سالوخەتێن خودا پەرێسان (1)
ڕەنگە ئەو هشیاربوونا موسلمانان یا ل ڤێ دویماهییێ وگەلەك ل ڤێ دویماهییێ پەیدا بووی ، وبەرگەڕیانا لێكدانا سەروبەرێ وان وگەهاندنا وێ كەلاشتنێ بەلكی وان كەلشتۆكان یێن ئەڤە ب سەدان سالە كەفتینە ژینا وان ، وڕەنگە ب كارئینانا وان بۆ هێز وشیانێن خۆ ، وكۆمبوونا وان ل سەر پەیڤا خودێ ، ڕەنگە ئەڤ هەمییە دەلیلەكێ بـنـبـڕ بـت ل سەر شوبن دەستێ شیانا خودێ ل سەر هاریكارییا وان یێن قەستا وی دكەن وداخوازا هاریكارییێ ژ وی دكەن .
وهێزێن ڕۆژئاڤا وڕۆژهەلاتێ نوكە دەست ب هژیان وژێكڤەبوونێ كرییە ل ژێر دژوارە دربێن ڤێ ئێكبوونا موسلمان یا ئەم هیڤی دكەین بەردەوام بمینت ونێزیك بەرهەمی ژ خۆ بدەت ، وئەڤ چەندە ل بەر خودێ یا ئاسێ نینە ئەگەر خۆ ئەو ل بەر وان كەسێن ژ ڤێ هشیاربوونا ژ ڕاستی بێ هیڤی بووین یا ب زەحمەت ژی بت .
وئەگەر د هزرێ دا بنەجـه بوو ـ وئەز دبێژم ئەو هەر یا بنەجهە ـ كو ئیسلام ل سەر پەرستنا خودایێ ئێكانە وكت ڕادوەستت ، وكو بۆ ڤێ چەندێ خودێ چێكری ئافراندینە ، تو بزانە ـ خودێ زانینێ ب رزقێ من وتە بكەت ـ كو ڕوییێ ئیسلامێ ئەوێ موسلمان پێ بەرانبەر جیهانێ ئاشكەرا دبت وەك ئیسلامەكا زێندی وخودان لڤین كۆمەكا كارێن بلند وقەنجییێن مەزن وئەخلاقێن بالا وتۆرەیێن بلند وزانینێن ب مفایە ، نە ب تنێ خودانێ وان ل بەر سیبەرا وان دلشاد دبت ، بەلكی هەر چێكرییەكێ خودێ دای د گەل وی دلـخـۆش دبت ، وپشتی هنگی هەر ئێكێ پێگیرییێ پێ بكەت دێ سەرفەراز وسەربلند بت ، وئەڤەیە وە ل مە دكەت ئەم ب چاڤێ ڕێزێ وبلندییێ بەرێ خۆ بدەینە ڤان نموونەیێن مرۆڤینی وئیسلامی یێن بلند و ب بها .
ژ ڤێ دێ گەهینە هندێ كو پەرستنا خودێ ب تـنـێ ب هەمی ڕامانێن وەحدانییەت ویەكتا پەرێسییێ ڤە ، وەكی ژ ڤێ ئایەتا پـیـرۆز ئاشكەرا دبت : [ وَمَا خَلَقْتُ الْجِنَّ وَالْإِنْسَ إِلَّا لِيَعْبُدُونِ ـ و من ئـەجـنـە ومرۆڤ نەئافراندینە ئەگەر ژ بـەر هـنـدێ نـەبـا كو ئەو پەرستنا من ب تنێ بكەن ] ( الذاریات 56 ) د گەل وان هەمی ئالاڤێن ( حەصرێ ) یێن كو تێدا هەین ، كارێ ئێكانەیە یێ ژ بەنییان هاتییە داخوازكرن كو ئەو ب جـه بینن .
وشارستانی ومەدەنییەت وبلندی وهێز وسەروەری وسەرفەرازی وئازادی ودیاركرن وئختـراع .. ئەڤ هەمی تشتێن ب ڤی ڕەنگی یێن كو كاری د نەفسێ دكەن ، ئەڤ هەمییە دڤێت بێنە ب جهئینان ئەگەر پەرستنا خودێ ب باشی بێتەكرن . وئەو هەمی باشی وبلندی یێن كو مرۆڤ ستـرانان پێ دبێژن ئەنجامێن مسۆگەرن ئەگەر ئەم د ڕاستگۆ بین د پەرستنا خودێ دا ، چونكی قورئانا مەزن ئەوا پەرستنا خودێ ژ مە دخوازت ، وان سالۆخەتان بۆ مە ئاشكەرا دكەت یێن كو ل خودا پەرێسی هەین وهەر كەسەكێ هێژای ڤێ پەرستنێ بت .
•ڤێجا ئەو كەسێ خودا پەرێس بت دێ د گەل خۆ یێ ڕاستگۆ بت ، ودێ دودل وهژهژۆك نابت (أَتَأْمُرُونَ النَّاسَ بِالْبِرِّ وَتَنْسَوْنَ أَنْفُسَكُمْ وَأَنْتُمْ تَتْلُونَ الْكِتَابَ ۚ أَفَلَا تَعْقِلُونَ ـ چ حالەكێ كرێتە حالـێ هەوە ویێ زانایێن هەوە دەمێ هوین فەرمانێ ب باشییێ ل مرۆڤان دكەن ، وهوین نەفسا خـۆ ژ بیـر دكەن ، وبەرێ وێ نادەنە خێرا مەزن كو ئیسلامە ، وهوین كیتابێ دخوینن ، ئەرێ ڤێجا ما هـویـن عـەقـلـێ خـۆ ب كار نائینن كارئینانەكا دورست ؟ ] ( البقرة 44 ) .
•ومـرۆڤـێ خـودا پـەرێـس یێ مل پەحن وبێهن فرەهە [يَا أَيُّهَا الَّذِينَ آمَنُوا اسْتَعِينُوا بِالصَّبْرِ وَالصَّلَاةِ ـ گەلی خودان باوەران د هەمی كارێن خۆ دا هوین داخـوازا هاریكارییێ ژ خودێ بكەن : ب بێهن فرەهییێ, و نڤێژێ ] ( البقرة 153 ) .
•ومرۆڤێ خودا پەرێس یێ هزرڤان ولێگەڕە [إِنَّ فِي خَلْقِ السَّمَاوَاتِ وَالْأَرْضِ وَاخْتِلَافِ اللَّيْلِ وَالنَّهَارِ وَالْفُلْكِ الَّتِي تَجْرِي فِي الْبَحْرِ بِمَا يَنْفَعُ النَّاسَ وَمَا أَنْزَلَ اللَّهُ مِنَ السَّمَاءِ مِنْ مَاءٍ فَأَحْيَا بِهِ الْأَرْضَ بَعْدَ مَوْتِهَا وَبَثَّ فِيهَا مِنْ كُلِّ دَابَّةٍ وَتَصْرِيفِ الرِّيَاحِ وَالسَّحَابِ الْمُسَخَّرِ بَيْنَ السَّمَاءِ وَالْأَرْضِ لَآيَاتٍ لِقَوْمٍ يَعْقِلُونَ ـ د ئافراندنا عەسمانان دا كو هاتینە بلندكرن وفرەهكرن ، ویا عەردی ب چیا ودەشت ودەریـایێن وی ڤــە ، و د ژێكجودابوونا شەڤ وڕۆژان دا ژ لایێ درێژی وكورتییێ ، وتاری وڕۆناهییێ ڤە ، و ل دویڤ ئێك هاتنا وان ، و د گەمییان دا ئەوێن ل دەریایێ دچن ، ووی تشتێ مفایێ مرۆڤان تێدا هل دگرن ، و د وێ ئاڤا بارانێ دا یا خودێ ژ عـەسـمانی باراندی ڤێجا عەرد پشتی هشك وبێ شینكاتی مایی كەسك وجوانكرییـەڤـە ، و د وان خودان ڕحان دا یێن ل سەر عەردی بەلاڤكرین ، و د ئینان وبرنا وی بای دا یێ وی قەنجی پێ ل هەوە كری ، ووان عەورێن د ناڤبەرا عەسمانی وعەردی دا هاتینە ب ڕێڤەبرن ، د ڤان هەمی نیشانێن بـۆری دا ئایەت ل سەر یەكینییا خودێ ومەزنییا قەنجییێن وی بـۆ مللەتێ تێ بگەهت هەنە ] ( البقرة 164 ) .
•ومرۆڤێ خودا پەرێس یێ سەرگەرم و ( موغامر ) نینە [وَلَا تُلْقُوا بِأَيْدِيكُمْ إِلَى التَّهْلُكَةِ ـ وهوین گـەلـی خودان باوەران ب هێلانا جیهادێ ونەدانا مالی د وێ ڕێكێ دا خۆ نەهاڤێنە هیلاكی ] ( البقرة 195 ) .
•ومرۆڤێ خودا پەرێس یێ دوڕوی وخاپینۆك نینە [وَمِنَ النَّاسِ مَنْ يُعْجِبُكَ قَوْلُهُ فِي الْحَيَاةِ الدُّنْيَا وَيُشْهِدُ اللَّهَ عَلَىٰ مَا فِي قَلْبِهِ وَهُوَ أَلَدُّ الْخِصَامِ ـ وهــنــدەك مرۆڤ ژ دوڕوییان كەیفا تە ب گۆتنا وی یا رەهوان دئێت ، وئەو سویندێ ب خودێ دخۆت كو ڤیانا ئیسلامێ د دلـێ وی دا هەیە ، وئەڤە بستەیییەكا مەزنە ل سەر خودێ ، وئەو ب خۆ دوژمنی وهەڤڕكییا وی بۆ ئیسلامێ وموسلمانان یا دژوارە ] ( البقرة 204 ) .
•ومـرۆڤـێ خـودا پەرێس پشت نادەتە مرۆڤان وخۆ ژ وان ڤەدەر ناكەت ب هێجەتا هندێ كو ئەو عیبادەتی بكەت وخۆ بوەستینت [وَمِنَ النَّاسِ مَنْ يَشْرِي نَفْسَهُ ابْتِغَاءَ مَرْضَاتِ اللَّهِ ۗ وَاللَّهُ رَءُوفٌ بِالْعِبَادِ ـ وهندەك مرۆڤ پێخەمەت ڕازیبوونا خودێ خۆ دفرۆشن . وخودێ ب بـەنـییـان یـێ مـهـرەبـانـە ، ب دلۆڤانییەكا بەرفرەه ل دنیایێ وئاخرەتێ دلۆڤانییێ ب بەنییێن خـۆ یێن خودان باوەر دبەت ، وجزایـەكێ باش ددەتە وان ] ( البقرة 207 ) .
•ومرۆڤێ خودا پەرێس كەسەكێ هممەت بلندە وخـۆ كـێـم نـاكـەت [كُنْتُمْ خَيْرَ أُمَّةٍ أُخْرِجَتْ لِلنَّاسِ ـ هوین ئەی ئومـمەتا موحەمـمەدی چێـتـرین ئومـمـەتـن و ب مفاتـرین مرۆڤن بـۆ مرۆڤان ] ( آل عمران 110 ) .
•ومرۆڤێ خودا پەرێس كەسەكێ مەردە ونە یێ بـەخـیـلە [وَلَا يَحْسَبَنَّ الَّذِينَ يَبْخَلُونَ بِمَا آتَاهُمُ اللَّهُ مِنْ فَضْلِهِ هُوَ خَيْرًا لَهُمْ ـ وئەوێن قەلسییێ ب وی تشتێ خودێ ژ قەنجییا خۆ دایێ دكەن بلا هزر نەكەن ئەڤ قەلسییە بۆ وان باشە ، بەلكی ئەو خرابییە بۆ وان ] ( آل عمران 180 ) .
•ومرۆڤێ خودا پەرێس رازی نابت بێتە ئستغلالكرن یان ببتە كۆلە وكەسەكێ سەرشۆڕ [ فَالَّذِينَ هَاجَرُوا وَأُخْرِجُوا مِنْ دِيَارِهِمْ وَأُوذُوا فِي سَبِيلِي وَقَاتَلُوا وَقُتِلُوا لَأُكَفِّرَنَّ عَنْهُمْ سَيِّئَاتِهِمْ وَلَأُدْخِلَنَّهُمْ جَنَّاتٍ تَجْرِي مِنْ تَحْتِهَا الْأَنْهَارُ ثَوَابًا مِنْ عِنْدِ اللَّهِ ۗ وَاللَّهُ عِنْدَهُ حُسْنُ الثَّوَابِ ـ وئەوێن پێخەمەت ڕازیبوونا خودێ مشەخت بووین ، و ژ وارێن وان هاتینە دەرێخستن ، و د ڕێكا عەبدینییا خودایێ خـۆ دا نەخـۆشی هاتییە سەری ، و د رێكا خودێ دا شەڕ كری وپێخەمەت بلندكرنا پەیڤا وی هاتینەكوشتن ، خودێ گونەهێن وان دێ ڤەشێرت ، كا چاوا بـۆ وان د دنیایێ دا ڤەشارت بوون ، وئەو وان سەرا جزا نادەت ، ودێ وان كەتە د وان بەحەشتان دا یێن ڕویبار د بن داروبار وقەسرێن وان دا دچن ، و ل نك خودێ قەنجییا باش هەیە ] ( آل عمران 195 ) .
•ومرۆڤێ خودا پەرێس سیاسەتەكا موكم وبـنـەجـه د هەمی كاران دا هەیە ویێ بێ سەروبەر نینە [يَا أَيُّهَا الَّذِينَ آمَنُوا اصْبِرُوا وَصَابِرُوا وَرَابِطُوا وَاتَّقُوا اللَّهَ لَعَلَّكُمْ تُفْلِحُونَ ـ ئەی گەلی ئەوێن باوەری ب خودێ وپێغەمبەرێ وی ئینای صەبرێ ل سەر گوهدانا خودایێ خـۆ بكێشن ، و ل سەر وێ تەنگاڤی ونەخـۆشییا دئێتە سەرێ هەوە ، و ل هەمبەری دوژمنێن خـۆ دبێهن فرەهــ بن دا ئـەو ژ هـەوە د بێهن فرەهتـر نەبن ، و ل سەر جیهادا د گـەل نـەیـارێن مــن ونــەیارێـن خــۆ دبەردەوام بن ، و د هەمی حالێن خـۆ دا هوین ژ خودێ بتـرسن ، ب وێ هـیـڤـییـێ كـو هوین ل دنیایێ وئاخرەتێ ڕازیبوونا وی ب دەست خـۆ ڤە بینن ] ( آل عمران 200 ) .
•ومرۆڤێ خودا پەرێس خۆ ژ ئەركێ خۆ نادەتە پاش ژ بەر هندێ كو هندەك كەس ب كارێ خۆ ڕانابن [فَقَاتِلْ فِي سَبِيلِ اللَّهِ لَا تُكَلَّفُ إِلَّا نَفْسَكَ ـ تو ئەی موحەممەد جیهادا د ڕێكا خودێ وبلندكرنا پەیڤا وی دا بكە ، تو ژ كرنا كەسێ دی یێ بەرپسیار نینی وسەرا وێ ل تە نائێتەگرتن ] ( النساء 84 ) .
•ومـرۆڤـێ خـودا پەرێس قەستا خێرێ دكەت وخۆ ژ خرابییێ ددەتە پاش [مَنْ يَشْفَعْ شَفَاعَةً حَسَنَةً يَكُنْ لَهُ نَصِيبٌ مِنْهَا ۖ وَمَنْ يَشْفَعْ شَفَاعَةً سَيِّئَةً يَكُنْ لَهُ كِفْلٌ مِنْهَا ۗ وَكَانَ اللَّهُ عَلَىٰ كُلِّ شَيْءٍ مُقِيتًاـ هەچییێ بەرگەڕیانێ بكەت دا ئێك خێرەكێ بكەت ژ بەر مەهدەرا وی بارەك بۆ وی ژخێرێ دێ هەبت ، وهەچییێ بەرگەڕیانێ بكەت دا خرابی بگەهتە ئێكێ دی بارەك ژ گونەهێ دێ بۆ وی هەبت ، وخودێ ل سەر هەر تشتەكی شاهد وپارێزەر بوویە ] ( النساء 85 ) .
•ومرۆڤێ خودا پەرێس یێ هشیارە ، بێ ئاگەه نامینت [ يَا أَيُّهَا الَّذِينَ آمَنُوا خُذُوا حِذْرَكُمْ ـ ئەی گەلی ئـەوێـن باوەری ئـیـنـای د هشیاری خـۆ بن ] ( النساء 71 ) .
•ومرۆڤێ خودا پەرێس یێ دل موكمە دەمێ هەوار دگەهتێ ب لەز د هەوارێ دچت ، بەڕەڤانییێ ژ وی دكەت یێ ئەو بنیاست ویێ نەنیاست ژی (وَمَا لَكُمْ لَا تُقَاتِلُونَ فِي سَبِيلِ اللَّهِ وَالْمُسْتَضْعَفِينَ مِنَ الرِّجَالِ وَالنِّسَاءِ وَالْوِلْدَانِ الَّذِينَ يَقُولُونَ رَبَّنَا أَخْرِجْنَا مِنْ هَٰذِهِ الْقَرْيَةِ الظَّالِمِ أَهْلُهَا وَاجْعَلْ لَنَا مِنْ لَدُنْكَ وَلِيًّا وَاجْعَلْ لَنَا مِنْ لَدُنْكَ نَصِيرًاـ وما ئەو چیە گەلی خودا باوەران دبتە ئاسـتـەنـگ د ڕێـكا هەوە وكرنا جیهادا پێخەمەت ب سەرێخستنا دینێ خودێ دا ، وپێخەمەت پشتەڤانییا بێ دەسهەلاتان ژ زەلام وژن وزارۆیان ئەوێن تەعدایی لـێ هاتییەكرن ، ووان چو ڕێ نینن ژبلی هندێ كو هاوارێن خـۆ بگەهیننە خودایێ خـۆ وبێژن : خودایێ مە ، تـو مە ژ ڤی گوندێ مرۆڤێن وی ب كوفرێ زۆرداری ل خــۆ كــری و ب نـەخـۆشـییـێ زۆرداری ل خــودان باوەران كری ـ كو مەكەهە ـ دەربێخە ، وتو ژ نك خـۆ خودانەكی بـۆ مە پەیدا بكە سەركارییێ ل مە بكەت ، وپشتەڤانەكی كو مە ب سەر زۆرداران بێخت ] ( النساء 75 )
.
•ومرۆڤێ خودا پەرێس گۆتگۆتكان بەلاڤ ناكەت ، وتەناهییێ تێك نادەت ، وترسێ بەلاڤ ناكەت ، وكاری بۆ خودانان دزڤڕینت [وَإِذَا جَاءَهُمْ أَمْرٌ مِنَ الْأَمْنِ أَوِ الْخَوْفِ أَذَاعُوا بِهِ ۖ وَلَوْ رَدُّوهُ إِلَى الرَّسُولِ وَإِلَىٰ أُولِي الْأَمْرِ مِنْهُمْ لَعَلِمَهُ الَّذِينَ يَسْتَنْبِطُونَهُ مِنْهُمْ ۗ وَلَوْلَا فَضْلُ اللَّهِ عَلَيْكُمْ وَرَحْمَتُهُ لَاتَّبَعْتُمُ الشَّيْطَانَ إِلَّا قَلِيلًا ـ وئـەگـەر فەرمانەكا دڤـێـت بێتە ڤەشارتن یا كو پەیوەندی ب تەناهییێ ڤە هەبت یا خێرا وێ بـۆ ئیسلامێ وموسلمانان بزڤڕت ، یان پەیوەندی ب تـرسێ ڤە هەبت یا بگەهتە وان ، ئەگەر ئەو گەهشتە ئەوێن هە یێن باوەرییێ جهێ خـۆ د دلێن وان دا نەكری ، ئەو دێ وێ د ناڤ مرۆڤان دا بەلاڤ كەن ، وئەگەر وان ئەو بـۆ پێغەمبەرێ خودێ سلاڤ لـێ بن وبـۆ زانا وتێگەهشتییان زڤڕاندبا ، دا خودانێن تێئینانەدەر وزانینێ ژ وان ڕاستییا وێ زانن . وئەگەر قەنجییا خودێ ل سەر هەوە نەبا وكو وی دلـۆڤانی ب هەوە بر هوین دا دویكەفتنا شەیتانی كەن كێم ژ هەوە تێ نەبن ] ( النساء 83 ) .
•ومرۆڤێ خودا پەرێس یێ وەفادارە [يَا أَيُّهَا الَّذِينَ آمَنُوا أَوْفُوا بِالْعُقُودِ ـ ئەی ئەوێن باوەری ئینای پەیمانێن خۆ یێن موكم پێك بینن ] ( المائدة 1 ) .
•ومرۆڤێ خودا پەرێس ب هەمی ڤە ئاشكەرا وڤەشارتی یێ خودێ یە [ قُلْ إِنَّ صَلَاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ ـ تو ئەی موحەممەد بێژە : هندی نڤێژا من وقوربانێ منە ب تنێ بـۆ خودێنە ، وژینا مـن ومـرنـا من بـۆ خودێ یە خودایێ هـەمـی چـێـكـرییان ] ( الأنعام 162 ) .
•ومرۆڤێ خودا پەرێس دزانت كو پێشڤەچوون ڕاستـتـرین ڕێكا سەركەفتنێ یە [قَالَ رَجُلَانِ مِنَ الَّذِينَ يَخَافُونَ أَنْعَمَ اللَّهُ عَلَيْهِمَا ادْخُلُوا عَلَيْهِمُ الْبَابَ فَإِذَا دَخَلْتُمُوهُ فَإِنَّكُمْ غَالِبُونَ ۚ وَعَلَى اللَّهِ فَتَوَكَّلُوا إِنْ كُنْتُمْ مُؤْمِنِينَ ـ دو زەلامان ژ وان یێن ژ خودێ دتـرسیان ، خودێ قەنجی د گەل كربوو وان گوهدارییا خودێ وپێغەمبەرێ وی دكر ، گۆتە ئسرائیلییان : هوین ب سەر وان جەبابران دا د دەرگەهێ باژێرێ وان ڕا هەڕنە ژۆر ، وەك كارئینان بۆ ئەگەران ، وئەگەر هوین د دەرگەهی ڕا ب سەر وان دا چوونە ژۆر هوین دێ ب سەركەڤن ، وخـۆ بهێلنە ب هیڤییا خودێ ب تنێ ڤە ، ئەگەر هەوە باوەری ب پـێـغـەمـبـەرێ وی هـەیـە ، وهـویـن كاری ب شریعەتێ وی دكەن ] ( المائدة 23 ) .
•ومرۆڤێ خودا پەرێس یێ خۆڕاگرە ، نە یێ ئەزمان درێژ وخەبەر بێژە ، بەلكی ئەو ل دویڤ دەلیلان دچت [وَلَا تَسُبُّوا الَّذِينَ يَدْعُونَ مِنْ دُونِ اللَّهِ فَيَسُبُّوا اللَّهَ عَدْوًا بِغَيْرِ عِلْمٍ ـ وهوین گەلی موسلمانان خەبەر وجڤینا نەدەنە وان صەنەمان یێن بوتپەرێس عیبادەتی بـۆ دكەن حەتا هوین نەبنە ئەگەر كو ئەو ژ زێدەگاڤی ونەزانین خەبەر وجڤینا بدەنە خودێ ] ( الأنعام 108 ) .
•ومرۆڤێ خودا پەرێس زڕزڕكان ناكەتە بەر خۆ ، و ل سەر هشكێ ڕزی ناژیت ، خۆشییێ ب رزقێ خودێ یێ حەلال وخەملا دورست دبەت [قُلْ مَنْ حَرَّمَ زِينَةَ اللَّهِ الَّتِي أَخْرَجَ لِعِبَادِهِ وَالطَّيِّبَاتِ مِنَ الرِّزْقِ ۚ قُلْ هِيَ لِلَّذِينَ آمَنُوا فِي الْحَيَاةِ الدُّنْيَا خَالِصَةً يَوْمَ الْقِيَامَةِ ـ تو ئەی موحەممەد بێژە وان نەزانان : ئەرێ كێ ئەو جلكێ باش یێ خودێ كرییە خەمل بـۆ هەوە ل سەر هەوە حەرام كرییە ؟ وكێ خۆشی پێ برنا ب ڕزقێ حەلال یێ خودێ دای حەرام كرییە ؟ تو بێژە وان : هندی ئەو جلك وخوارن وڤەخوارنێن پاقژن یێن خودێ حەلال كرین د ژینا دنیایێ دا بـۆ وانە یێن باوەری ئینای وخەلكێ دی ژی پشكدارییا وان تێدا دكەن ، و ل ڕۆژا قیامەتێ ئەو بـۆ وان ب تنێ نە ] ( الأعراف 32 ) .
