رەڤین بهر ب مهجهوولى ڤه
جارهكێ ژ وان جارێن ڤان پسیارێن نهخۆش هزرا صوههیبى دوهستاند وى پسیار ژ خۆ كر:
- ئهرێ حهتا كهنگى ئهز دێ ژینا خۆ ب ڤى ڕهنگى بۆرینم؟ زهلامهكێ پیس یێ رحا وى زلكهكى نهئینت، دلڕهق وهكى ڤى ئاسنێ ئهز دهاڤێمه د ناڤ ئاگرى دا، بهرههمێ خوها ئهنیا من بخوت، وئێڤارى پاریهكێ نانى ب منهت ڤه بهاڤێته بهر من، وهكى مرۆڤ پاریهكى دهاڤێته بهر صهیێ خۆ! و ب چ حهق؟ وبۆچى؟ ما خودێ هۆ گۆتیه؟ ئهز ژى وهكى مرۆڤهكێ ئازاد بووم، دژواریا زهمانى بێى من ئهز ئێخستمه داڤێت عهبدینیێ، ونوكه پشتى ئهز بوویمه زهلام دڤێت ئهز ب زهند وباسكێن خۆ ئازادیا خۆ بزڤڕینم.. ئهگهر وى ئهز ب پاره كڕیبم، ئهڤه هنده ساله ئهز بۆ وى شۆل دكهم حهقێ وى یێ دهركهفتى وزێدهتر ژى.. بلا بهس بت، خونه ئهز یێ گرتى نینم بمینمه د لهپێن وى دا، ئهز دێ ڕهڤم!!
ودهمێ هزرا ڕهڤینێ هاتیه د سهرێ وى دا، وى د گهل خۆ گۆت:
- ئهز د زانم ئهڤه كارهكێ ب ساناهى نینه، ونهقفۆر دێ بنێن هاونان كون كهت دا من بزڤڕینت، وقانوون یا ل پشتا وى، لهو دڤێت ئهز خۆ ب جههكى ڕا بگههینم دهستێن وى یێن ڕهش نهگههنێ.. بهلێ كیڤه بچم؟
دهاته بیرا وى دهمێ ئهو زارۆك بابێ وى دگۆت: ئهم د هێڤێنێ خۆ دا دگههینه (نهمرێ كوڕێ قاسطێ یهمهنى) باپیرێ مه ل زهمانهكێ بۆرى ژ وێرێ هاتبوو قهستا عیراقێ كربوو، مهعنا ئهو د ئهصلێ خۆ دا عهرهبه، ووهلاتێ عهرهبان یێ دویره ژ ڤێرێ، نه دهستێ سهییدێ وى دگههتێ، ونه ههڤڕكیا ڕۆمێ وفورسێ كارى لێ دكهت.. ئهرێ بۆچى ئهو ناچته وێرێ؟
وپشتى قهناعهت بۆ وى ب ڤێ هزرێ چێبووى، وى زانى كو ب جهئینانا ڤێ هزرێ بهرههڤیهكا باش پێ دڤێت، ل سهرى دڤێت وى هند مال ههبت بشێت خۆ پێ بگههینته جههكى، حهتا ئهو ل وێرێ كارهكى بۆ خۆ دبینت، پشتى هنگى وهلاتێ عهرهبان -وهكى وى گوهـ لێ بووى- جههكێ ب زهحمهته، صهحرایهكا بهرفرههـ وئاسێیه، مرۆڤ ئهگهر یێ شارهزا نهبت، دێ لێ ئێته داعویران!! لهو دڤێت ئـهو پـسـیارا هندهك ههڤالێن باوهرێ ویێن شارهزا بۆ خۆ بكهت، حهتا وى د گهل خۆ ببهن..
ودویر ژ چاڤ وگوهێن سهییدێ خۆ، وى ل بازارێ پسیارا وان كاروانیان كر یێن كو ژ وهلاتێ شامێ دئێن، كهنگى دئێن؟ كهنگى دزڤڕن؟ جهێ وان ل كیڤهیه؟ وپشتى وى تێرا خۆ زانین وپاره ژى كۆمكرین، ڕۆژهكێ سهییدێ وى دلڕهق وزڤر هاته دكانێ دیت صوههیب ل وێرێ نینه، هزركر ئهو ب كارهكى یێ دهركهفتى، دهمهكى خۆ لێ گرت، وپشتى بێنا وى تهنگ بووى، ڕابووڤه.. وچوو ل وان جهان گهڕیا یێن وى هزر كرى كو بهلكى ئهو چووبتێ، بهلێ فایده نهكر..
و.. ئێدى وى صوههیب نهدیت، ونهزانى ئهو ب چ سهر وشوین دا چوویه!!
ل وى دهمى صوههیب د گهل كاروانهكى ژۆردا بهر ب وهلاتێ شامێ ڤه دچوو؛ دا پشتى هنگى ژ وێرێ ژى بهر ب وهلاتێ عهرهبان ڤه بچت..
