پێشەکی
خواندهڤانێن هێژا: ئـهڤ كـورتـه نـامـیـلكـهیـا ل ژێر دهست -وهكى مه ل سهر بهرگى ژى دایه نیاسین- هندهك ڕێنیشانێن پهروهردهیى یێن كورتن بۆ وى كهسى یێ بڤێت د ژیانا خۆ دا ببته مرۆڤهكێ سهركهفتى، بۆ گهنجێن مه یێن ئهڤرۆ -ژ كوڕ وكچان- پێشكێشن، یێن كو ژ نوى ڕێیا خۆ د ژینێ دا ڤهدوژێرن، وبهر ب پاشهڕۆژێ ڤه دچن، دا ئهو بۆ وان ببته چرایهك هندهكێ ژ ڕێكا وان یا درێژ گهش بكهت..
وئهڤ نامیلكه ژ چهند كۆتن وشیرهتێن كورت پێك دئێت، یێن هندهك خودانێن سهربۆڕ وسهرهاتییانه د ڤێ ژینێ دا، هندهك ژ وان بهر ل سهركهفتنێ بوو وكار ژى بۆ دكر بهلێ ژ بهر ههر ئهگهرهكا ههبت ئهو نهشیان وێ سهركهفتنێ ب دهست خۆ بێخن یا وان دڤیا، وهندهك ژى ئـهون یێن سـهركهفتن ب دهست خـۆ ڤـه ئینا، وگههشتینه پشكهكا مـهزن ژ وێ یا وان دڤیا د ڤێ ژیانێ دا، ومه ئهو ژ چهند ژێدهرهكێن جودا جودا وهرگرتینه، وهكى بۆ نموونه:
(تربویات على الطریق) ژ بهرههڤكرنا سهیدا (حامد بن عواض العلياني)، و(للأخوات فقط) ژ بهرههڤكرنا (أبو ریان)، ههر وهسا كتێبا (صید الخاطر) یا زانایێ مهزن ئیمام (ابن الجوزى)..
وگهلك ژ ڤان گۆتنێن هلبژارتى ب خودانن، وخودانێن وان دناڤدار وبهرنیاسن ژى، بــهلێ مــه نـهڤـیــا ناڤێن وان بینین چونكى ئارمانجا مه ل ڤێرێ ب تنێ ئهو (حكمهت) وڕێنیشانن یێن ژ گۆتنان دئێنه وهرگرتن.
هیڤییا مه ئهوه ئهڤ بابهته ببته جهێ سوود ومفایى بۆ ههر لایهكى، وخودێ هاریكار بت.
