دا كو دلێ مه یێ نهرم بت
دویرترین دل ژ خودێ دلێ ڕهقه، ومهزنترین عقووبه خودێ ددهته بهنییێ خۆ ئهگهر هات ووی سۆزا خودایێ خۆ شكاند ئهو دلێ وی ڕهق دكهت، د ئایهتهكا پیرۆز دا خودایێ مهزن بهحسێ هندهك بهنییێن خۆ یێن سهرداچووی دكهت، ودبێژت: ( فَبِمَا نَقْضِهِمْ مِيثَاقَهُمْ لَعَنَّاهُمْ وَجَعَلْنَا قُلُوبَهُمْ قَاسِيَةً )(المائدة: 13) ڤێجا ژ بهر شكاندنا وان بۆ پهیمانێن خۆ یێن موكم مه ئهو ژ دلۆڤانییا خۆ دهركرن، و مه دلێن وان ڕهق كرن.
و دلێ ڕهق ئاگر دێ هێژای وی بت، چونكی ئاگر بۆ حهلاندنا دلێن ڕهق یێ هاتییه چێكرن، و ههر جارهكا دل ڕهق بوو چاڤ ژی ژ ڕۆندكان هشك دبن، و زانایێن بسپۆر ل وێ باوهرێنه كــــو دل ب هندێ ڕهق دبـــــت ئهگهر خودانی (موبالهغه) د ئێك ژ چار ژ ڤان تشتان دا كر: خوارن، خهو، و ئاخفتن.
و كانێ چاوا ئهگهر لهش نهخۆش بوو خوارن و ڤهخوارن مفای ناگههینتێ، وهسا دل ژی ئهگهر ب (شههوهتان) كهفت گۆتن و وهعز چو مفای ناگههیننێ، لهو ههر كهسهكێ بڤێت خۆ نێزیكی خودێ بكهت، بلا دلێ خۆ ب ڕهنگهكێ وهسا زهلال بكهت كو ئهو حهقییێ ب پێش خـــۆشــــی و دلچوونان بێخت، چونكی دل ل دویڤ گـــرێــــدانـــا وی ب دلچوون و شههوهتان ڤه یێ دویركهفتییه ژ خودێ، ودل وهكی ئامانێ شویشێیه، هندی یێ نازك و زهلالتر بت جوانی پتر تێڕا دئێته دیتن، و هندی یێ قایم و موكمتر بت پتر دێ یێ پاڕاستی بت ژ شكاندن و هویربوونێ، و ههر چی گاڤا مرۆڤی دلێ خۆ ب زكری ئاڤدا، و ب هزركرنێ تێركر، و ژ دهغهل و زهغهلی ڤهوژارت عهجێبییان دێ بینت، و حكمهت و گۆتنێن بنهجهـ ب ساناهی دێ ل سهر ئهزمانێ وی گهڕیێت..
و دلهكی ئهگهر خودێ ڤیا كاڤل بكهت دێ بهرێ وی دهته سهر سفرا دنیایێ دا هندێ ل سهر بچهرت حهتا ژهنگگرتی لێ بێت، و ژهنگا دنیایێ ئهگهر دل ههمی ڤهگرت ڤیانا خودێ ڕێكا خۆ ل نك نابینت، و هنگی ژێ عهجێبگرتی نهبن ئهگهر ئهو ژ كهڤرێ هشك ڕهقتر لێ هات: ( ثُمَّ قَسَتْ قُلُوبُكُمْ مِنْ بَعْدِ ذَٰلِكَ فَهِيَ كَالْحِجَارَةِ أَوْ أَشَدُّ قَسْوَةً ۚ وَإِنَّ مِنَ الْحِجَارَةِ لَمَا يَتَفَجَّرُ مِنْهُ الْأَنْهَارُ ۚ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاءُ ۚ وَإِنَّ مِنْهَا لَمَا يَهْبِطُ مِنْ خَشْيَةِ اللَّهِ ۗ وَمَا اللَّهُ بِغَافِلٍ عَمَّا تَعْمَلُونَ)(الـبـــقــــرة: 74) پاشــــــی پشتی ڤـــان ههمی موعجیزهیێن پــــهردهدڕ یێن هــــهوه دیتین دلێن ههوه ڕهق و دژوار بوون، ڤێجا چو تێدا نهچوو، و بهرانبهر ئایهتێن ئاشكهرا یێن من نیشا ههوه داین ئهو قهت نهرم نهبوون، بهلكی ئهو وهكی كهڤرێن كهڕ لێ هاتن، یان ڕهقتر ژی لێ هاتن، چونكی ژ كهڤران هندهك ههنه دپهقن وئاڤ ژێ دزێت، و دبته رویبارێن بۆش، و هندهك كهڤر ژی ههنه شهق دبن، و كانی ژێ دهردكهڤن، و هندهك كهڤر ژ ترسا خودێ دا ژ سهرێ چیایان ژۆردا دكهڤن، و خودێ یێ بێ ئاگههـ نینه ژ وی تشتێ هوین دكهن.
و شهوق بۆ خودێ و بۆ لیقائا وی ئهو بایێ هوینه یێ ب سهر دلی دا دئێت و گهرما دنیایێ ژ هنداڤ دبهت، و وی وهكی وی نازكه گایێ رحانێ لێ دكهت یێ د گهل بایێ سهرێ سحاران دهژیێت.. لهو ههر كهسهكێ دلێ خۆ ب نك خودایێ خۆ ڤه ببهت و ب زكرێ وی تهنا بكهت دلێ وی دێ رحهت بت، و ههچییێ دلێ خۆ ب نك دنیایێ و مرۆڤێن وێ ڤه ببهت رحهتییێ نابینت، و ئهو دلێ خۆ بۆ فتنا شهیتانی دكهته جهێ تۆڤ چینییێ: ( لِيَجْعَلَ مَا يُلْقِي الشَّيْطَانُ فِتْنَةً لِلَّذِينَ فِي قُلُوبِهِمْ مَرَضٌ وَالْقَاسِيَةِ قُلُوبُهُمْ ۗ وَإِنَّ الظَّالِمِينَ لَفِي شِقَاقٍ بَعِيدٍ)(الحج: 53) ئهڤ كاره ژ شهیتانی چێ نابت بۆ هندێ نهبت دا خودێ وی بكهته جهرباندن بۆ ئهوێن نفاق د دلێن وان دا ههی، و بۆ ئهوێن دلڕهق یێن ترساندن كاری د وان نهكهت، و هندی زۆردارن د دوژمنییهكا دژوار دانه بۆ خودێ و پێغهمبهرێ وی، و د نهحهقییهكا دویر دانه ژ ڕاستییێ.
وئهو كهسێ خودێ دلهكێ وهسا دابتێ كو هند یێ نهرم ببت حهتا شوینوارێن ڤێ نهرمییێ ل سهر ئهندامێن دی یێن لهشێ وی دیار ببن.. ئهڤه قهنجییهكا مهزنه ژ خودێ ئهو د گهل وی عهبدێ خۆ دكهت یێ وی دڤێت.
( أَفَمَنْ شَرَحَ اللَّهُ صَدْرَهُ لِلْإِسْلَامِ فَهُوَ عَلَىٰ نُورٍ مِنْ رَبِّهِ ۚ فَوَيْلٌ لِلْقَاسِيَةِ قُلُوبُهُمْ مِنْ ذِكْرِ اللَّهِ ۚ أُولَٰئِكَ فِي ضَلَالٍ مُبِينٍ)(الزمر: 22) ئهرێ ههچییێ خودێ سنگێ وی فرههـ كـربــت، ڤێجا ئهو ب قهبویلكرنا ئیسلامێ و باوهری ئینانێ دلخۆش ببت، و ل سهر ڕێكهكا ڕوهن و هیدایهتهكا ژ خودایێ خۆ بت، ما دێ وهكی وی بت یێ نه وهسا بت؟ ئهو وهكی ئێك نابن. ڤێجا تێچوون بۆ وان بت یێن دلێن وان ڕهق بووین، و پشت داینه زكرێ خودێ، ئهو یێن د بهرزهبوونهكا ئاشكهرا دا ژ حهقییێ.
مهعنا: نهرمییا دلی رهحمهكه خودێ ددهته خاسێن خۆ، دا ئهو پێ ژ خرابییێ بێته پاڕاستن، چونكی ئهوێ دلهكێ نهرم ههی ل بهرانبهر خودایێ خۆ ههردهم یێ شكهستییه، ههر جارهكا گازیكهرێ خرابییێ بهرێ وی بدهته ڕێكا شهیتانی ترسا ژ خودێ بهرێ وی دێ وهرگێڕته ڕێكا ڕاست، ڕێكا ئیسلامێ، ڕێكا سهرفهرازییا دنیایێ و ئاخرهتێ.. و ههر جارهكا گازیكهرێ شههوهتێ بهرێ وی بدهته سهرداچوونێ، لهشێ وی تێكدا ژ ترسا خودایێ وی دێ ڤهلهرزت، لهو تو نابینی ئهو ل دویڤ گازیكهری بچت.
و مرۆڤهكی تو دێ بینی دلێ وی ژ كهڤری ڕهقتره، نه باوهری تێ دچت و نه حهقییێ دنیاست، پاشی رهحما خودێ دێ ڤێڕا گههت وئهڤ مرۆڤه دبته ئێكێ دی، باوهری دێ خــــۆ ل كاكلكا دلێ وی ددهت، و سۆتنییهكا وهسا بهرددهتێ چاڤ ڕۆندكان ژ بهر ببارینن، و خودانێ ڤی دلی ژ دیوانا (شهقائێ) بهر ب دیوانا سهعادهتێ ڤه دێ ئێته ڤهگوهاستن.
یا رهبی ئهگهر ته ل نك خۆ ناڤێ مه د دیوانا (شهقائێ) دا نڤیسی بت، تو وی ژێ ببه و د دیوانا (سهعادهتێ) دا بنڤیسه.
