دا تێگههشتنا ته یا دورست بت
1 . باوهر نهكه كو پتریا خهلكى علم نهگههشتیێ، لهو دنهزانن، نهخێر! زانین وان یا ههى بهلێ پا تــهوفـیـق ب دهست گهلهك ژ وان نهكهفتیه، وئهگهر سێ منهت د گهل ته هاتنهكرن وته شوكرا وان كر، ئهو تهوفیقا مهزن بۆ ته هاتهدان: كو تو توخویبێن خودێ دهرباس نهكهى، وسۆزا خۆ د گهل وى ب جهـ بینى، ووهسا خودێ بنیاسى حهتا كو تو وى د ههر تشتهكى دا ببینى..
2. ئهگهر تو بشێى ل ته ببته سپێده وببته ئێڤار، بێى تو زولمێ ل كهسێ بكهى، ئهو سهعادهت ب رزقێ ته هاتهكرن، ژ خۆ ئهگهر تو بشێى زولمێ ل نهفسا خۆ ژى نهكهى، و د ناڤبهرا خۆ وخودێ دا خراب نهكهى، ئهو سهعادهتا ته ئێكجار تمام بوو، ڤێجا چاڤێن خۆ بنقینه، وگوهێن خۆ بگره.. وهشیارى وزولمێ به.
3. پێنج كراس ههنه ئهگهر خودێ ئهو كرنه بهر ته، تو د خهما چو تشتان نهبه ژ دنیایێ كو نهگههنه ته: كراسێ نیاسینێ، وئهوێ خودێ ب دورستى بنیاست، ههر تشتهكێ ههبت ژبلى وى دێ د چاڤان دا یێ كێم بت، وكراسێ تهوحیدێ، وئهوێ ب سهر تهوحیدا خودێ هل ببت چو تشتان بۆ وى ناكهته شریك، وكراسێ ڤیانێ، وئهوێ خودێ بڤێت هزرێ ژ تشتهكێ دى ناكهت ژبلى وى، وكراسێ باوهریێ، وئهوێ باوهریێ ب خودێ بینت دێ ژ ههر تشتهكى ئهمین بت، وكراسێ ئیسلامێ، وئــهوێ هـاتــه د ئیسلامێ دا وخـۆ ب دهست خودێ ڤه بهردا ب زهحمهت بێ ئهمریا وى بكهت، وئهگهر جارهكێ بێ ئهمریا وى كر ژى، ههر زوى پهشێمان دبت.
4. ئهگهر ته بڤێت ل قورئانخوینهكى بگهڕیێى دێ گهلهكان بینى، وئهگهر ته بڤێت ل زانایهكى بگهڕیێى علمێ شریعهتى نیشا ته بدهت تو گهلهك زهحمهتێ ب دیتنا وى ژى ڤه نابینی، بهلێ ئهگهر ته بڤێت ئێكى ببینى خودێ نیشا ته بدهت، وچاڤێن ته ل عهیبێن نهفسا ته ڤهكهت، دێ گهلهك زهحمهتێ بینى، عهبدللاهێ كوڕێ عومهرى دبێژت: پێغهمبهرى -سلاڤ لێ بن- گۆت: ( إِنَّمَا النَّاسُ كَالإِبِلِ الْمِئَةِ ، لا تَكَادُ تَجِدُ فِيهَا رَاحِلَةً ) مرۆڤ وهكى حێشتران نێزیكى د ناڤ سهد ژ وان دا تو پێڕهههكا باش د ناڤ دا نهبینى!
5. چهند نهفسا مرۆڤى ل نك وى یا بێ بهایه! بۆ خۆشیا سهعهتهكێ، یان فایدێ ڕۆژهكێ ئهو بهرێ وێ ددهته ههمى ژێلهلى وژۆردانیان، وئهگهر مهسهله بوو مهسهلا نعمهتا ئهبهدى ئهو پال ددهت، ودبێژت: جامێر، ما خونه ههواره!
6. ژ نیشانێن بێ عهقلیێنه مرۆڤ خهما وى تشتى بخۆت یێ نهزانت كانێ دێ چێ بت یان نه، بهلێ خهمێ ژ وى تشتى نهخۆت یێ سهدا سهد بزانت كو دێ چێ بت، وهكى وى یێ خۆ ژ رزقێ خۆ دترسینت، ودبێژت: نه كو پشتى هنده وهختێ دى ئهز فهقیر ببم! وخهمێ ژ مرنا خۆ نهخۆت، ونهبێژت: كانێ دا ئهز كارێ خۆ بۆ مرنێ بكهم.
7. ئهگهر چل سال ته ل پشت خۆ هێلان، شهڤ وڕۆژێن خۆ بكه ئێك، دا بگههى.. نهبێژه: دێ پال دهم وچى گاڤا من ڤیا پاشى دێ لهزێ كهم! نه.. چونكى دهلیڤهیا د دهست ته دا دمینت یا كێمه، وهێزا غاردانێ ژى ئهوا ته ل جحێلینیێ ههى نامینت!
8. مهزنهكێ دنیایێ ئهگهر خهلاتهكى بۆ ته بهنێرت، ڕۆژا د دویڤ دا سپێدێ زوى دێ چى خۆ ب بهر دهرازینكا مالا وى داداى، دا ڕێكێ ب دهته كو بچى سوپاسیا وى بكهى، ومهلكێ مهلكان چهند نعمهت د گهل ته كرینه، وته نهڤێت قهستا دهرگههێ وى بكهى؟ ئهگهر جارهكێ دلێ ته چوویێ بێ ئهمریا وى بكهى، ل عهردهكى بگهڕیێ نه یێ وى بت، بێ ئهمریا وى لێ بكه، وهێزێ بۆ خۆ ژ ئێكێ دى بخوازه دا بێ ئهمریا وى پێ بكهى، ما نه مخابن ئهوا ته ب چل سالان دانایه سهرێك ب ئێك نهفهسێ ههمیێ بههڕفینى؟
توركێ خوونڕێز وخومارى مه ب یهك غهمزهیهكێ
زوهـدێ چـل سـاله ل من زیر وزبهر كر ژ ئهساس
9 ئـهگـهر خــودێ د چاڤێن تـه دا هـنـد یێ مهزن بت، دهمێ ئهو ب تنێ ته دبینت تو بێ ئهمریا وى نهكهى، تو بزانه ئهو خودێ یــا ژ تـــه سـتـاندى، چونكى پێغهمبهر -سلاڤ لێ بن- دبێژت: ( مـن لم يكن له ورع يرده عن معصية الله إذا خلا بها، لـم يـعـبـأ الله بسائر عمله ) ههچیێ هند تهقوا نهبت كو وى ژ بێ ئهمریا خودێ بدهته پاش دهمێ ب تنێ دمینته د گهل، خودێ پویته ب كارێ وى یێ دى ههمیێ ناكهت.
10. ڕۆژا قیامهتێ مرۆڤ ژ تشتهكى شهرم ناكهت وهكى كو ژ وى دهرههمى شهرم دكهت یێ وى د بێ ئهمریا خودێ دا خهرج كرى، گاڤا دبێژنێ: كێ ئهو نعمهت د گهل ته كربوو، وته ئهو د بێ ئهمریا كێ دا خهرج كربوو؟
11. ئهگهر تو ههڤالینیا گونههكارى نهكهى و د پشت ڕا دوعایا هیدایهتێ بۆ بكهى، چێتره ژ هندێ كو تو ههڤالینیا وى بكهى، و د پشت ڕا بهحسێ وى بكهى.. یهعنى: حهتا ئهو گونهههكێ دكهت، تو دووان بكهى: ههڤالینیا وى وغهیبهتا وى!
