تەبەقێن جەهنەمێ
جەهنەم هەمی ئێك تەبەقە نینە، و گەرماتی و نەخوشییا وێ ل هەمی جهان ژی هندی ئێك نینە، خودایێ مەزن د قورئانێ دا دبێژت : (أَفَمَنْ اتَّبَعَ رِضْوَانَ اللَّهِ كَمَنْ بَاءَ بِسَخَطٍ مِنْ اللهِ وَمَأْواهُ جَهَنَّمُ وَبِئْسَ الْمَصِيرُ . هُمْ دَرَجَاتٌ عِنْدَ اللّهِ وَاللّهُ بَصِيرٌ بِمَا يَعْمَلُونَ) ئهوێ مهخسهدا وى ڕازيبوونا خودێ بت وهكى وى نابت يێ ههر گونههان دكهت، وخودايێ خۆ عێجز بكهت، ڤێجا ژ بهر وێ چهندێ خۆ هێژاى ئاكنجيبوونا ل جههنهمێ بكهت، وئهو چ نهخۆش جهێ لێ زڤڕينییه! .خهلكێ بهحهشتێ وخهلكێ جههنهمێ دهرهجێن وان د وهكى يهك نينن. وخودێ ب كريارێن وان يێ بينهره چو ل وى بهرزه نابت.(آل عمران 162-163)
ژ ڤێ ئایەتێ ، و ژوان حەدیسان یێن کو بەحسێ حالێ جەهنەمییان دکەت ، و رەنگ و جوینێن وان بەرچاڤ دکەت، و گەلەك ژوان ئەگەر خودێ حەز بکەت پشتی دەمەکێ دی دێ ڤەگوهێزین، بو مە ئاشکەرا دبت کو جەهنەم گەلەك تەبەقن ، و تەبەقێن وێ دژوردا دچنە خوارێ ، و عەزابا خەلکێ هەر تەبەقەکێ یا جودایە ژ عەزابا خەلکێ تەبەقا دی ، ل دویڤ رەنگێ وان گونەهــ و تاوانێن وان کرین.
