ناڤبرا بیستێ
چهند ڕۆژهك د سهر نهبیلایێ ڕا بۆرین ئهو شیا بزڤڕته سهر هێزا خۆ پشتى ڤهگهڕیایه قوتابخانهیا خۆ، ههردهم وێ دڤـیا خۆ وهسا دیار كهت ههر وهكى چو چێ نهبووى، قوتابى ب دهست قوتانهكا گهرم هاتنه بهراهیێ، پێ حهسیا كو ئهڤـ دلێت بچویك وێ دحهبینن وپشتهڤانیا وێ دكهن، وچو دهمان وێ ناهێلنه ب تنێ وئهڤه تێرا وێ ههیه، ڕاسته ئهو بهریكان تژى ناكهت بهلێ پا ئهو دل وگیانێ وێ دهولهمهند دكهت، چو جاران هیڤیا وێ ژ جیلێ نوى نههاتیه بڕین.. بهلێ ڕێڤهبهر ــ خودێ لێ نهگرت ــ ب هشكى ڤه چو بهراهیێ نه وهكى ههر جار، بهلكى وێ ب زیرهكى وڤهشارتى ڤه داخوازا هگوهاستنا وێ بۆ قوتابخانهیهكا دى كر، چونكى ئهڤـ قوتابخانه ژ بهرێ وهره ب بێ دهنگى وئاشتیێ یا هاتیه نیاسین، وچو جاران گرفتاریێت سیاسى نهكهفتینێ، نهبیلایێ ب ڤێ ئیشارهتا وێ نهخۆش بوو، لهو گڕنژى وگۆت:
ــ كهس نهشێت من ژ ڤێ قوتابخانێ ڤهگوهێزت، من باوهریهكا موكم ب ڤێ چهندێ ههیه..
ڕێڤهبهرێ ب مهندههووشى ڤه بهرێ خۆ دایێ وخۆ بێ دهنگ كر، بهلێ مامۆستایێن دى ههر خۆ د مهسهلێ نهگههاند، ئهگهر چ بهرێخۆدانێت وان بۆ نهبیلایێ دتێر مهعنا ژى بوون، كێم ژ وان پسیار ل دۆر نهبیلایێ ڕێزكرن، وێ ژى هندهك بهرسڤێت تێنكاتى پێ نهشكێت ددان.. ڕاسته ئهو د ترسیان پهیوهندیێت خۆ د گهل وێ موكم كهن بهلێ د گهل هندێ ژى ئهو گهلهكا هێژا بوو ل نك وان..
عهگوهى زێده زێده لهز ل وێ دكر دا ئهو داوهتا خۆ بكهن.. ووێ ژ لایێ خۆ ڤه دلێ وى خۆش دكر، د گهل دهردكهفته بازارێ ژ بۆ كڕینا زێڕ وجلكان، نهخاسم جلكێت بویكینیێ، خۆ وه دیار دكر كو ئهو پویتهى پێ دكهت، ودلێ وى خۆش دكهت، لهو حهتا گوهان ئهو د خهونێت خۆ یێت پیس دا مابوو، نهبیلا دچوو نك دختۆر سالمى، و د گهل هندێ ژى موعاملهتێت خۆ دورست دكرن دا سهفهرێ بكهته كوێتێ.. وفێلبازیا وێ گههشته هندێ وێ هندهك جاران كــاغــز بـــۆ ڕێــڤــهبـــهریــا (جهوازاتێ) ژ نك عهطوهى دئینان ب هێجهتا هاریكاریا مرۆڤهكا خۆ. و ب ڤى ڕهنگى ئهو شیا پاسپۆرتهكێ بۆ خۆ دهربێخت بێى بێژت: ئهز مامۆستامه، ههر وهسا شیا ڤیزایێ ژى بۆ خۆ وهرگرت، لهوا ههر زوى جههك د فرۆكهكا كوێتى دا بۆ خۆ حجز كر بێى ئێك ژ كهس وكارێت وێ یان ههڤالێت وێ پێ بزنت، ب ڕاستى دختۆر سالمى گهلهك هاریكارێت پێتڤى بۆ وێ كرن، ڕێ نیشا دا وكـاغـهز بــۆ نڤیسین دا جههكى وكارهكى ب ساناهى بۆ خۆ ل وێرێ پهیدا بكهت، وهندهك پارێت ل وى دهمى ب دهست كهسێ نهدكهفتن ژى دانێ.
بهرى نهبیلا سهفرێ بكهت ب ڕۆژهكێ ڤیا سهرا سهلوایێ بدهت، وئهو ژ ڤێ چهندێ نهدترسیا چونكى خۆ ئهگهر زهلامهكێ ئهمنێ وه دیت با ژى، ئهو دا بێژتێ: ئهز هاریكارا ههوه مه، وتێرا وێ ههیه ئهو ناڤێ عهطوهى بینت، دا دهرگههــ بۆ وێ ل تاق ببن.. ل دۆرێت سهعهت ههشتى ئێڤارى وێ خۆ گههانده سهلوایێ، د گهل زیرهكى وپشت ڕاستیا وێ دلێ وێ خۆ دهلاڤێت، ئهگهر ئهڤهحالێ وێ بت پا حالێ سهلوایێ نوكه دێ چ بت؟ دهرگههــ قوتا، پشتى دهمهكێ كێم ڕویهكێ زهرپهتخى دیت، چاڤـ پتر كویر بوووون، موژیلانك دتهڕ بوون ژ ڕۆندكان.. یا دیار بوو كو ئهو یا دترست، زارۆكێ وێ یێ زهعیف ل بهر سنگێ وێ یێ نڤستى بوو.. نهبیلایێ گۆتێ:
ــ حالێ صابرى چیه؟
ــ وهكى تو دبینى.. كهرم كه وهره ژۆر.. تو ب خودێ كهى زوى خۆ گیرۆ نهكه..
نهبیلا ب ژۆر كهفت وگۆت:
ــ چ تشتێ نوى چێبوویه؟
سهلوا ڕوینشت وبێى وێ ڕۆندكێت وێ هاتنه خوارێ، وگۆت:
ــ گرتن بۆ من خۆشتر بوو ژ ڤێ ژیانێ.
ــ مهخسهدا ته چیه؟
بهر بهره سهلوایێ ڕۆندكێت خۆ زوها كرن وگۆت:
ــ هــهر ڕۆژ دئێنه ڤێرێ.. ئهفسهرى تشتهكێ عنتیكه یێ ژ من خواستى..
نهبیلایێ د بن لێڤلێڤكان ڕا گۆت:
ــ ئهڤـ صهیێت پیس چو جاران پیساتیێ ناهێلن..
* * *
سهلوایێ گۆت:
ــ وێ هزرێ بكه.. وى داخوازا ژ من كرى ئهز خۆ ژ مێرێ خۆ بدهمه بهردان..
ــ نابت..
ــ ئهڤه پتر ژ جارهكێ یا بووى.. ئهفسهر دبێژت: ئهز گهلهك ژ وهفاداریا ته نه یێ رازیــمـــه، ودبـــێـــژت: مــێــرێ ته ژ ههژى هندێ نینه، چونكى وى خیانهتا ل وهلاتێ خۆ كرى، وهزارا خۆ د پاشهڕۆژا مالا خۆ دا ناكهت.. ووى گۆت: وى ژنهكا ئهلمانى یا ئیناى وكوڕهكێ ژێ ههى، ووێنهیهكێ مێرێ من د گهل ژنا وى یا نوى وكوڕێ وى نیشا من دا.. د سهر هندێ ڕا ژى گۆت: بابێ صابرى مرۆڤهكه مهیێ ڤهدخوت ورهقاصێ د گهل ژنكان دكهت.. یا ژ ڤێ ژى مهزنتر ئهوه ئهفسهرى داخواز ژ من كر ئهز شوى ب وى بكهم..
نهبیلا ژ گۆتنا وێ عهجێبگرتى بوو وگۆت:
ــ باوهر ژ ئاخفتنا وى نهكه.
سهلوایێ گۆت:
ــ ووێنه؟
ــ وان یێ چێكرى..
ــ چاوا؟
ــ فهند وفێلێت وێنهیان تشتهكێ ئاشكهرایه، دو وێنهیان دداننه بهرێك وپیچهكێ تێ دخهبتن ووێنهیهكێ ژێ چێ دكهن.. وهكى وان دڤێت..
سهلوایێ گۆت:
ــ بۆچى ئهو وه دكهن؟
ــ ئهڤه ڕێكهكه ژ ڕێكێت وان بۆ وێرانكرنا ژیانا خهلكى ونههێلانا وان، عهزابدانا لهشى ڕێكهكه.. پرت پرتكرنا گیانى ڕێكهكا پیستره.. چاندنا گومانێ د ناڤبهرا مرۆڤان دا پهیوهندیێت مرۆڤینیێ لاواز دكهت وباوهریێ ژ دلان دكێشت.. و ب ڤێ چهندێ ئهو دێ شێن دهستێ خۆ داننه سهر ستویێ خهلكى.
ئاخینكهك هاته سهلوایێ وگۆت:
ــ وهیلا ل منێ! خودێ، ئهز چ بكهم؟
نهبیلایێ ب موكمى ڤه گۆتێ:
ــ خۆ ل بهر بگره..
ــ خۆ ل بهر بگرم؟ چ نهمایه ئهز دێ كهڤم..
ــ ئهو نهشێن چو ل ته بكهن.
ــ نهكو جارهكا دى ئهو من بگرن.
ــ ما ته نهگۆت: گرتن ژ ڤى حالى خۆشتره؟
ــ بهلێ ئهز وه دبێژم.. بهلێ صابر، خوزى وان ئــهو هێلابا د گهل من..
نهبیلایێ سهرێ خۆ هژاند.. ددانێت خۆ ل سهرێك شداندن وگۆت:
ــ صهنه..
ــ ما بهایێ خهبهران چیه؟ ئهو كورسیكێت وان ناهژینن.
ــ ڕاسته..
سهلوایێ سهرێ خۆ ب نك عهسمانى ڤه بلند كر وگۆت:
ــ مه ژبلى وى كهس نینه.
نهبیلایێ هێدى گۆت:
ــ ئهز گۆرى خودێ بم!
دهمهكى بێ دهنگ بوون پاشى نهبیلایێ گۆت:
ــ نه دویره ئێدى ئهز ته نهبینم حهتا دهمهكێ درێژ.. تو ههر دێ ل بیرا من بى، خودێ دزانت من نهدڤیا ژ ته دویر بكهڤم.. بهلێ بلا ته باوهرى ههبت كو ل دهمهكێ زوى ئهم دێ ب سهركهڤین، هندى ئهزا ساخ بم ئهز دێ پشتهڤانا ته بم، ئهڤه سۆزه..
سهلوایێ دهستێ نهبیلایێ گرت وماچى كر وگۆت:
ــ دێ كیڤه چى؟ خودێ دزانت ههر ژ ڕۆژا ئێكێ وهره دهمێ من تو ل زیندانا تارى دیتى من گهلهك حهز ژ ته كر..
نهبیلایێ ئهو دا بهر سنگێ خۆ وڕۆندك ژ چاڤێت وێ بارین وگۆت:
ــ ل دهمێ وێ دێ زانى.. دویركهفتنا لهشان چو بها نینه مادهم رح دنێزیكى ئێكن.. پشتى هنگى ژى، ژ مالى نهترسه، ئهز دێ ههمى تشتان بۆ ته ب سهروبهر كهم.
نهبیلا كهفته هزرا، بهرێ وێ ما ل بلندیێ وگۆت:
ــ ههر ڕۆژهكێ تو دێ گههیه زهلامێ خۆ.. شرینیا دیتنێ تهعلیا دویراتیێ دێ ژ بیرا ته بهت، ئهو بهس دێ مینت بیرهاتن.. داستانا خهباتا شهریف دێ بته سترانهك ل سهر دهڤێ ههوه ههردووان..
جارهكا دى نهبیلا كهفته هزران ومالكهكا شعرێ د گهل خۆ خواند، پاشى گۆت:
ــ ئهز خودانێ ڤێ شعرێ نانیاسم.. ئهو شاعرهكێ نیاس نینه، بهلێ پهیڤێت وى خۆ ل نیڤا دلێ من ددهن، بێ گومان وى ژى تهعلیا ئێشا ونهخۆشیا زولم وۆرداریێ یا دیتى..
سهلوایێ ڕۆندكێت خۆ زوها كرن وگۆت:
ــ ژیان یا شرین وجوان بوو، ئهم دكهیفخۆش بووین، مـه ب كرنا نڤێژان شوكرا خودێ دكر.. مه یارى دكرن ودخوار وخهون ددیـتـن.. ل ڕۆژهكا تارى ونهپـیـرۆز چرا ڤهمرى.. هڕهبایهكێ شێت یارى بۆ خۆ ب وى چرایى كرن.. لهو ئهم كهفتینه د بن نهخۆشیان ڤه..
نهبلایێ گۆت:
ــ شهیتان ئهڤینێ دسۆژن..
ــ بۆچى؟
ــ چونكى ئهو شهیتانن.
ــ ئهڤه حهرامه..
نهبیلایێ گۆت:
ــ ئهگهر ئهو بشێن چرایى ڤهمرینن ژى، چو جاران ئهو نهشێن ڕۆژێ ڕهش بكهن..
نهبیلایێ چانتێ خۆ هلگرت، پاشى سهلوا دا بهر سنگێ خۆ و ب كزگریۆك ڤه گۆتێ:
ــ ب خاترا ته..
پاشى صابرێ نڤستى ماچى كر و ب لهز دهركهفت..
* * *
ل جادا درێژ وتژى برك وجۆك ئهو چوو، ڕۆناهیا گولۆپێت كارهبێ یا كێم بوو ونێزیك بوو بمرت، هندهك گولۆپان چو تێ نهمابوو وكۆره بووبوون، پهنجهركێت خانیان دگرتى بوون، ڕۆناهى ب زهحمهت دشیا تێڕا دهركهڤت، عهسمان ل هنداڤى وێ وهكى دهشتهكا درێژ بوو ڕهشه عهوران گرتبوو، ژ دویر ڤه دهنگێ رادیۆیێ هاتێ، هندهك پهیڤێت مێرینى وچهلهنگیێ یێن ڤالا دخواندن، ژیان یا تژى درهو ونهخۆشى بووى، د گهل هندێ ئهو ئهڤیندارا ڤى وهلاتیه.. ئهو حهز ژێ دكهت د سهر وێ ههڤڕكیا بهردهوام وزۆرداریا دژوار ڕا ئهوا لێ چێ دبت، حهز ژ خهما وى یا ب تــۆره دكــر ئـهوا خۆ ب بێنفرههیێ ڤه دگرت، حهز ژ بهرگریا وى یا بێ دهنگ دكر ئهوا هێشتا نهپهقى، ل دویر ئهو مزگینیا سپێدهیهكا پاك دبینت، منارهیێت بلند ونهمر ناڤێ خودێ ژێ ڕادبوو، ههمى تشت دێ چن، ب تنێ خودایێ مهرد دێ مینت یێ نه چو جاران دمرت ونه دشكێت، پا مرۆڤـ یێ بێ فامه، ئهو دندكهكا بچویكه ل ڤێ جیهانا بهرفرههــ وبێ دویماهى.. ودندك چهند بكهت ما دێ شێت چ كهت؟ ما دێ شێت ب ملیوونان ستێرێن ب ملیوونان سالان ژێ دویر ب سهرێك دا ئینته خوار؟ عهطوه ویێت وهكى وى تفهكه شهیتانهكێ نساخ د ڕویێ مرۆڤینیێ وهركرى..
بێى وێ قێڕیهك ژێ بلند بوو:
ــ نهمینت تارى..
هشێت وێ هاتنه سهرى، مرۆڤهكێ كۆره یێ ب گۆپال دیت، ئهوێ كۆره ڕاوهستیا و ب نك وێ ڤه بهرێ خۆ دا وگۆت:
ــ ئهرێ خۆنیشادانه؟
وێ بهرێ خۆ دایێ، نێزیك بوو ئهو بكهفته د بركا ئاڤا پیس دا، وێ خۆ نێزیكى وى كر، ودهستێ وى گرت وبهرێ وى دا ڕێكا پاقژ، كۆره لێ خوڕى:
ــ تو كى یى؟
وێ ب كورتى گۆتێ:
ــ ئهز ههژارهكم..
سهرێ خۆ هژاند وگۆت:
ــ خودێ نامویسا ته ستاره بكهت، كچا من..
پاش بۆ ئحم ئحما وى وگۆت:
ــ وێ گۆت:
گهلهك یێت ههین.. د گرتیخانهیان ڤه.
ــ گرتیخانه خۆشتره.. ههچكو مرۆڤـ خوارن وڤهخوارن ونڤستنێ لێ دبینت..
نهبیلایێ ئاخفتنا وى بڕى وگۆت:
ــ وئحتیماله لێ بێته كوشتن ژى..
ــ ژیانا مه ژى وهكى مرنێ یه.
وێ گۆتێ:
ــ تو چاوا دژى؟
ــ ئهز قورئانێ ل سهر گۆڕان دخوینم، هندهك جاران ژى ئهز خواستنێ دكهم.. وێ چانتێ خۆ ڤهكر، هندهك پاره دهرێخستن وكرنه د دهستان دا وگۆت:
ــ هانێ بگره..
دهست هاڤێتێ و ب حێبهتى ڤه گۆت:
ــ ئهڤه چیه؟ جونهیهه؟
بهرسڤا وى نهدا، وى پاره ب نك لێڤێت خۆ ڤه بر وماچى كر وگۆت:
ــ ئهڤه كرامهته، بێ گومان تو ملیاكهتى ژ عهسمانى هاتى.. خهلك دبێژنه من: تو خودان كرامهتى، مسۆگهر تو ملیاكهتى.. ب دههان عهرزوحال من بۆ سهرۆكى وبۆ وهزارهتا كاروبارێت كۆمهلایهتى وئهوقافێ یێت هنارتین بهلێ دبێ فایده بوون..
پاشى ب دهنگهكێ بلند گۆت:
ــ یێ زێندیه ونامرت.
و ب ڕێكا خۆ چوو وهندهك شعرێن صووفیان خواندن.. ڕۆندكێت وێ بارین وگاڤێت خۆ ب لهز هاڤێتن، كانێ ئهڤ شعره وكانێ شعرێت نزارى وشاعرێن دى یێت مهزن؟ شعرێت وان وهكى وێ سۆراڤـ وسپیاڤێنه یا پیرهژن د خۆ ددهن وخۆ پێ جحێل دكهن.. ئهرێ تو بێژى كێ ئهڤ شعره گۆت بت؟ ئهو ژى شاعرهكێ نهنیاسه.. كێم كێم ل بهر وێ.. یا ل سهر وێ ئهو ئهو تهكسیهكێ بۆ خۆ بگرت دا پێ بگههته دختۆر ســالــمــى هێشتا وى عیاده نهگرتى، دڤـێــت خــاتــرا خـــــۆ ژێ بــخـــوازت وســوپــاســیـا وى بكهت سهرا هاریكاریا وى، ل دهمهكێ كورت ئهو شیا بگههته وێرێ.. ب سهر دهرهجان كهفت، دلێ وێ خۆ دقوتا.. بۆچى دلێ وێ ل ڤان ڕۆژان هنده خۆ دقوتت؟ زهنگل لێدا، بهردهسكێ دختۆرى ب خاڤى ڤه هاته بهراهیێ، وێ گۆت:
ــ دختۆر چوویه ڤه؟
ئهو ما تێ فوكرى.. یێ ب خهم بوو، نهئاخفت، دا بێژى بهستیێ ئهوێ گرتى، ب ترس ڤه لێ خوڕى:
ــ باخڤه..
ب هشكى ڤه گۆت:
ــ نه یێ حازره..
ــ ئهو ل كیڤهیه؟
ــ ئهز نزانم..
حهفكا وى گرت، ولێ خوڕى:
ــ دڤێت ئهز بزانم.
ــ بهلا خۆ ژ من ڤهكه.. مالا من وێران نهكه..
ــ مهخسهدا ته چیه؟
ــ یێ برى.. نساخهك چارهسهر دكر.. ئهو ب نساخ ڤه بر.
ــ گرت؟
سهرێ خۆ هژاند وگۆت:
ــ وهكى برایێ وى گرتى.
ڕۆندك د چاڤان دا هشك بوون، پێستركێ گرت، بهردهسكى گۆتێ:
ــ ههڕه هێشتا كهسێ تو نهدیتى..
ب بێنتهنگى ڤه گۆت:
ــ وتو! دێ چ كهى؟
ــ نزا.. رزقێ من وعهیالێ من ژى خهما خودێ..
پێنج جونهیه ژ چانتهى دهرێخستن وكرنه د دهستان دا، ب لهز ب دهرهجان دا هته خوار.. بهرێ خۆ دا لایێ خۆ یێ چهپێ وڕاستێ، گههشته جادێ، ل پشت خۆ زهلامهك دیت ساكۆیهكێ خولیكى دبهر بوو، دهستێ وێ گرت وگۆتێ:
ــ ناسنامهیا خۆ..
وێ ئهو هێدى ئینادهر ودا ڤێ.. هندهك تشت ژێ نڤێسین ل سه پهرهكى، وێ پسیار ژێ كر:
ــ ئهڤه بۆچى؟
ــ ته چ دكر ل عیادێ؟
ــ وهكى ههر نساخهكى..
ــ بهردهسكى چ گۆته ته؟
ــ گۆت: دختۆر یێ ب شۆله.. یێ چوویه سهفهرهكێ وئهو نزانت كانێ كهنگى ئهو دێ زڤڕت.. ئهڤه خهمساریهكا زێدهیه، چاوا دختۆر دچته سهفهرێ بێى بێژته نساخێت خۆ ووان بهێلت مهحتل..
زهلام گڕنژى وگۆت:
ــ باژێڕ یێ تژى دختۆره..
ــ ئهڤه ڕاسته سوپاس..
ب لهز خۆ هاڤێت، عهرد ل بن پیێت وێ ب ترس دهژیا، مارێت ڤێرێ ژ جینهكێ عنتیكهنه، ل زڤستانان خۆ ناڤهشێرن، ههمى دهمێت سالێ دگهڕیێن.. سلاڤـ كره مرۆڤێت خۆ، پاشى چوو مهزهلكا خۆ یا نڤستنێ ودهرگههــ ل خۆ گرت..
دهیكێ خۆ ب نك سۆبێ ڤه خشاند وگۆت:
ــ ههى ژارێ نهبیلا.. ئهز نزانم چ ب سهرێ وێ هاتیه..
بابێ ب خهم ڤه گۆت:
ــ ڤان ڕۆژان ئهو هندهك تشتێت غهریب یا دكهت..
بێنهكێ ما پاشى گۆت:
ــ كى دزانت بهلكى پشتى شویكرنێ باشتر لێ بێت..
دهیكا وێ ب پشت ڕاستى ڤه گۆت:
ــ من نهباوهره.. كچا منه وئهز وێ باش دنیاسم.. ئهڤـ شویكرنه بوو ستریا بنێ پێ مه.. خودێ تو مه ستاره كهى..
بابێ وێ ب عێجزى ڤه گۆت:
ــ مــا وێ چ ددى دڤـــێـــت؟ عـــهگــوهى كــارهكێ مهزن یێ د دهستان دا ههى.. مال.. ساخلهمى.. دێ بێژى گایه..
نهبیلا بهرى بنڤت تشتێت خۆ لێكدان.. قورئانا خۆ یا بچویك ژى ئهوا دختۆر سالمى بۆ وێ كریه دیارى ژ بیر نهكر، بیرا وێ ل سالمى هات ئهو دێمێ تژى باوهرى وگڕنژین، هزرێت وێ كویر بر.. هزرێت وى كرن، ئهرێ نوكه ئهو ل كیڤهیه وئهو چ ل وى دكهن؟ دیمهنێ كرێت هاتهبهر چاڤان.. قامچى، عهرووسه، خوین، قێژى، پسیاركهر.. ئهرێ تو بێژى ل ناڤـ دیمهنێ تژى كهرب ونهڤیان گڕنژینا وى ڤهمرت؟
دێمێ خۆ دانا سهر بالیفكێ وبۆ زارزارا وێ گرى وگۆت:
ــ ئهى خودێ ئهڤه گهلهكه!! بۆچى تو زۆریێ وزۆرداران ناسوژى.. مانێ ئهڤه ل بهر ته نه یا ب زهحمهته تو یێ قاهر وقادرى..
ل سهعهت چارى سپێدێ ژ نڤینان دهركهفت بێى خهو چاڤێت وێ ببینت، دهسنڤێژ شویشت ونڤێژا سپێدێ كر، پاشى ب سڤكى وهێدى چوو، دهرگهه ڤهكر، و ل هیڤیا تهكسیێ ڕاوهستیا، سهرمایێ وههواى پیێت مرۆڤى بهستى دكرن.. ئهو یا پشت ڕاست بوو وپێ دحهسیا كو خودێ وێ شهرمزار ناكهت، ژ بیر كر خاترا خۆ ژ دهیباب ومرۆڤێت خۆ بخوازت.. چو نینه، مانێ ئهو ههر یێت د دلێ وێ دا، ووێ كاغهزهك بۆ وان ل پاش خۆ هێلایه، ههر وهسا ئێك بۆ عــهطــوهى ژى ســــهردارێ گرتیخانهیێ.. وهكى خهونێ دهم د سهر وێ ڕا بۆرى.. چوونا بۆ بۆ فرۆكهخانهیێ، بۆرینا وێ د دهرگههێ پاسپۆرتان ڕا.. چاڤێت ئهفسهران ئهوێت وهغهركهران تێكڤه ددهن وباش د پاسپۆرتێت وان دفوكرن.. تهفتێش.. ڕوینشتن ل سهر كورسیكا فرۆكهیێ.. دهم گران وهێدى ب ڕێڤه دچوو.. دهقیقهك دا بێژى سالهكه، وێ باوهر نهدكر دێ فرۆكه وێ بلند كهته بهر عهسمانى.. دویماهیێ ژڤانێ فڕینێ هات.. پهڕ زڤڕین.. د پهنجهركێ ڕا بهرێ خۆ دا.. ئاڤاهیێت بلند تاڤا ڕۆژێ لێ ددا.. دا بێژى ئهو خانیێت یاریانه.. جاده وهكى دهزیێت ڕهش وزراڤـ بوون.. باش گوهێ وێ ل گازیكهرى نهبوو دهمێ ب مایكرفوونێ هیڤیا خێرێ بۆ وهغهركهران كرى، ودهمێ شیرهتێت كهڤن دوباره كرین كو جگاران نهكێشن وقائیشێت خۆ بشدینن..
فڕۆكه كهفته د ناڤـ عهوران دا.. ب ڕهنگهكێ غهریب وێ بێنا خۆ هلكێشا، ب كــهیــفــهكـا وهسـا حهسیا یا چو جاران د ژینا خۆ دا نهدیتى.. تهیركێ گرتى ژ ركهها خۆ دهركهفت وبهر ب بلندیێت شرین ڤه چووى وئازاد بووى.. ب خافلهتى ڤه ڕۆناهیێ هلدا لهش وگیانێ وێ تژى كر.. چاڤێت وێ كهفتنه د ناڤـ ڕۆناهیا خودینیێ دا..
تشتێ خۆشیا وێ تهعل دكر ب تنێ دیمهنێ سهلوایێ بوو، ل وێ مالا غهمگین د گهل صابرى ئهوێ ل بهر سنگى.. ودیمهنێ سالمى ب كراسێ وى یێ سپى ڤه وئهو پنیێت ســۆر یــێـت كهفتینێ ژ بهر خوینا پاك.. وعهطوهیێ حهیوان د نــاڤـ صـــهیــان دا وقـــامـچـى د دهستان دا.. ئهڤ كابویسێ ب ترس ئهوێ ب دویڤ وێ ڤه خۆ ل بهر عهسمانى ژى د ناڤ عهوران دا، و ل سهر پهڕێت ڤیانا مهزن ئهوا بهر ب بلندیێت بهرفرههـــ ڤه دچت..
