى دا خۆش بكهت وئهو مه ژ عهزابێ بپارێزت.
••━═══✿═══━••
85- وسؤال منكر ونكير في قبره عن ربه ودينه ونبيه، على ما جاءت به الأخبار عن رسول الله صلى الله عليه وعلى آله وسلم، وعن الصحابة رضوان الله عليهم . والقبر روضة من رياض الجنة، أو حفرة من حفر النيران.
* (نهكیر) و(مونكهر) دو ملیاكهتن خودێ یێن چێكرین وكارێ وان ئهوه: د قهبرى دا ئهو پسیارێ ژ مرۆڤێ مرى دكهن ل دۆر خودایێ وى ودینێ وى وپێغهمبهرێ وى، وئهڤه ڕاستییه مه باوهرى پێ ههیه وهكى د حهدیسان دا ژ پێغهمبهرى -سلاڤ لێ بن- و ژ صهحابییان -خودێ لێ خۆش بت- هاتییه ڤهگوهاستن.
* قهبرێ مرۆڤی ژى یان دێ بته مێرگهك ژ مێرگێن بهحهشتێ، یان ژى كۆركهك ژ كۆركێن ئاگرى، ل دویڤ كار وكریارێن وى د دنیایێ دا كرین.
••━═══✿═══━••
86- ونؤمن بالبعث وجزاء الأعمال يوم القيامة، والعرض والحساب، وقراءة الكتاب، والثواب والعقاب، والصراط والميزان.
* باوهرى ئینانا ب رۆژا ڕابوونا پشتى مرنێ، ئێك ژ ستوینێن باوهرییا مرۆڤێ موسلمانه، وئهو كهسێ باوهر نهكهت مرۆڤ پشتى مرنێ دێ رابنهڤه ئهو كافره چونكى ئـهو گۆتنا خــودێ وپێغهمبهرى -سلاڤ لێ بن- درهو دهرتێخت.
* ل وێ ڕۆژا مــرى ڕادبنهڤه گهلهك سهرهاتى وقهومێن چێ دبن وهكى د ئایهت وحهدیسان دا هاتى وپێتڤییه ل سهر مه موسلمان ئهم باوهرییێ پێ بینین، ژ وان سهر هاتى یان:
1- زێندیكرنا ههمى خودان ڕحان پشتى كو مرین وپویچ بووین، ودورستكرنا لهشێن وان جارهكا دى.
2- جزادانا وان ل سهر كار وكریارێن كو وان د ژیانا خۆ دا كرین، ئهگهر باشى كربن دێ ئێنه خهلاتكرن وئهگهر خرابى كربن وگونههێن وى بۆ نه ئێته ژێبرن دێ ئێته عهزابدان.
3- پێش بهرچاڤكرنا وى كارێ مرۆڤى كرى، یێ باش بت یێ خراب بت، مرۆڤ ژێ هاتبته عهفووكرن یان نه.. ((یومئذ تعرضون لا تخفى منكم خافیة)).
4- حسێبكرنا ل سهر كریاران.
5- بهلاڤكرنا كتێبان ل سهر خهلكى یان ب دهستێ ڕاستێ یان یێ چهپێ.
6- دهربازبوونا ل سهر وێ پرا ل هنداڤى جههنهمێ هاتییه دانان.
7- كێشانا خێر وگونههان ب تهرازییێ.
••━═══✿═══━••
87- والجنة والنار مخلوقتان، لا تفنيان أبداً ولا تبيدان. وأن الله تعالى خلق الجنة والنار قبل الخلق، وخلق لهما أهلاً. فمن شاء منهم إلى الجنة فضلاً منه، ومن شاء منهم إلى النار عدلاً منه.
* بهحهشت وجههنهم دو چێكرییێن خودێنه، خودێ یێن چێكرین بهرى كو خهلكى بدهت، بهحهشت بۆ تهقواداران وجههنهم بۆ سهرداچوویان.
* بهحهشت وجههنهم نوكه ههنه وههر وههر دێ مینن وپویچ نابن، وئهڤه رهدده ل سهر جههمى وموعتهزلییان ئهوێن دبێژن: بهحهشت وجههنهم پویچ دبن.
••━═══✿═══━••
88- وكل يعمل لما قد فرغ له، وصائر إلى ما خلق له. والخير والشر مقدران على العباد.
* ههر كهسهك وى كارى دكهت یێ خودێ ل سهر نڤیسى وبۆ تهقدیر كرى، ودێ گههته وى جهى یێ خودێ ئهو بۆ داى.
* وباشى وخرابى ل سهر بهنییان د تهقدیركرینه، و ل سهر دنڤیسینه.
* وئهڤ گۆتنه بنهجهكرنا باوهرییا ب قهدهرێیه، كو ئێك ژ ستوینێن باوهرییا مرۆڤێ موسلمانه.
••━═══✿═══━••
89- والاستطاعة التي يجب بها الفعل، من نحو التوفيق الذي لا يجوز أن يوصف المخلوق به -فهي مع الفعل، وأما الاستطاعة من جهة الصحة والوسع، والتمكن وسلامة الآلات- فهي قبل الفعل، وبها يتعلق الخطاب، وهو كما قال تعالى : ((لا يكلف الله نفساً إلا وسعها)) .
* شیانا مرۆڤى ل سهر كرنا كارى دو ڕهنگن:
1- شیانهك د گهل كرنا كارییه، وههردو پێكڤه دگرێداینه، وناكهڤته عهقلى كو كارهك بێ شیان بێتهكرن.
2- وشیانهك بهرى كرنا كارى ههیه وئهمر ونههییێن خودێ ب ڤێ شیانی ڤه دئێنه گرێدان وهكى وى یێ د خۆ ڕا ببینت بچته حهجێ وڕێ ب دهست بكهڤت، یان كرنا نڤێژێ ژ پێیان ڤه بۆ وى یێ بشێت بڕاوهستیت.
••━═══✿═══━••
90- وأفعال العباد خلق الله، وكسب من العباد.
* ل دۆر كار وكریارێن مرۆڤ دكهت سێ بۆچوون ههنه، دو دخهلهت وههڤدژن، وئێك د ناڤبهرا ههردوان دایه ویا ڕاسته: بۆچوونا ئێكێ: هندهك دبێژن: ههمى كارێن مرۆڤ دكهت خودێ یێن داین وئافراندین ومرۆڤ مهجبووره بكهت چونكى وى چو دهست تێدا نینه.. وئهڤه بۆچوونا جهبرییانه.
بۆچوونا دووێ: یا موعتهزلییانه ئهوێن دبێژن: ههمى كارێن مرۆڤى مرۆڤ ددهت وئافرینت وخودێ ئهو نه ئافراندینه.
وبۆچوونا سێیێ ویا دورست یا سوننییانه ئهوێن دبێژن: كریارێن بهنییان خودێ ئافراندینه، ومرۆڤه ب دهست خۆڤه دئینت، لهو خودێ حسێبێ سهرا كریارێن وى د گهل دكهت.
••━═══✿═══━••
91- ولم يكلفهم الله تعالى إلا ما يطيقون، ولا يطيقون إلا ما كلفهم .
* خودێ كرنا وى تشتى ژ مرۆڤى ناخوازت یێ مرۆڤ نهشێت بكهت، وهكى د ئایهتهكێ دا هاتى: ((لا یكلف الله نفسا إلا وسعها)).
••━═══✿═══━••
92- وهو تفسير: (لا حول ولا قوة إلا بالله) نقول: لا حيلة لأحد، ولا حركة لأحد ولا تحول لأحد عن معصية الله إلا بمعونة الله، ولا قوة لأحد على إقامة طاعة الله والثبات عليها إلا بتوفيق الله .
* وئهڤهیه تهفسیرا وێ گۆتنا ئهم دبێژین: (لا حول ولا قوة إلا بالله) یهعنى: چـــو ڕێ وچـــو شــیـــان وچـــو لـڤــیـن كهسهكى نینه ئهگهر ب هاریكارییا خودێ نهبت، نه كهس دشێت بێ ئهمرییا خودێ بكهت ونه كهس دشێت گوهدارییا وى بكهت ئهگهر ب هاریكارى وتهوفیقا خودێ نهبت.
••━═══✿═══━••
93- وكل شيء يجري بمشيئة الله تعالى وعلمه وقضائه وقدره . غلبت مشيئته المشيئات كلها، وغلب قضاؤه الحيل كلها، يفعل ما يشاء وهو غير ظالم أبداً، تقدس عن كل سوء وحين، وتنزه عن كل عيب وشين: ((لا يسأل عما يفعل وهم يسألون)) .
* تهقدیرا خودێ دو ڕهنگه تهقدیرن:
1- تهقدیرا كهونى: وئهڤه ب وان تشتان ڤه یا گرێدایه یێن خودێ ڤیاى كو د گهردوونى دا ههبن، و د ڤێ چهندێ دا تهقدیرا خودێ ب سهر ههر تشتهكى دكهڤت و ب تنێ ئهو چێ دبت یا خودێ ڤیاى.
2- تهقدیرا شهرعى: وئهڤه ئهو ئهمر ونههینه یێن خودێ ل بهنییێن خۆ كرین. و د ڤێ چهندێ دا خودێ هلبژارتن دایه بهنییان.
* ههر تشتهكێ خودێ بڤێت دكهت و د ڤێ ههمییێ دا ئهو یێ زۆردار نینه، وپسیارا وى نائێتهكرن ژ وى تشتێ ئهو دكهت وئهوه پسیارا خهلكى دكهت ژ تشتێ ئهو دكهن.
••━═══✿═══━••
94- وفي دعاء الأحياء وصدقاتهم منفعة للأموات.
* ژ تشتێن باوهرى پێ كرییه د بیر وباوهرێن سوننییان دا كو مرۆڤێ مرى ب دو ڕێكان مفاى ژ كارێ ساخان دكهت:
1ـ ب وى تشتى یێ مرى بوویه ئهگهرا وى دهمێ یێ زێندى، وهكى: نیشادانا زانینهكێ، ڤهكرنا پڕۆژهیهكێ خێر خوازییێ.. پشتى مرۆڤ دمرت ژى مفایێ ڤى تشتى ههر دگههتێ.
2ـ ب دوعایێن موسلمان دهمێ دوعا دكهن چ بۆ وى ب ناڤ ونیشان بت یان ژى بۆ موسلمانان ب گشتى بت.
••━═══✿═══━••
95- والله تعالى يستجيب الدعوات، ويقضي الحاجات.
* خودایێ مهزن كهیف ب هندێ دئێت بهنییێ وى ههردهم دوعا ژێ بكهت وخۆ ههوجه كهتێ، و وى فهرمان یا ل مه كرى ئهم دوعایان ژ وى بكهین، ووى سۆزا داى ئهو د ههوارا مه بێت ودوعایێن مه ب جهـ بینت: ((وقال ربكم ادعونى أستجب لكم)).
* مرۆڤێ موسلمان دڤێت ههردهم ههوارێن خۆ بگههینته خودێ و ژ وى پێڤهتر دوعایێ ژ كهسێ دى نهكهت چونكى دوعا عیبادهته وعیبادهت ب تنێ بۆ خودێ دئێتهكرن.
••━═══✿═══━••
96- ويملك كل شيء، ولا يملكه شيء. ولا غنى عن الله تعالى طرفة عين، ومن استغنى عن الله طرفة عين، فقد كفر وصار من أهل الحين.
* وههر تشتهكێ ههبت یێ خودێیه وخودێ نه ملكێ كهسێیه وكهسهك هندى چاڤ ههلینهكێ نهشێت بـــێ وى بـــژیــت، وههچییێ گاڤهكا ب تنێ ژى خۆ ژ وى بێ مننهت بكهت دێ كافر بت وبته ژ وان یێن دچنه هیلاكێ.
••━═══✿═══━••
97- والله يغضب ويرضى، لا كأحد من الورى.
* كهرب ڤهبوون وڕازیبوون دو سالۆخهتن ژ سالۆخهتێن خودێ، مه باوهرى پێ ههیه، وئهم باوهر دكهین كو خودێ دڤان ههردو سالۆخهتان ژى دا نه وهكى كهسێیه.
••━═══✿═══━••
98- ونحب أصحاب رسول الله صلى الله عليه وعلى آله وسلم، ولا نفرط في حب أحد منهم، ولا نتبرأ من أحد منهم . ونبغض من يبغضهم، وبغير الخير يذكرهم، ولا نذكرهم إلا بخير. وحبهم دين وإيمان وإحسان، وبغضهم كفر ونفاق وطغيان.
* ئهڤه ژى ژ بناخهیێن سهرهكى یێن عهقیدا مهنه، ئهم حهز ژ ههمى صهحابییێن پێغهمبهرى -سلاڤ لێ بن- دكهین و د حهژێكرنا كهسهك ژ وان دا ئــهم زێدهگاڤییێ ومــــوبـــالهغێ ناكهین وئهم وان ژ حهددێ وان بلندتر ناكهین، ههر وهسا ئهم بهایێ وان نائینینه خوارێ ژى وخۆ ژێ بهرى ناكهین ژى.
* ههر وهسا ئهم حهز ژ وان ژى دكهین ئهوێن حهز ژ صهحابییان دكهن، ومه ئههو نهڤێن ئهوێن دوژمنییا صهحابییان دكهن وكهربێن خۆ ژێ ڤهدكهن وبهحسێ وان ب خرابى دكهن.
* ئهم ئهزمانێ خۆ د دهر حهقا صهحابییان دا دگرین و ب باشى نهبت ئهم بهحسێ وان ناكهینن و ل نك مه ڤیانا صهحابییان نیشانا دیندارى وباوهرى وچاكییێیه، ونهڤیانا صهحابییان نیشانا كوفر ونفاق وسهرداچوونێیه.
* وئهڤ گۆتنه رهدده ل سهر رافظى وناصبییان ئهوێن نهڤیانا هندهك صهحابییان بۆ خۆ دكهنه دین وڕێباز.
••━═══✿═══━••
99- ونثبت الخلافة بعد رسول الله صلى الله عليه وعلى آله وسلم: أولاً لأبي بكر الصديق رضي الله عنه، تفضيلاً له وتقديماً على جميع الأمة، ثم لعمر بن الخطاب رضي الله عنه، ثم لعثمان رضي الله عنه، ثم لعلي بن أبي طالب رضي الله عنه ، وهم الخلفاء الراشدون والأئمة المهتدون.
* د عـــهقــیـــدا مـــه دا خیلافهت پشتى پێغهمبهرى -سلاڤ لێ بن- ب ڕاستى ودورستى بۆ ئهبوو بهكرێ ڕاستگۆیه؛ چونكى ئهو پشتى پێغهمبهرى چێترینى ئوممهتێیه، وپشتى وى بۆ عومهرییه، پاشى بۆ عثمانى، پاشى بۆ عهلى، خودێ ژ ههمییان ڕازى بت، وئهڤ ههر چارهنه خهلیفێن سهرڕاست وڕێ دورست، خیلافهتا وان یا دورسته وههر ئێك ژ یێ پشتى خۆ چێتره وئهو ههمى دباشن.
••━═══✿═══━••
100- وأن العشرة الذين سماهم رسول الله صلى الله عليه وعلى آله وسلم وبشرهم بالجنة، على ما شهد لهم رسول الله صلى الله عليه وعلى آله وسلم، وقوله الحق، وهم : أبو بكر ، وعمر، وعثمان، وعلي، وطلحة، والزبير، وسعد، وسعيد، وعبد الرحمن بن عوف، وأبو عبيدة بن الجراح وهو أمين هذه الأمة، رضي الله عنهم أجمعين.
* و ئهم شاهدهییێ ب بهحهشتێ بۆ وان ههر دههان ددهین یێن پێغهمبهرى -سلاڤ لێ بن- مزگینی ب چوونا بهحهشتێ دایێ، ئهو ژى ئهڤهنه: ههر چار خهلیفه، وطهلحه، وزوبهیر، وسهعدێ كوڕێ ئهبوو وهققاصى، وسهعیدێ كوڕێ زهیدى، وعهبدررهحمانێ كوڕێ عهوفى، وئهبوو عوبهیده كوڕێ جهرراحى.
••━═══✿═══━••
101- ومن أحسن القول في أصحاب رسول الله صلى الله عليه وعلى آله وسلم، وأزواجه الطاهرات من كل دنس، وذرياته المقدسين من كل رجس؛ فقد برئ من النفاق.
* وههچییێ گۆتنهكا چاك د دهر حهقا صهحابییێن پێغهمبهرى -سلاڤ لێ بن- وكابانییێن وى و دووندههـ وبــنـــهمـــالا وى دا بـێـژت، ئهو ژ نفاقێ ودوڕوییاتییێ دێ یێ پاراستى بت وههر كهسهكێ نهڤیانا وان د دلێ خۆ دا ههلگرت دێ ژ منافقان ئێته هژمارتن.
••━═══✿═══━••
102- وعلماء السلف من السابقين، ومن بعدهم من التابعين -أهل الخير والأثر، وأهل الفقه والنظر- لا يذكرون إلا بالجميل، ومن ذكرهم بسوء فهو على غير السبيل.
* پێتڤییه ل سهر مه موسلمانان ئهم حهز ژ زانایێن خــۆ یێن بـــۆریـــن ژ پێشییان، وئهوێن ددویڤ دا ل سهر ڕێكا وان هاتین بكهین، وبهحسێ وان ب باشى بكهین، وبزانین هـهر كهسهكێ بهحسێ وان ب خرابى بكهت ئهو یێ ژ ڕێكا ڕاست ودورست دهركهفتى.
••━═══✿═══━••
103- ولا نفضل أحداً من الأولياء على أحد من الأنبياء عليهم السلام، ونقول: نبي واحد أفضل من جميع الأولياء .
* ئـــهڤــــه ڕهدده ل ســــهر وان نـــهزانان ئهوێن دبێژن: مـــرۆڤــــێ وهلى ژ پێغهمبهرى ب بهاتره، د عهقیدا مه دا هندى پێغهمبهرن ژ ههمى مرۆڤان ب بهاترنن ودویكهفتنا ڕێكا پێغهمبهران ژى تشتهكێ فهره ل سهر ههمى مرۆڤان، وئهو وهلى یێ خۆ ژ دویكهفتنا ڕێكا پێغهمبهرى -سلاڤ لێ بن- بلندتر ببینت، ئهو وهلییێ شهیطانییه وى وئیسلامێ چو د گهل ئێك نامینت.
••━═══✿═══━••
104- ونؤمن بما جاء من كراماتهم، وصح عن الثقات من رواياتهم.
* مه باوهرى ههیه كو دبت كهرامهت ل سهر دهستێ وهلییێ خودێ پهیدا ببت، وئهو كهرامهتێن بهحسێ وان ب ڕێكێن دورست وباوهرپێكرى بۆ مه هاتینه ڤهگوهاستن مه باوهرى پێ ههیه.
* وكهرامهت ب خۆ تشتهكێ نه عهدهتییه خودێ ل سهر دهستێ وهلییهكێ خۆ پهیدا دكهت بۆ مهخسهدهكا ئهو پێ دزانت.
* وئهڤ گۆتنا شێخی ڕهدده ل سهر موعتهزلییان ئهوێن باوهرییێ ب چو كهرامهتان نائینن.
••━═══✿═══━••
105- ونؤمن بأشراط الساعة: من خروج الدجال، ونزول عيسى ابن مريم عليه السلام من السماء، ونؤمن بطلوع الشمس من مغربها، وخروج دابة الأرض من موضعها.
* ئهو نیشانێن قیامهتێ یێن خودێ یان پێغهمبهرى -سلاڤ لێ بن- بهحس ژێ كرى مه باوهرى پێ ههیه وهكى: دهركهفتنا دهججالى، وهاتنه خوارا عیسایێ كوڕێ مهریهمێ -سلاڤ لێ بن- ژ عهسمانى، وههلاتنا ڕۆژێ ژ ڕۆئاڤایێ، ودهركهفتنا حهیوانهكى ژ عهردى كو دێ د گهل خهلكى ئاخڤت.
••━═══✿═══━••
106- ولا نصدق كاهناً ولا عرافاً، ولا من يدعي شيئاً يخالف الكتاب والسنة وإجماع الأمة.
* مه باوهرى ب چو خێفزانك وسێرهبهندان نینه ئهوێن ژ غهیبێ خهبهر ددهن، هـــهر وهسا مه باوهرى ب وى نینه یێ تشتهكێ نه ڕێكهفتى د گهل كیتابا خودێ وسوننهتا پێغهمبهرى وئیجماعا ئوممهتێ بێژت ب ههر ناڤهكێ ههبت.
••━═══✿═══━••
107- ونرى الجماعة حقاً وصواباً، والفرقة زيغاً وعذاباً.
* خۆگرتنا ب وهریسێ خودێ ڤه -كو تشتهكه خودێ فهرمان پێ ل مه كرییه- د عهقیدا مه دا ئهگهرا رزگاربوونێیه، وڕێكا ڕاسته، وژێكڤهبوون وجودابوون -كو تشتهكه خودێ ئهم یێن ژێ داینه پاش- ڕێكا سهرداچوون وعهزابێیه. وكۆمبوونا دورست ئهوه مرۆڤ دویكهفتنا سوننهتا پێغهمبهرى -سلاڤ لێ بن- بكهت.
••━═══✿═══━••
108- ودين الله في الأرض والسماء واحد، وهو دين الإسلام، قال الله تعالى: ((إن الدين عند الله الإسلام)) وقال تعالى: ((ورضيت لكم الإسلام ديناً)) وهو بين الغلو والتقصير، وبين التشبيه والتعطيل، وبين الجبر والقدر، وبين الأمن والإياس.
* ئیسلام دینێ خودێ یێ ڕاست ودورسته، ئهو دینه یێ وى بۆ مه هلبژارتى وپێ رازى بووى، وئیسلام ژ ههر لایهكى ڤه ئهگهر تو بهرێ خۆ بدهیێ دێ بینى دینهكێ ناڤنجییه.
••━═══✿═══━••
109- فهذا دينناً واعتقادناً ظاهراً وباطناً، ونحن براء إلى الله من كل من خالف الذي ذكرناه وبيناه، ونسأل الله تعالى أن يثبتنا على الإيمان، ويختم لنا به، ويعصمنا من الأهواء المختلفة، والآراء المتفرقة، والمذاهب الردية، مثل المشبهة، والمعتزلة، والجهمية، والجبرية، والقدرية، وغيرهم، من الذين خالفوا السنة والجماعة، وحالفوا الضلالة، ونحن منهم براء ، وهم عندنا ضلال وأردياء. وبالله العصمة والتوفيق.
* ئهڤه دینێ مهیه، وئهو عهقیدهیه یا مه باوهرى پی ههى، وههر عهقیدهیهكا دى یا ههبت ژ بلى ڤێ ئهم ژێ دبهرینه، ودوعا وداخوازا مه ژ خودێ ئهوه مه ل سهر ڤێ باوهرییێ بهێلته ساخ ومه ل سهر بمرینت، ومه ژ ههر ڕێ وڕێبازهكا دى بپارێزت.
...............................................
ل ڤــێـــرێ ئهڤ تهعلیقێن مـــه ل دۆر مــهتـنــێ عهقیدا طهحاوى ب دویماهى هاتن، وهێژاى گۆتنێیه مه ئهو ب رهنگهكێ كورتكرى ل بهر چاڤ دانان دا گهلهك درێژ نهبن.
هیڤییا مه ئهوه مفا ژێ بێنه وهرگرتن.
وحهمد بۆ خودێ بت.
