ڕاستیا ڤان شهڕكهران
و ب ڕێ ڤه.. دهمێ كاروانێ كچا موقهوقسى بهر ب ئهسكهندهریێ ڤه دچوو، بوو دهمێ نڤێژا نیڤرۆ، (قهیسى) وههڤالێن وى دهستویرى ژ وان خواست بیست خهبهرهكان ئهو خۆ گیرۆ بكهن، حهتا نڤێژا خۆ بكهن، ئهرمانۆسا وههڤالا وێ ماریا ژ وان وێڤهتر ڕوینشتن ومان بهرێ خۆ دانه ڤێ كۆما لهشكهرێ موسلمانان كانێ چاوا دێ نڤێژا خۆ كهن.. وگاڤا وان خۆ ب ڕێز كرى وبهرقیبله ڕاوهستاین وههمیان پێكڤه وب ئێك دهنگى گازى كرى: (الله أكبر)، ماریایێ بێى د ئاخفتنا وان بگههت، ههست كر ههر وهكى دلێ وێ ژ بهر گازیا وان ژ جهێ خۆ چوو، لهو وێ گۆته شهطایێ راهب:
- ئهڤه چ گۆتن بوو وان گۆتى؟
- ئهڤه گۆتنهكه ئهو نڤێژا خۆ پێ دهست پێ دكهن، بهلێ ئهو گۆتنهكه دێ بێژى ئهو زهمانى پێ دئاخێڤن، ودبێژنێ: خۆ بده لایهكى، نوكه ئهم یێن د دهمهكى دا نه ژ دهمێ تهیه، وان ب ڤێ گۆتنێ دڤێت دبێژنه ههر تشتهكێ د دنیایێ دا ههى: خۆ ژ بـهر چـاڤـێـن مـه بـدهنــه پـاش، چونكى هوین وههر تشتهكێ ههى ژ بلى خودێ ل نك مه چو نینه، ژ بهر كو (یێ مهزنتر بهس خودێیه)، ودهمێ وان دڤێت ئهو پشت بدهنه دهمى، ودنیایێ ژ دلێن خۆ بشۆن، و ل دیوانا خودێ ئاماده ببن، ئهو ڤێ گۆتنێ دبێژن.. بهرێ خۆ بدێ چ ل وان هات، دێ بێژى ئهڤێ گۆتنێ سـحـرهكـا ل وان كــرى، ئهو ل تشتهكى نازڤڕن، خۆشى وتهناهیهكا وهسا نوكه یا ب سهر دلێن وان دا هاتى ب پیڤهرێن عهردى نائێته پیڤان.. خوشووعا وان نوكه مهزنتره ژ خوشووعا مهزنترین فهیلهسووفى دهمێ دكهفته هزران..
ماریایێ گۆت:
- چهند تشتهكێ جوانه! فهیلهسووفان ب كتێب ڤه خۆ گهلهك وهستاند دا بهس بشێن ئێكا هند ژ خهلكێ دنیایێ چێ بكهن كو ئهو بشێن دهلیڤهیهكێ ل ژێر رهحما خودێ تهنا بژین، ونهشیان وێ چهندێ بكهن.. پاشى كهنیسه هات وڤیا ڤێ چـهنــدێ بكهت، بـهلێ ئهو ژى نهشیا؛ چونكى وێ بهرێ نڤێژكهران ژ وێ تهناهیا د جوانیێ وپیرۆزیا مهعنایا دینى دا ههى وهرگێڕا هندك نهخش ونیگارێن د وێنه وپهیكهر وڕهنگان دا ههین، وئهو وه تێ گههاندن كو ئهڤهیه ئهو جهووێ تهناهیێ ددهته رحێ.. ئهرێ كى دشێت كهنیسهیهكێ د گهل خۆ ل پشتا دهوارى بكهت؟
ئهرمانۆسایێ گۆت:
- بهلكى كهنیسه باغچهیهكێ تژى گول وجوانى بت، بـهلێ هــهر چــاوا بـت ئهو ل جهێ خۆ باغچهیه، و ل جهێ وێ ب تنێ مرۆڤ دشێت ڕامانێن وێ ژێ وهرگرت.. وئهڤه هندێ دگههینت كو كهنیسه ههما ههر چار دیوارێن خۆیه، بهلێ ئهڤ مرۆڤه چى جهێ بچنێ كهنیسا وان یا د گهل وان..
شهطایێ راهب ل ههردو ههڤالێن خۆ زڤڕى وگۆت:
- بهلێ ئهڤ مرۆڤێن هه.. ههر جارهكا دلێن خۆ بۆ دنیایێ ڤهكرن، وجوانیا وێ چاڤێن وان ڕهڤاندن، ئهڤ نڤێژا وان یا هوین دبینن ههر ئهڤ نڤێژه نابت، بــهلـكـى ب ڕابــوون وڕویـنـشـتـن وگـۆتـنـێـن خۆ ڤه ههر هۆسا بمینت، بهلێ ئهو ب مهعنا وڕامانێن خۆ ڤه دێ بته تشتهكێ دى..
ودهمێ ئهو گههشتینه ڤى جهى ژ سوحبهتا خۆ وان بهرێ خۆ دایێ قهیس وههڤالێن خۆ ژ نڤێژێ خلاس بوون، وبهر ب ههسپێن خۆ ڤه هات دا سویار ببن، وگاڤا قهیس گههشتیه نك وان، ماریایێ گۆته شهطایێ راهب:
- كانێ پسیارێ ژێ بكه وبێژێ: ئارمانجا ههوه ژ ڤى شهڕى چیه؟
ودهمێ قهیس د گۆتنا وێ گههشتى، گڕنژى وگۆتێ:
- د باوهریا مه دا مرۆڤێ خۆ ب موسلمان بنیاست، وباوهریێ ب ئیسلامێ بینت، كارێ وى د دنیایێ دا دێ ب جهئینانا پهیڤا خودێ بت، وئهو كهسێ ئارمانجهكا ب ڤى ڕهنگى ل بهرا خۆ بدانت، بهرێ وى ل هندێ نابت ئهو پشك وبارێن خۆ ل ڤێ دنیایێ وهرگرت، وشهڕ ب دیتنا مه ئهو هزرا چاككهره یا كارێ خۆ ل عهردى دكهت.
ماریایێ گۆته شهطایێ راهب:
- بێژێ: ئهو چاوا هزر دكهن؟ ئهرێ ئێكێ وهكى عهمرى ب ڤێ هژمارا كێم ڤه یا لهشكهران دێ شێت خۆ ل بهر لهشكهرێ ڕۆمێ گرت یێ ژ بهر گهلهكیا وان كهس نهشێت بهژمێرت؟ وئهگهر عهمر نهما ئهو دێ شێن مهزنهكێ دى یێ وهكى وى داننه جهێ وى؟
وبـهرى شــهطا گــۆتـنـا وێ بۆ قهیسى ڤهگوهێزت، قهیسى ههسپێ خۆ هاژۆت و ژ وان دویر كهفت، ههر وهكى دڤیا بێژتێ: نوكه نه دهمێ هندێیه!!
