(15)
رهمهزان ب نیڤى بوو..مه چ كر؟
دبت هندهك جاران هندهك ژ مه چارهسهركرنا كێم وكاسێن خۆ، ولێڤهبوونا ژ خهلهتیێن خۆ، بۆ رهمهزانێ پاش بێخن، حهتا مرۆڤێن خودان هیممهت ژى هندهك جاران دكهنه دلێ خۆ كو ئهو ل رهمهزانێ كارێ خۆ زێدهتر لێ بكهن.
یازده ههیڤان مرۆڤ دهمێ خۆ د سستى وموژیلیان دا دبۆرینت، وچارهكرنا غهفلهتا یازده ههیڤان كارهكێ ب ساناهى نینه، دبت عهیبهكا بچویك یان خهلهلهك د باوهریا مرۆڤى دا پهیدا ببت، بهلێ ئهگهر خودانى دهمهكێ درێژ پشت دا وێ عهیبێ یان خهلهلێ، وهزرا نههێلانا وى نهكره د سهرێ خۆ دا، ئهو عهیب وهكى پهنجهشێرێ تـهڤـنـێ خـۆ یـێ ب مهترسى دێ بهردهته ناڤ باوهریێ، وهنگى ڕادوهستت حهتا ل دۆر ورهخێن خۆ ههمیێ بهلاڤ دبت، وهێدى هێدى وهندهك جاران ژى ب لهز زهحفێ دكهت وپهنجێن خۆ دگههینته دلى، وئهگهر هات وئهو گههشته دلى هنگى ئهو ئنقیلابهكا سهرانسهرى د لهشێ باوهریێ دا دێ كهت، وخودان هـنـد دێ بینت ئـهو عـهیـبـا بـچـویـك یا بوویه كولكهكا ئێشهوى یا مهزن و ب مهترسى یا كو چارهسهریا تهقلیدى، و ب كارئینانا (موسهكان) چو مفایى نهگههینتێ.. هنگى ڕاكرنهكا ب لهز وبنبڕ بۆ وێ كولكێ ڕێكا ئێكانهیه بۆ چارهسهریا وى حالهتێ خهطهر یێ باوهرى كهفتیێ.
ورهمهزان ب هاتنا خۆ، و ب وێ هممهتا مهزن یا ئهو ل نك مرۆڤى پهیدا دكهت، ووى (جــهووێ ئیمانى) یــێ ئـهو وى ڤهدگوهێزتێ، ئهگهر ب دورستى هاته (ئستغلالكرن) دشێت ب وێ چارهسهریا بنبڕ ڕاببت، وئیمانێ ژ وێ سست وخاڤیێ بپارێزت یا كو یازده ههیڤان تووش بوویێ، بهلێ ئهڤ چارهسهریه سێ پێگاڤێن ل دویڤ ئێك دخوازت:
پێنگاڤا ئێكێ: هیممهتهكا بلند یا گۆتنێ بكهته كریار:
د ناڤ مرۆڤان دا هندهك كهس ههنه هیممهتهكا بلندا ههى، وچو تشت ل بهر ئاسێ نابت، د مهسهلا ئیمانێ دا دڤێت ئهم ههمى ئهو مرۆڤ بین، بوخاى وموسلم ژ ئهبوو هورهیرهى ڤهدگوهێزن، دبێژت: جارهكێ ئهم ل نك پێغهمبهرى -سلاڤ لێ بن- دڕویـنـشـتـى بووین، وسهلمانێ فـارســى ژى د گهل مه بوو، ئینا پێغهمبهرى -سلاڤ لێ بن- دهستێ خۆ دانا سهر سهلمانى وگۆت: ( لو كان الْإِيمَانُ عِنْدَ الثُّرَيَّا لَنَالَهُ رِجَالٌ من هَؤُلَاءِ)ئهگهر باوهرى ب عهسمانى ڤه بت، هندهك زهلام ژ ڤان دێ خۆ گههیننێ. مهعنا وان هیممهتهكا وهسا یا بلند ههى ئهو بێ هیڤى نابن، وهنگى دێ ڕاوهست خۆ بگههیننه ئارمانجێ ئهگهر چهند یا بلند ودویر دهست ژى بت.
بهلێ دڤێت ئهم ژ بیر نهكهین كو هیممهتا بلند نه گۆتنهكه ههما مرۆڤ بهس ب دهڤى بێژت، یان خوزیهكه مرۆڤ د گهل ئاخینكان ڕاهێلت، هیممهتێ كار پێ دڤێت، وكهسێ ب ڕوینشتنێ وڕاهێلانا خوزیان هیڤیا خۆ ب دهست خۆ نهئێخستیه.. بهرى رهمهزان بێت ته دگۆت: ئهگهر بوو رهمهزان دێ هۆ كهم وهۆ كهم!! ئهڤه ئهو ب نیڤى ژى بوو، ونێزیكه خلاس ببت، ئهرێ ته ئهو كر یا ته دگۆت؟
ئهنهسێ كوڕێ نهضرى ل شهڕێ بهدرێ حازر نهبووبوو، لهو دگۆت: بهس خودێ من بگههینته شهڕهكێ دى ئهو دێ بینت كانێ ئهز دێ چ كهم! پاشى گههشته شهڕێ ئوحودێ.. وى چ كر؟ گۆتنا خۆ كره كریار، گاڤا بهرێخۆ داینه جهنازێن شههیدان، هند برین كهفتبوونه لهشێ وى كهسێ ئهو نهنیاسى، حهتا خویشكا وى ئهو ب نیشانهكێ نیاسى!!
ئهرێ چهند ژ مه -وهكى ئهنهسى- گۆتنا خۆ كریه كریار؟ وچهندان هیڤیا خۆ هێلایه گۆتن؟
پێگاڤا دووێ: بهنجكرن یا ژ خۆیه:
دهمێ تو دكهیه دلێ خۆ كو ل رهمهزانێ خۆ بگوهۆڕى، وببیه خودان هیممهتهكا بلند، وتو دگههیه رهمهزانێ هشیار بى بهنجكرنێ ب كار نهئینه، وبهلكى هوین پسیار بكهن: بهنجكرن چیه؟
نهفسا نزم دهمێ دڤێت خودانێ خۆ بخاپینت، نابێژتێ: فلان كارێ باش نهكه، وفلان هیڤیا مهزن نهكه كریار.. نهخێر! بهلكى ئهو ڕهنگهكێ بهنجكرنێ -بۆ خاپاندنێ- د گهل خودانێ خۆ ب كار دئینت، دبێژتێ: ما چ دهعوه تو دارێ هنده د بنى ڕا دگرى؟ پیچ پیچه ههڕه كارى، باشیێ بكه بلا.. بهس هێدى هێدى، و ب ڤى ڕهنگى ئهو دێ وى سست كهت، ل سهرێ رهمهزانێ دێ بێژتێ: هێشتا مهجالێ ماى، ل نیڤێ دێ بێژتێ: ل دههێن دویماهیێ، ل دههێن دویماهیێ دێ بێژتێ: ل (لیلة القدر)!! وئهو دێ هند بینت رهمهزان خلاس، وئهو ئنیهتا وى كریه دلێ خۆ كو خۆ بگوهۆڕت هێشتا هیڤیهكه د دلى دا، وگۆتنهكه ل سهر ئهزمانى.. ونهدویره گاڤا رهمهزان خلاس بوو ژى بێژیت: دێ بلا بۆ رهمهزانهكا دى بت!
ههر وهكى وى كهفالهت ژ مرنێ وهرگرتى خۆ حهتا رهمهزانهكا دى خۆ لێ بگرت.
ئهڤ باشیه بلا بۆ سوباهى بت، كرنا ڤى عیبادهتێ سوننهت، یان دانا فلان خێرێ بلا بۆ دویماهیا ههیڤێ بت، كرنا (تهههجودان) بلا بۆ شهڤهكا دى بت.. وههر گۆتنهكا هۆسا بت، ئهو بهنجه یا مرۆڤ خۆ پێ ژ بیر ڤه دبهت، هشیار بى خۆ ژێ بده پاش.
پێگاڤا سیێ: ڤێ گاڤێ دهست ب چارهى بكه:
ڤێ گاڤێ، نه سوباهى ونه پشتى سهعهتهكا دى، چونكى تو نزانى دهمێ تو بێهنا خۆ هل دكێشى كانێ هند دێ مینیه ساخ حهتا حهتا جارهكا دى وێ بێنێ بهرددهیه ڤه یان نه؟
دهمێ تو پێ دحهسیێى كو ئێشهكا گههشتیه ته، تو نابێژى: دێ كانێ چارهسهرى بلا بۆ ههیڤهكا دى بت، گاڤا (صهفقهیهكا تجارى) بۆ ته دكهڤت تو نابێژى: هێشتا زویه بلا بۆ جارهكا دى بت، پا بۆچى گاڤا گونههـ پنیهكا ڕهش ل سهر دلێ ته دكهت تو دبێژى: شویشتن بلا بۆ هنگى بت حهتا ئهز دپیرم! ما تو نزانى پنى ئهگهر دهمهكێ درێژ ل سهر تشتى ما دێ ڕهنگێ خۆ دهتێ وئێدى ژێ ناچت؟!
مرۆڤهكێ خودان هیممهت به، وكهسهكێ عهمهلى به، بێژه: ڤێ گاڤێ ونهبێژه: سوباهى، ئهگهر ته بڤێت د ژینا خۆ دا یێ سهركهفتى بى.
ئـهڤــه رهمـــهزان ب نیڤى بــوو، ئـــهرێ ته پسیار ژ خۆ كریه كانێ ته چ كریه، وكانێ ئهو گۆتنێن ته گۆتین، ته كرینه كریار یان نه؟
