پێشگوتن
حهمد وسوپاسى بۆ خودایێ ههمى عالهمێ بن، وصهلات وسهلام ل سهر سهروهرێ پێغهمبهران موحهممهدى بن، ئهوێ خودێ هنارتى دا بۆ مرۆڤان ههمییان ببته دهلیل وڕێبهر، و ل سهر بنهمال وههڤال ودویكهفتییێن وى..
ژ تشتێن فهره ل سهر خودان باوهران كو ئهو هژمارا چهق وتایێن باوهرییێ بزانن، دا هــهر ئــێــك ژ وان بـزانـت كانێ حهتا چ رادده باورییا وى یا تـمــام ودورســتــه، وههر ژ بهر ڤێ چهندێ د كــهڤــن دا زانایێن ئیسلامێ گـرنـگـى دایه ڤێ مهسهلێ وكتێب ل سهر داناینه، وئێك ژ ناڤدارترین كتێبێن ل دۆر ڤى بابهتى هاتینه نڤیسین كتێبا (شعب الإیمان)ه، ئهوا زانایێ مهزن ئیمام ئهبوو بهكر ئهحمهدێ كوڕێ حوسهینێ بهیههقى (ئهوێ ل سالا 458 مشهختى مرى) داناى، كو تێدا ل دویڤ وان حهیسێن پیرۆز چووى یێن پێغهمبهرى -سلاڤ لێ بن- تێدا بهحسێ چهق وتایێن باوهرییێ كرى، و ژ بهر گرنگییا ڤێ كتێبێ گهلهك زانایێن پشى وى خهم ژ كتێبا وى خوارییه، وئێك ژ وان زانایان ئهبولقاسم عومهرێ كهرخى بوو ئهوێ ل سالا (699) مشهختى مرى، دهمێ هاتى وئهڤ كتێبه كورتكرى، و ب تنێ چهق وتایێن باوهرییێ ئێك ئێكه هژمارین، وههر ئێكێ چهند دهلیلهكێن كورت ل سهر ئیناین، بۆ هندێ دا ههر كهسهك ب وان ئاگههدار بت، وبهرگهڕیانێ بكهت كو ل نك خۆ پهیدا بكهت..
و ژ بــهر مـفــایـێ ڤێ كتێبێ یێ مهزن، د گهل كورتییا وێ مه ڤیا ئهم ژى ژ لایێ خۆ ڤه وێ وهرگێڕینه سهر زمانێ كوردى، دا مفا ژێ بێته دیتن، هیڤییا مــه ژ خــودێ ئـــهوه ڤى كارى بۆ مه ب خێر بنڤیست، وبكهته د تهرازییا كارێن مه دا ل ئاخرهتێ، وخودێ خێرا ڤان ههردو زانایان ژى مهزن بكهت، وخودێ رهحمێ ب ههر ئێكى ببهت یێ د پشت مه ڕا دوعایا خێرێ بۆ مه بكهت.
و ل بهراهى ودویماهییێ حهمد بۆ خودێ بن.
